еролд муслиу – Kurir.mk

Еролд Муслиу ја потврди аферата „Мафија“: Македонски пасоши имат борци на ИСИС и други мафии

Тале Кристо — Fri, 28 May 2021 12:17:29 +0000

Директорот на Агенцијата за разузнавање, Еролд Муслиу, вели дека македонски пасоши со лажен идентитет, во аферата која опозицијата ја именува како „Мафија“, добивале и екстремисти со искуство од судирите во Сирија, како и лица инволвирани во ликвидации во Украина и Грција. Станува збор за случајот со 215 незаконски издадени пасоши што завршиле во рацете на нарко-босови и лица опасни за нашата, но и за безбедноста на други држави, при што се отвори прашањето како е можно оперативните служби во МВР, АНА и АР да немале индиции дека нешто се случува . -Очекувано е да се појават импликациите од ваквата појава на незаконско издавање патни исправи на лица, кои се членови на криминални и екстремистички групи. Фактот што таквите лица поседуваат „легална“ патна исправа сериозно ги попречува напорите за нивно оперативно следење, идентификување на нивната локација и активности. За сознанијата со кои располага АР, Агенцијата навремено ги информираше надлежните институции и партнерските служби. Загрижува фактот што со вакви патни исправи се стекнале екстремисти со искуство од Сирија, членови на криминални банди, вмешани во ликвидации во Украина и Грција и поединци инволвирани во сериозни форми на организиран криминал, поврзани со трговија на наркотици и перење пари – вели Муслиу како одговор на едно од прашањата во интервју за „Дојче Веле“. Тој додава дека овој случај треба да ни биде поука во иднина за зајакнување на безбедносните стандарди во државните институции, поголем професионалнен интегритет кај вработените и ефикасни заштитни механизми.

Директорот на АР Муслиу, назначен од Пендаровски, добил кривична пријава

Магдалена Андонова — Sat, 26 Dec 2020 14:13:43 +0000

По констатирано политичко влијание врз судството во случајот Меѓународен сојуз кога беа презентирани пораки од примерот Зоран Заев, од кривична пријава против висок безбедносен службеник се навестува и случај на разузнавачко влијание врз независни државни органи. Ваква ситуација постои во наративот на Кривичната пријава поднесена од екс советникот за национална безбедност на претседателот Ѓорге Иванов, Др. Синиша Алексовски против актуелниот директор на Агенцијата за разузнавање Еролд Муслиу, пишува еxpress.mk Пријавата доаѓа два месеци откако Антикорупциската комисија не го прогласи Муслиу за невин но сепак ги прекина сите случаи против него и побара да се донесе нов Закон за АР. За таквата постапка Алексовски веќе поднесе Кривична пријава против Биљана Ивановска прв човек на ДКСК која е блиска на претседателот Пендаровски кој пак го именува директорот на АР Муслиу. Во Кривичната пријава против Муслиу се посочува класичен пример за заробена држава за која зборуваше евроекспертот Рајнбард Прибе кој посочи на опасност од приватизирање на институции за остварување на лични интереси. Кривичната пријава која е веќе поднесена до јавното обвинителство содржи наводи за постоење на основано сомнение дека Муслиу сторил едно кривично дело ЗЛОУПОТРЕБА НА СЛУЖБЕНАТА ПОЛОЖБА И ОВЛАСТУВАЊЕ од член 353 став 2 во врска со став 1 од Кривичниот законик и едно кривично дело НЕСОВЕСНО РАБОТЕЊЕ ВО СЛУЖБАТА од член 353-в став 2 во врска со став 1 од Кривичниот законик како и кривично дело ДАВАЊЕ НАГРАДА ЗА ПРОТИВЗАКОНИТО ВЛИЈАНИЕ од член 358-а Според пријавата, во месец декември 2019 година, ЕРОЛД МУСЛИУ во својство на Директор на Агенција за разузнавање донел решение со кое доверил патничко моторно возило SKхххххх во сопственост на Агенцијата за разузнавање, а кое е донација од странски партнер за точно определена намена, на Претседателот на Државната комисија за одлучување во управна постапка и постапка од работен однос во втор степен, ДАНИЦА ЧАДИЕВА заради вршење на директно влијание врз одлуките на независен државен орган што одлучува по негови решенија за работни спорови, пишува express.mk Во образложението на Одлуката за запирање бр.12-233/13 од 13.10.2020 на Државната комисија за спречување на корупција (ДКСК) е констатирано дека отстапувањето на предметното службено возило во сопственост на Агенцијата за разузнавање е со склучен договор за определено време за потребите на Државната комисија за одлучување во управна постапка и постапка од работен однос во втор степен. Според пријавата, воедно во образложението на Одлуката за запирање бр.12-233/13 од 13.10.2020 на ДКСКС, а со цел да се оправда дејствието, се посочува и дека Агенцијата за разузнавање склучила договори и со други државни органи на кои отстапувала ПМВ меѓу кои и Министерството за здравство кое пак нема никаква директна поврзаност со предмети од работни спорови во втор степен и друга управна постапка со Агенцијата за разузнавање. Кривичната пријава открива дека во образложението на ДКСК нема наведено и по колку жалби за предмети од работен спор на работници од Агенцијата за разузнавање во периодот по добивање на возилото, Државната комисија за одлучување во управна постапка и постапка од работен однос во втор степен донела решение во корист на Агенцијата за разузнавање, а на штета на вработените. Со горенаведеното дејствие содржеа и во Кривичната пријава, директорот Еролд Муслиу постапил спротивно на членот 54 ЕКОНОМИЧНО КОРИСТЕЊЕ НА ДРЖАВНИ СРЕДСТВА и спротивно на членот 62 ЗАБРАНА ЗА ВРШЕЊЕ НА ВЛИЈАНИЕ ВРЗ ДРУГ од законот за спречување на корупција и судир на интереси и злоупотребувајќи ги своите дискрециони овластувања извршил противзаконито влијание врз независен државен орган кој одлучува по неговите решенија во постапка од работен однос во втор степен, со цел да ги потврди донесените решенија во прв степен во Агенцијата за разузнавање. Целиот текст може да го прочитате на express.mk

