есен – Kurir.mk

Нека не ве загрижат, но добро е да знаете: Неколку факти за бебињата родени во есен

Ивана Ефремовски — Sun, 22 Oct 2023 10:31:03 +0000

Есен е омилено годишно време на многу мајки, бидејќи на ред доаѓаат широки џемпери и јакни, а трудниците ќе доживеат олеснување по големите летни горештини. Ако на есен очекувате бебе, еве што треба да знаете. Есенските бебиња во просек имаат помала родилна тежина Научно е докажано дека бебињата зачнати во јануари и февруари имаат помала родилна тежина. Бебињата во октомври веројатно ќе бидат предвремено родени Ова е само статистика, но може да се поврзе и со летниот период на бременост, кога мајките се повеќе активни. Есенските бебиња се поспортски типови Бебињата родени во есен имаат поголем ризик да заболат од астма Бидејќи овие бебиња се родени на есен, имаат 3-4 месеци да „фатат“ грип или настинка што им го зголемува ризикот од астма.

ОВИЕ есенски намирници се одлични за вашето здравје: Ќе слабеете, а ќе го зајакнете имунитетот

Ивана Ефремовски — Sat, 21 Oct 2023 20:32:04 +0000

Есента е вистинско време да го зајакнете имунитетот, но и да ги намалите килограмите. Ви претставуваме листа од есенски намирници што се одлични за вашето здравје, а притоа ќе ви помогнат и да се ослободите од вишокот килограми: Јаболко: Се вели дека едно јаболко на ден ги задржува мастите далеку од вашето тело. Јаболкото е совршена ужинка во секое време од денот. Тоа содржи пектин, растителен желатин кој е полн со влакна. Киви: Кивито има само 46 калории, но содржи одлична комбинација на растителни влакна и вода која ќе ви обезбеди чувство на ситост. Ова овошје е важен извор на калиум кој го регулира крвниот притисок, и е богато со фолна киселина и синтеза на протеини, како и антиоксиданси. Шипки: Исто како и брусницата, калинките и малините, и шипките имаат малку калории и се полни со витамин Ц. Кулинарските експерти препорачуваат да ги јадете шипките во комбинација со сезонска салата. Мандарини: Мандарините се одлични разложувачи на масти, а имаат многу малку калории. Тие се здрава ужинка, а може да ги јадете во комбинација на бадеми, мед и урми. Лесно се лупат, а содржат огромно количество на витамин Ц. Урми: Урмите се здрава и нискокалорична храна и идеална замена за слатки. Тие содржат малку масти и протеини и големо количество на железо и диетални влакна кои се добар извор на антиоксиданси. Дуњи: Дуњите содржат витамин Ц, диетални влакна, како и пектин и се одличен извор на антиоксиданси. Јадете испечени или свежи дуњи во комбинација со мед и ореви. Тиква: Тиквата содржи голема количина на влакна, калиум и витамин А. Јадете печена тиква или пак направете супа, пита или пире од ова вкусно есенско овошје. Семките од тиква се одлична ужинка, бидејќи содржат малку масти. Карфиол: Карфиол може да го конзумирате во големи количини, бидејќи содржи само 40 калории. Карфиолот е џранлив и содржи големи количини на влакна и е добар извор на калиум. Брокулата: Брокулата е идеална храна бидејќи не содржи масти, а содржи многу калциум и витамини А и Ц. Предноста на овој зеленчук е фактот дека може да го комбинирате во секаков вид на храна и да го јадете свеж или обарен. Цимет: Иако цимет можеме да јадеме преку цела година, но некако одговара на овој период од годината. Циметот е полн со магнезиум, но и со влакна калциум и железо. Го потиснува гладот, го намалува шеќерот во крвта и го контролира нивото на инсулин во метаболизмот. Ванила: Ванилата е одлична замена за шеќер. Овој зачин е нискокалоричен засладувач и може да го искомбинирате со секаков вид на овошје и слатки. Корен од ѓумбир: Ѓумбирот содржи калиум, бакар, магнезиум и манган, но и витамин Ц и Б6, како и помали количини на пантотенска киселина и ниацин. Исто така една од состојките во ѓумбирот е жолтиот пигмент curcumin кој останува во дигестивниот тракт и штити од полипи и рак на дебелото црево. Костен: Костени содржат многу влакна и малку масти во споредба со другите јаткасти плодови. Тие имаат високо ниво на скроб и помагаат во намалување на холестеролот, се бори против ракот и помагаат во контрола на крвниот притисок.

