„Животот на секој човек ќе заврши исто“ – од мудрите мисли на Ернест Хемингвеј може многу да научиме

Ивана Ефремовски — Wed, 23 Nov 2022 09:33:43 +0000

Американскиот нобеловец и добитник на Пулицеровата награда, Ернест Хемингвеј, е човек кој бил преполн со животно искуство. Славниот писател и новинар бил еден од највлијателните на своето време, а таа титула ја носи и до ден денес. Вака говорел Хемингвеј за животот: „Не постои поверен пријател од книгата.“ „Среќата кај интелигентните луѓе е најретката работа која ја знам.“ „Сакам да спијам. Мојот живот има тенденција да се распадне кога сум буден, знаете?“ „Секогаш направи го трезен она што си го рекол дека ќе го направиш пијан. Тоа ќе те научи да го држиш јазикот зад забите.“ „Најдобриот начин да откриеш дали можеш да веруваш некому е да му веруваш.“ „Сѐ што треба да направиш е да напишеш една вистинска реченица. Напиши ја највистинската реченица која ја знаеш.“ „Јас пијам за другите луѓе да ми бидат интересни.“ „Кога луѓето зборуваат, слушај во целост. Повеќето луѓе никогаш не слушаат.“ „Животот на секој човек ќе заврши исто. Постојат само детали за тоа како живеел и како умрел кои го разликуваат од другите.“ „Мачката има целосна емоционална искреност. Луѓето, од една или друга причина, можат да ги сокријат своите чувства, но мачката не може.“ „Мојата цел е да ставам на хартија сѐ што гледам или доживувам, на најдобар и наједноставен начин.“ „За да можеш да пишуваш за животот, прво мора да го живееш.“ „Никогаш не оди на патување со некој кој не го сакаш.“ „На човекот му требаат околу 2 години за да научи да зборува и околу 50 години за да научи да слуша.“ „Светот ги крши сите, но во крајна линија излегува дека некои се појаки на скршените места.“ „Не постои ништо што може да се спореди со пишувањето. Сѐ што правиш е тоа што седиш на машината за пишување и крвавиш.“ „Сите добри книги имаат една заедничка работа: пореални се дури и од тоа ако навистина се случиле во реалноста.“ „Кога луѓето се сложуваат со мене, секогаш имам чувство дека некаде сум погрешил.“ „Никогаш немој да мислиш дека војната, колку и да ни е потребна, колку и да е оправдана, не е злочин.“ „Младоста ја имаме за да правиме глупости, а староста за да се жалиме на тие глупости.“ „Можат да нè понижуваат, но не можат да нè понижат.“ „За моралот знам само дека морално е она по кое се чувствувате добро, а неморално е она по кое се чувствувате лошо.“ „Човекот не е создаден за пораз. Човекот може да биде уништен, но не и поразен.“ „Единствената работа која може да го расипе денот се луѓето. Луѓето отсекогаш биле ограничени во среќата, освен оној мал број од нив кои се добри како и самата пролет.“ „Храброста е грациозност под притисок.“

Најкратката и најтажната приказна на светот: Има само 6 збора, но ќе ви го скрши срцето

Катерина Бојаџиева — Sat, 03 Nov 2018 09:40:15 +0000

Легендарниот Ернест Хемингвеј бил многу млад кога во текот на разговорот со колегите писатели, многу повозрасни од него, одлучил да се пофали по секоја цена, па што сака нека биде. Тогаш на неговите соговорници им рекол дека е во состојба да напише комплетна приказна во само шест збора. Никој не му поверувал, сите го сфатиле тоа како обид и желба на младиот писател да се истакне меѓу колегите. Меѓутоа, за да го исмеат младиот Хемингвеј, одлучиле да си поиграат со него, па се обложиле дека тоа е невозможно, а секој од нив вложил по десет долари како поткрепа за нивната убеденост. Ернест зел салвета од масата и на неа напишал шест збора. Не сакал да прочита на глас, туку му рекол на колегата до него да го направи тоа наместо него. Никој не го прочитал на глас, туку само меѓусебно си ја „додавале“ салфетката. По неколку минути му се извиниле на младиот колега, па едногласно изјавиле дека шест збора се повеќе од доволно за да се напише приказна. И тоа, добра приказна. Јасно е дека една приказна може да содржи многу повеќе зборови, но можно е да се направи чудо и само со шест збора, и тоа беше поентата на облогот. Еве ја приказната од шесте збора на Хемингвеј: „На продажба. Чевличиња за бебе. Неносени“.

Ернест Хемингвеј – Kurir.mk

„Животот на секој човек ќе заврши исто“ – од мудрите мисли на Ернест Хемингвеј може многу да научиме

Најкратката и најтажната приказна на светот: Има само 6 збора, но ќе ви го скрши срцето