Знае ли Пендаровски за учеството на партиски состанок на СДСМ на директорот на Агенцијата за разузнавање, кој сега е во изолација?

Дарко Андоновски — Tue, 02 Jun 2020 16:03:21 +0000

Партиските состаноци на Бихаќка однесоа во самоизолација околу 75 лица. Кластерот на СДСМ од кој позитивни на Ковид 19 излегоа потпретседателот Мухамед Зекири и директорката на УЈП Сања Лукаревска, во карантин го однесе речиси цело потпретседателство на партијата, лица од високите партиски органи, но и високи функционери во Владата. Меѓу нив е и градоначалникот на Чаир кој денеска соопшти дека е позитивен на коронавирусот, а јавноста прашува дали претседателот Стево Пендаровски знае дека директорот на Агенцијата за разузнавање кој го назначува лично тој бил на партиски состанок на СДСМ? Оваа агенција инаку се декларира како независна, а ја регулира претседателот на државата. По состанокот во СДСМ во домашна само изолација е и директорот на Агенцијата за разузнавање Еролд Муслиу, како и директорот на финансиската полиција Арафат Муаерими.

Кабинет на Пендаровски: Муслиу е врвен професионалец

Ивана Ефремовски — Thu, 23 May 2019 12:25:22 +0000

Претседателот Стево Пендаровски ја донесе одлуката за именување на Еролд Муслиу за директор на Агенцијата за разузнавање, бидејќи анализите покажале дека тој е врвен професионалец, а неговото именување е позитивно оценето од партнерските служби, велат за МИА од кабинетот на шефот на државата по искажаните забелешки од ДУИ за неговото назначување. -Претседателот Стево Пендаровски веднаш по стапувањето на функцијата темелно разгледа повеќе предлози како можни решенија за позицијата директор на Агенцијата за разузнавање. По споредбените анализи на професионалните капацитети на сите кандидати, името на Еролд Муслиу се издвои како решение за извршување на оваа одговорна функција. Станува збор за врвен професионалец кој својата кариера ја градел во земјава и имал беспрекорна соработка со службите од сите сојузнички држави. За именувањето на Еролд Муслиу за директор на Агенцијата за разузнавање беа известени и партнерските служби од земјите членки на НАТО. Именувањето на Муслиу е позитивно оценето од службите на сојузничките земји, посочуваат од кабинетот на претседателот Стево Пендаровски. (МИА)