Есенско разубавување на Велес

Катерина Бојаџиева — Tue, 10 Oct 2023 13:29:07 +0000

Општина Велес и ЈКП„Дервен“ есенски го разубавуваат Велес со разни видови зимзелени и листопадни дрвца и сезонско цвеќе. Од ЈКП„Дервен информираат дека се поставени 13 жардињери со различни видови на зимзелени и листопадни растенија и сезонско цвеќе кај зградата на Македонски пошти, девет жардињери со љубичици кај кружниот тек „Авона“ и 11 жардињери пред Гимназијата „Кочо Рацин“ со хризантема и љубичици. Обновени се со сезонско цвеќе жардињерите на кривината кон Градската болница, кај фонтаната на кружниот тек „Авона“, на влезот на Младински парк кај црквата „Св Кирил и Методиј“, долж паркингот во центарот на градот и на ул. „Димитар Влахов“. Воедно разубавувањето на градот со разни садници ќе продолжи и во наредните денови, информираат од ЈКП „Дервен“. Од Општина Велес и ЈКП „Дервен“ апелираат до сите граѓани да не ги уништуваат новите дрвца и сезонско цвеќе, кои придонесуваа за поубав град и поздрава животна средина, и се убава глетка за сите посетители и туристи на Велес.

Неколку интересни факти за есента кои не сте ги знаеле

Ристе Здравков — Sat, 30 Sep 2023 07:47:13 +0000

Мирисот на печени костени, варена тиква, топол ајвар и крцкавите лисја под нашите нозе ја најавуваат кралицата на годишните времиња, есента. Со сиот преостанат сончев сјај, доаѓањето на раскошната есен оваа година ја потврдува не само календарскиот 22-ри септември, туку и многу останати составни делови на мозаикот наречен третото годишно време. Ова е одличен период за регенерирање на мислите и душата. Слично како и природата, ослободете се од целиот непотребен товар на минатото време и зачекорете во новата годишна доба. Одберете ја вашата омилена патека за прошетка, освежете се со топло кафе или чај и вдишете длабоко. Доживејте ја есента со сите свои бои и ароми, преточена низ пејзажи како од разгледници, вкусни зимници и слатки задоволства. Ова се 7 интересни факти кои ја карактеризираат есента, а за дополнителна мотивација погледнете го видеото и трансформацијата на природата во есен: Почетокот на есента варира помеѓу два датуми Два календарски датуми се во игра кога станува збор за почетокот на есента. Таа е дефинирана според кружењето на земјината орбита околу сонцето и започнува на есенската рамноденица (време во годината кога траењето на денот и ноќта е еднакво), на 22-ри или 23-ти септември. Дрвјата се подготвуваат за зима Пократките денови се знак за дрвјата да започнат да се подготвуваат за зима. За време на зимскиот период нема доволно сончева светлина за одвивање на процесот фотосинтеза, па како што се скратува денот во есен, дрвјата започнуваат да го затвораат системот на производство на храна и да го намалуваат количеството на хлорофил во лисјата. Хемијата на есенските бои Хлорофилот е супстанцата која ги прави лисјата на дрвјата зелени и како што се намалува, останатите супстанци стануваат поизразени во лисјата. Тие се главните виновници за живописните жолти, црвени и килибарни бои на есента. Пигментите одговорни за овој процес се видови на флавоноиди, каротеноиди и антоцијаниди. Луѓето родени во есен живеат подолго Истражување во „Journal of Aging Research“ потврдило дека бебињата родени во есенските месеци имаат поголеми шанси да ја доживеат 100-тата година, отколку оние кои се родени во останатите месеци од годината. Деновите стануваат пократки Зборот еквинокс (рамноденица) потекнува од латинскиот збор equi (што значи еднаков) и nox (што значи ноќ), означувајќи дека денот и ноќта траат поеднакво. Ноќите се подолги за разлика од деновите веднаш по есенската рамноденица, сè до обратната смена (подолги денови, пократки ноќи) со почетокот на пролетната рамноденица. Зошто е важен датумот 24-ти септември 2303 година? Општо земено, есенската рамноденица секогаш се паѓа на 22-ри или 23-ти септември. Бидејќи Грегоријанскиот календар не е во совршена симетрија со земјината орбита, есенската рамноденица многу ретко се паѓа на 24-ти септември. Последен пат ова се случило во 1931 година и ќе се случи уште еднаш во 2303 година. Враќањето на Персефона Според грчката митологија, есента започнала кога Персефона била грабната од Хад (бог на подземниот свет) за да биде кралица на подземјето. Во паника, мајката на Персефона, Деметра (божица на земјоделието и на новиот живот) ги уништила сите житни посеви на земјата, додека на нејзината ќерка не ѝ се овозможи враќање од подземјето, што го означува почетокот на пролетта.

