Најмалку 49 ерменски војници загинаа во судирите на границата со Азербејџан

Тале Кристо — Tue, 13 Sep 2022 09:15:34 +0000

Најмалку 49 ерменски војници загинаа во судирите на границата со Азербејџан, изјави премиерот на Ерменија, Никол Пашинјан. – Во моментот има 49 загинати (војници) и за жал тоа не е конечниот број, истакна Пашинјан во Парламентот. Според медиумите азербејџанската армија утрово изврши напад на пет до шест места. Пашинјан претходно од претседателите на Русија и на Франција, Владимир Путин и Емануел Макрон и од американскиот државен секретар Ентони Блинкен да реагираат на „агресијата од Азербејџан“. Министерството за одбрана на Ерменија објави и дека Москва и Ереван се обврзале да преземат мерки за „стабилизирање на ситуацијата“ на границата меѓу Ерменија и Азербејџан. Ерменија и Азербејџан со посредство на Русија во ноември 2020 година потпишаа мировен договор, по поразот на ерменските сили во шестнеделната војна за Нагорно-Карабах, при што загинаа повеќе од 6.500 луѓе. Со тој договор, Ерменија изгуби контрола врз дел од Нагорно-Карабах и околните области во Азербејџан по повеќе од 25 години.

Азербејџан: Стотици загинати ерменски војници

Ивона Петрова — Mon, 28 Sep 2020 06:13:37 +0000

Ерменските вооружени сили во судирите во Нагорно-Карабах претрпеа големи загуби – најмалку 550 лица се убиени и ранети, објави Спутник Азербејџан, повикувајќи се на Министерството за одбрана. Според соопштението на азербејџанското Министерство за одбрана, ерменските вооружени сили загубиле 22 оклопни возила, 15 системи за противвоздушна одбрана, 18 беспилотни летала, осум артилериски единици и три складишта за муниција. Претходно, ерменскиот министер за одбрана Рафи Хованисијан изјави дека Баку загубил околу 200 војници, како и околу 30 тенкови и оклопни возила. Портпаролот на ерменското Министерство за одбрана Степанјан, исто така, објави за своите загуби, дека се убиени 16 лица и над 100 ранети, а претседателот на непризнатата Република Нагорно-Карабах пријави десетици убиени и ранети. Баку и Ереван меѓусебно се обвинуваат за започнување на конфликтот. Министерството за одбрана на Ерменија соопшти дека Карабах бил „подложен на воздушни и ракетни напади“ од Азербејџан. Баку тврди дека ерменските сили први отвориле оган, а азербејџанските трупи започнале со контраофанзива. Генералниот секретар на Обединетите нации, Антонио Гутереш и голем број светски лидери ги повикаа двете земји веднаш да ги прекинат воените дејства.

ерменски војници – Kurir.mk

Најмалку 49 ерменски војници загинаа во судирите на границата со Азербејџан

Азербејџан: Стотици загинати ерменски војници