Рекордерот Ел Хадари се збогува со репрезентацијата

Дарко Андоновски — Tue, 07 Aug 2018 07:45:31 +0000

Египетскиот фудбалски голман Есам Ел Хадари одлучи да стави крај на репрезентативната кариера на 45-годишна возраст. Ел Хадари ова лето на Светското првенство во Русија постави рекорд со тоа што стана највозрасниот играч кој воопшто настапил на Мундијалите. Тој за Египет дебитираше во 1996 година и оттогаш запиша 159 настапи во репрезентативниот дрес. Има постигнато еден гол, и освоено четири трофеи во Купот на нации на Африка. На неодамна завршеното СП во Русија, Египет забележа три порази во групната фаза.

Постар е од три селектори, заигра на Мундијалот, сруши рекорд, а стигна да одбрани и пенал (ФОТО)

Матеја Петровски — Mon, 25 Jun 2018 20:21:48 +0000

Есам Ел Хадари влезе во фудбалските учебници и историските книги. Голманот на Египет се најде во тимот на мечот против Саудиска Арабија во последното коло од групата А на Мундијалот и со тоа стана најстариот човек кој некогаш заигран на Светските првенства. Тој со 45 години и 161 ден го помина досегашниот рекордер Фарид Мондрагон, кој беше помлад од него скоро две години кога настапи на Мундијалот во Бразил во 2014 година. И не само што првиот меч и скоро сигурно единствен меч во кариерата на Мундијалите ќе го памети по тоа што стана рекорден, туку и по тоа што го одбрани еден од двата пенали кои беа досудени за Саудиска Арабија на овој меч. Сепак, она што е најголем „фан факт“ во врска со него е што Ел Хадари е постар од дури тројца селектори на националните тимови на овој шампионат. Постар е од селекторот на Белгија, Роберто Мартинез, од кого е постар 179 дена, од селекторот на Србија, Младен Крстајиќ е постар 413 дена, а од селекторот на Сенегал, Алију Сисе е постар 1164 дена.

есам ел хадари – Kurir.mk

Рекордерот Ел Хадари се збогува со репрезентацијата

Постар е од три селектори, заигра на Мундијалот, сруши рекорд, а стигна да одбрани и пенал (ФОТО)