Ернесто Валверде – Kurir.mk

Како дојде до тоа Валверде да се врати на клупата на Атлетик Билбао?

Ивана Ефремовски — Thu, 30 Jun 2022 17:07:24 +0000

Шпанскиот стратег Ернесто Валверде (58) денеска официјално седна на клупата на Атлетик Билбао што беше најавено минатиот петок, кога Јон Уриарте победи на изборите за претседател на баскискиот клуб. Валверде беше главен кандидат за тренерското место на Уриарте и неговиот против кандидат Рикардо Баркала, додека третиот претседателски кандидат Инаки Аречебалета сакаше на клупата да го донесе аргентинскиот тренер Марсело Биелса. Валверде, кој трет пат се враќа во Атлетик Билбао, ја почна својата тренерска кариера во баскискиот прволигаш како помошник во сезоната 2001/02, а две години подоцна беше назначен за шеф на стручниот штаб. По ангажманите во Еспањол, Олимпијакос, Виљареал и Валенсија, во 2013 година Валверде се врати во Атлетик и седеше на клупата во следните четири години. Потоа дојде повик од Барселона, кој Валверде не можеше да го одбие, и остана во каталонскиот клуб до 2020 година. Барселона беше негов последен ангажман. (МИА)

Валверде се врати на клупата на Атлетик Билбао

Ивана Ефремовски — Sat, 25 Jun 2022 16:07:30 +0000

Третпат во својата тренерска кариера шпанскиот стратег Ернесто Валверде седнува на клупата на Атлетик Билбао, објавија денеска шпанските медиуми. Назначувањето на Валверде доаѓа по претседателските избори во баскискиот клуб на кои победи Јон Уријарте. Валверде беше негов главен кандидат за нов тренер и наскоро треба официјално да биде промовиран во шеф на стручниот штаб на шпанскиот прволигаш од Билбао. Валверде ја почна својата тренерска кариера во Атлетик како помошник во сезоната 2001/02, а две години подоцна беше назначен за шеф на стручниот штаб. По ангажманите во Еспањол, Олимпијакос, Виљареал и Валенсија, во 2013 година Валверде се врати во Атлетик и седеше на клупата во следните четири години. Потоа дојде повик од Барселона, кој Валверде не можеше да го одбие, и остана во каталонскиот клуб до 2020 година. Барселона е негов последен ангажман. (МИА)

Валверде: Меси? Подобро е луѓето да не ја знаат вистината

Тале Кристо — Thu, 19 Aug 2021 18:40:03 +0000

Ернесто Валверде го водеше фудбалскиот тим на Барселона од 2017 до 2020 година и во тој период славеше две титули со него во Шпанското првенство и по една во Купот на кралот и Суперкупот на Шпанија. За време на гостувањето во емисија на ЕТБ телевизија, Валверде се сети на тој период, па призна дека никогаш не се двоумел по поканата на клубот, а се потсети и на односот со Лионел Меси. -Не се двоумев кога дојде повикот. Го препознав како добра можност што не требаше да ја пропуштам. Заминување? Имаше раскин, тоа е тоа, кратко изјави Валверде, коментирајќи како е да се води играч кој беше во тоа време. значеше многу за Барселона. "Не можам да кажам што се случи, тоа е мистерија. Подобро е луѓето да не знаат какви сме и да мислат дека знаат се. Подобро е да не ја знаат вистината”. По отказот во Барселона, Валверде не водеше ниту еден друг тим.

Валверде: Неколку натпревари без публика се нормални, но 100 … ќе биде тешко

Тале Кристо — Wed, 27 May 2020 06:32:58 +0000

Поранешниот тренер на Барселона, Ернесто Валверде го сподели своето мислење за натпреварите без гледачи во услови на пандемија на коронавирус. – Веројатно ќе биде во ред да има неколку такви натпревари. Но, не знам како би било да се одржат 100 натпревари без гледачи. То аќе биде многу тешко, вели Валверде. За неговото искуство на натпревари без гледачи: „Беше ужасно. Не бевме подготвени да играме на овој начин. Можеби сега сите ќе бидат ментално подготвени“. Тренерот истакнува дека Шпанија поминала тежок период. – Поминавме тешки времиња, особено поради грижата за оние што се најблизу до нас. Ние доживуваме нешто што порано не се случило, и можеби ова нè принуди да посветиме должно внимание на луѓето кои вршат поважна работа. Но, фудбалот нема да престане да биде фасцинантен настан, од кој сите добиваат големо задоволство, заклучи Валверде.

