Есад Рахиќ: Писмата на Јанева не се заверени на нотар, напишани се рачно и препратени во суд

Ивана Ефремовски — Sat, 21 Dec 2019 08:27:21 +0000

Писмата кои што Катица Јанева ги испрати од истражниот затвор во Шуто Оризари, а чија содржина се однесуваше на работата и предметите на СЈО, биле напишани рачно, а потоа преку затворската служба биле препратени до Судот, согласно процедурата и куќниот ред на затворот. Ова во вчерашното интервју на Канал 5 телевизија го изјави директорот на затворот во Шуто Оризари, Есад Рахиќ. На прашањето на новинарот Михајловски дали во затворот има нотар, бидејќи многу правни експерти го спореа легитимитетот на тие писма, Рахиќ потврди дека нема. -На разговор ми кажа „Имам напишано писмо и сакам да ви го предадам“, јас и реков не, ќе го предадеш на дежурниот, дежурниот ќе ми го предаде мене, јас ќе го заверам во архива и ќе оди до судот, вели Рахиќ. Овие писма кои Јанева ги испрати од притвор до ЈО и со кои таа дава согласност за преземање на предметите на тогашно СЈО од редовното обвинителство, уште тогаш беа оспорувани. Правниците тврдеа дека овој потег е преседан кој повторно создава правна несигурност и клима на непочитување на законите и институциите.

Рахиќ за „Вечер“: Боки 13 не е вратен во затворот во Шутка, останува во болница

Катерина Бојаџиева — Wed, 27 Nov 2019 15:26:44 +0000

Бојан Јовановски денеска не е вратен во затворот во Шутка. Тој е хоспитализиран на интензивна нега во болницата „8 Септември“, потврди за весникот ВЕЧЕР директорот на затворот, Есад Рахиќ. Рахиќ вели дека затворскиот лекар по прегледот дал мислење до судот, по што истиот одобрил Јовановски да биде пренесен во болница. -Јовановски е задржан во болницата ”8. Септември” каде ќе му бидат направени неопходни прегледи и неизвесно е до кога ќе биде хоспитализиран, вели Рахиќ за весникот. За тоа колку сериозно е болен Боки 13, Рахиќ не сака да коментира. Вели дека тоа ќе кажат лекарите кои сега ги вршат прегледите. Во меѓувреме адвокатот на Јовановски вели дека размислува да го повлече барањето за јавна седница на која треба да се одлучува по жалбата за притворот. Според Дуковски ако состојбата му е влошена, тогаш Боки 13 не може да присуствува на седницата. Од тројцата обвинети во случајот „Рекет“ само тој остана со мерка притвор, додека Катица Јанева и Зоран Милевски Кичеец ќе се бранат од домашен притвор.

Есад Рахиќ – Kurir.mk

Есад Рахиќ: Писмата на Јанева не се заверени на нотар, напишани се рачно и препратени во суд

Рахиќ за „Вечер“: Боки 13 не е вратен во затворот во Шутка, останува во болница