Муслиу: Назначен сум од Пендаровски зад кого застана и ДУИ

Ивана Ефремовски — Thu, 23 May 2019 11:36:46 +0000

Еролд Муслиу, новиот директор на Агенцијата за разузнавање, одби да ги коментира изјавите на челниците на ДУИ дека се загрижени откако него на оваа функција го постави новоименуваниот претседател на државата, Стево Пендаровски. Муслиу објасни дека потребно е да се почека одлуката да излезе во Службен весник и неговата директорска функција да се официјализира. -Не можам да дадам изјава сѐ додека не видам дека одлуката за мое именување, директор на Агенцијата за разузнавање е излезена во Службен весник. Нема проблем, од понеделник ви стојам на располагање, рече тој, пренесе Алсат. Тој вели: „Не сум ја прочитал таа изјава на вицепремиерот Бујар Османи, меѓутоа вчера слушнавте, имаше став и од Претседателот, јас сум именуван од Претседателот Стево Пендаровски“. -ДУИ е политичка партија, Бујар Османи е вицепремиер, не знам која функција ја има во политичката партија, не знам каква изјава дал, не знам кој е ставот на политичката партија ДУИ, но колку што знам тие се заедно во влада со СДСМ, значи го поддржаа претседателот Стево Пендаровски, што да кажам понатаму, вели Муслиу.

Османи: Загрижени сме за назначувањето на Еролд Муслиу

Дарко Андоновски — Thu, 23 May 2019 08:31:37 +0000

Вицепремиерот Бујар Османи во врска со назначувањето на Еролд Муслиу на чело на Агенцијата за разузнавање за Алсат М изјави: -Вчерашната одлука на претседателот не вознемири сите. Мислиме дека тоа беше одлука донесена од недостаток на информации, рече Османи. Османи додаде дека се додека не се расчисти во целост случајот Куманово, опфатените лица не можат да заземат клучни позиции во институциите. Тој се надева дека претседателот ќе го разгледа уште еднаш изборот на Муслиу, за кој верува дека не го направил тоа за други цели.

Инаку вчера и весникот Лајм објави дека „Пендаровски му ја зададе првата „шлаканица“ на ДУИ, десет дена по преземањето на функцијата“.

Именувањето на Еролд Муслиу за директор на Агенцијата за разузнавање се смета за силна „шлаканица” од страна на претседателот Стево Пендаровски за ДУИ, велат партиски извори за весникот Лајм. Тие потсетија дека Муслиу бил споменуван во 2011 година како потенцијален кандидат за директор, кога претседател беше Ѓорге Иванов, но тогаш силно реагираше ДУИ, оценувајќи го како несоодветен кадар. Но, сега Иванов веќе не е претседател и очигледно влијанието на ДУИ во претседателството е многу послабо. Подолу може да се прочита реакцијата на ДУИ од 2011 година против Еролд Муслиу. Весникот Лајм се обиде да ги контактира, но од ДУИ засега нема некаква реакција во врска со назначувањето на Мусли како директор на Агенцијата за разузнавање. „Високи извори во ДУИ денес за Алсат-М изјавија дека со сите сили ќе се спротивстават на евентуалната намера на претседателот за на чело на Агенцијата за разузнавање да го постави Еролд Муслиу. Според партијата на Ахмети на оваа позиција треба да биде именувана личност која има кредибилитет а не личности како Еролд Муслиу. „Актуелниот директор на Агенцијата за разузнавање има уште две ипол години мандат и нема никаква процедура за негово разрешување и назначување на некое друго лице. Ако евентуално дојде до промена на директорот на Агенцијата, воопшто неможе да стане збор за директор на оваа институција да биде Еролд Муслиу. Таму треба да биде назначен некој со кредибилитет а не некој кој учествувал во фалсификување на досијеа или производство на фалсификувани документи“.