Тер Штеген можел да ја напушти Барселона кога тренер беше Валверде

Ивона Петрова — Thu, 16 Apr 2020 07:41:43 +0000

Голманот Марк-Андре тер Штеген во еден момент се мислеше дали да ја продолжи кариерата во Барселона кога тренер беше Ернесто Валверде, бидејќи седеше на клупата. Според Мундо Депортиво, Германецот лично се пожалил на претседателот на клубот Хозе Бартомеу за начинот на тренирање. Откако се решиле овие проблеми, голманот решил да остане. Сегашниот договор на Тер Штеген важи до 30 јуни 2022 година. Тој се пресели во Барселона од Борусија Менхенгладбах во јули 2014 година за 12 милиони евра. Оваа сезона, Тер Штеген одигра 34 натпревари за каталонскиот клуб, прими 34 гола, а на 11 средби не беше совладан.

Валверде би одбил менаџерска позиција во Премиер лигата за работа во… Австралија

Катерина Бојаџиева — Fri, 14 Feb 2020 13:01:42 +0000

Поранешниот тренер на Барселона, Ернесто Валверде призна каков пристап ќе заземе при избор на следниот клуб, во кој ќе работи. Шпанецот беше разрешен во јануари и го замени Кике Сетиен. За 2,5 години, Валверде ги доведе Каталонците до две титули во шпанската лига. -Ме прашуваат: „Што мислите за Премиер лигата?“ Јас велам: „Всушност, би ја претпочитал Австралија“. Фудбалската кариера не трае вечно, а понекогаш размислувате да ја искористите можноста да живеете на непознати места, рече 56-годишниот ментор.

Гест за почит: Валверде му прости 36 милиони евра на клубот Барселона

Ивана Ефремовски — Thu, 16 Jan 2020 16:15:47 +0000

Доскорешниот тренер на Барселона, Ернесто Валверде му прости 36 милиони на каталонскиот клуб, средства што му следуваа за предвремен раскин на договорот. Договорот на Валверде со Барселона беше со важност до наредното лето и според една од клаузулите во него, тој требаше да прима плата од клубот до крајниот рок. Валверде беше сменет од кормилото на Каталонците пред три дена и заменет со Кике Сетјен. Во Барселона мина нецели три години, период во кој двапати ја освојуваше шампионската титула во Примера и по еднаш триумфира во националниот Куп и во шпанскиот Суперкуп. (МИА)

Претседателот на Барселона веќе го избрал заменикот на Валверде

Ивона Петрова — Fri, 10 Jan 2020 10:45:00 +0000

Претседателот на Барселона, Пеп Марија Бартомеу веќе одлучи кој е вистинскиот кандидат да го замени Ернесто Валверде како шеф на тимот. Бартомеу сака следната сезона тимот да го води актуелниот холандски тренер Роналд Куман. Минатата недела тој зборуваше повторно за можното разрешување на 55-годишниот шпански ментор. Барселона забележа реми 2-2 во градското дерби против Еспањол, а синоќа дозволи пораз од 2-3 против Атлетико Мадрид во полуфиналниот натпревар од шпанскиот Суперкуп. Во последните неколку месеци се шпекулира за различни имиња за тренерската позиција на „Камп Ноу“, но сега Бартомеу се чини дека се одлучи за Роналд Куман. Привлекувањето на Холанѓанецот во Барселона, сепак, нема да биде лесна задача, бидејќи Куман има договор со холандската репрезентација, откако претстои да го води тимот на Евро 2020.

Валверде ја кажа целта на Барселона за 2020 година

Ивона Петрова — Thu, 26 Dec 2019 10:47:53 +0000

Тренерот на Барселона, Ернесто Валверде во интервју за прес-службата на клубот ги сподели своите планови за 2020 година. По првиот дел, Каталонците водат во првенството на Шпанија, а во осминафиналето од Лигата на шампионите ќе играат против Наполи. -Нашата цел за 2020 година е да победиме на секој натпревар. Сепак, на секој тим секогаш ќе му треба малку среќа, а ние ќе се обидеме да ја добиеме за да го изодиме нашиот пат“. Ние ќе сториме сè што е во наша моќ да се случи ова, изјави Валверде. Барселона е бранител на шампионскиот трофеј во шпанската Ла Лига.

Валверде за Меси: После 30 години, нормално е да се појават мисли за пензионирање

Ивана Ефремовски — Fri, 06 Dec 2019 19:18:10 +0000

Тренерот на Барселона, Ернесто Валверде е уверен дека Лионел Меси има уште фудбал во себе. Во понеделникот вечерта, Аргентинецот ја собра „Златната топка“ и откри дека е задоволен што е почестен, кога веќе го гледа крајот на кариерата. -Меси нема да замине утре, ниту за три дена. После 30 години, нормално е да се појават вакви мисли, рече менторот на „Лос Кулес„ пред утрешниот меч со Мајорка. Во однос на тоа дали тимот се подобрил во последно време, тој вели вака: „Ако направите слаб натпревар, како оној со Леганес, се чини дека сте многу слаби. Три дена подоцна победивме против Борусија и бевме многу добри. Ние сме во клучна фаза во сезоната. Ние сме силни и не сакаме да престанеме да бидеме такви“. (МИА)