Ова се најдобрите есенски намирници за слабеење

Катерина Бојаџиева — Fri, 04 Nov 2022 18:41:49 +0000

Есента е вистинско време да го зајакнете имунитетот, но и да ги намалите килограмите. Ви претставуваме листа од есенски намирници што се одлични за вашето здравје, а притоа ќе ви помогнат и да се ослободите од вишокот килограми: Јаболко: Се вели дека едно јаболко на ден ги задржува мастите далеку од вашето тело. Јаболкото е совршена ужинка во секое време од денот. Тоа содржи пектин, растителен желатин кој е полн со влакна. Киви: Кивито има само 46 калории, но содржи одлична комбинација на растителни влакна и вода која ќе ви обезбеди чувство на ситост. Ова овошје е важен извор на калиум кој го регулира крвниот притисок, и е богато со фолна киселина и синтеза на протеини, како и антиоксиданси. Шипки: Исто како и брусницата, калинките и малините, и шипките имаат малку калории и се полни со витамин Ц. Кулинарските експерти препорачуваат да ги јадете шипките во комбинација со сезонска салата. Мандарини: Мандарините се одлични разложувачи на масти, а имаат многу малку калории. Тие се здрава ужинка, а може да ги јадете во комбинација на бадеми, мед и урми. Лесно се лупат, а содржат огромно количество на витамин Ц. Урми: Урмите се здрава и нискокалорична храна и идеална замена за слатки. Тие содржат малку масти и протеини и големо количество на железо и диетални влакна кои се добар извор на антиоксиданси. Дуњи: Дуњите содржат витамин Ц, диетални влакна, како и пектин и се одличен извор на антиоксиданси. Јадете испечени или свежи дуњи во комбинација со мед и ореви. Тиква: Тиквата содржи голема количина на влакна, калиум и витамин А. Јадете печена тиква или пак направете супа, пита или пире од ова вкусно есенско овошје. Семките од тиква се одлична ужинка, бидејќи содржат малку масти. Карфиол: Карфиол може да го комзумирате во големи количини, бидејќи содржи само 40 калории. Карфиолот е џранлив и содржи големи количини на влакна и е добар извор на калиум. Брокулата: Брокулата е идеална храна бидејќи не содржи масти, а содржи многу калциум и витамини А и Ц. Предноста на овој зеленчук е фактот дека може да го комбинирате во секаков вид на храна и да го јадете свеж или обарен. Цимет: Иако цимет можеме да јадеме преку цела година, но некако одговара на овој период од годината. Циметот е полн со магнезиум, но и со влакна калциум и железо. Го потиснува гладот, го намалува шеќерот во крвта и го контролира нивото на инсулин во метаболизмот. Ванила: Ванилата е одлична замена за шеќер. Овој зачин е нискокалоричен засладувач и може да го искомбинирате со секаков вид на овошје и слатки. Корен од ѓумбир: Ѓумбирот содржи калиум, бакар, магнезиум и манган, но и витамин Ц и Б6, како и помали количини на пантотенска киселина и ниацин. Исто така една од состојките во ѓумбирот е жолтиот пигмент curcumin кој останува во дигестивниот тракт и штити од полипи и рак на дебелото црево. Костен: Костени содржат многу влакна и малку масти во споредба со другите јаткасти плодови. Тие имаат високо ниво на скроб и помагаат во намалување на холестеролот, се бори против ракот и помагаат во контрола на крвниот притисок.

Совети за есенската меланхолија

Катерина Бојаџиева — Wed, 19 Oct 2022 09:23:01 +0000

Сончевиот тен на кожата веќе одамна избледна, но со тоа исчезнува и последниот остаток од летното расположение… А, Божиќ и празничните средби со роднините и пријателите се толку далеку што човек не се ни осмелува да прави планови во оваа неизвесна денешнина. Така, се случува да пропуштаме редовни тренинзи, пијачки по работа, а потоа тука е само нагонот да се падне на креветот во дневната соба и да не се стане од пред телевизорот додека не дојде време за спиење. Знаеме дека тоа не е добро, но се смируваме при сознанието дека и други го чувствуваат истото. Есенската меланхолија за повеќето луѓе, е безопасна ситуација, којашто се одликува со променливиот свет околу нас. Психолозите често предупредуваат дека понекогаш и не е баш така. Американската психијатриска асоцијација ја смета меланхолијата за подвид на депресивно растројство што може да влијае на многу области од животот на една личност, вклучително и желбата за работа, училиште, па и за дружење и социјализација. Во некои случаи, тоа предизвикува несоница и го зголемува апетитот, а во крајни случаи, се губи и волјата за живот, бидејќи почнуваат потешкотиите во справувањето со секојдневните дејности, пишува „Дејли мејл“. Салара Стар, која важи за стручњак за здрав живот, ја истакнува важноста на негувањето и управувањето со нашите мисли и стресови. Животот неа ја натерал да ги истражува ваквите појави. – Пораснав во семејство погодено од алкохолизам, тешки ментални болести и злоупотреба. Моето воспитување во ваква средина ме натера да развијам искривен поглед на светот, што доведе до примери што почнаа да ми го одземаат животот… Па и да избегам од болниот циклус на мојата реалност, сподели Стар. Затоа, таа советува – човекот секогаш да се потпира, да тежнее кон позитивно размислување, особено кога темните мисли го обземаат. – Ова не значи дека ги игнорирате случувањата и стресовите во животот, туку дека на некои предизвици им пристапувате на позитивен и попродуктивен начин. Наместо да размислувате за сите работи што може да тргнат наопаку, вежбајте да се сосредоточите на оние нешта што може да одат како што треба, објаснува таа. Тоа е од суштинско значење за менталната, емоционалната и физичката благосостојба, смета Стар, бидејќи тоа ги одредува нашите реакции и одговори на ова есенско, малку постудено и посиво опкружување. Таа препорачува да одвоиме малку време на почетокот на секој ден, за да ги забележиме конкретните задачи и цели што треба да ги постигнеме. Убаво е тие да се запишат, со рок за нивно исполнување. – Колку што се појасни и покуси, толку е поголема веројатноста да ги постигнете, а тоа ќе ви даде нешто позитивно на коешто ќе се сосредоточите во текот на денот. Дополнително, кога ќе го сфатите тоа, не само што ќе имате чувство за постигнување на крајот од денот, туку и желба за позитивна визија за вашата иднина на начинот на кој сакате, објаснува стручњакот за животен стил, појасни таа. Уште еден лек против меланхолија се физичките вежби. – Безброј пати сме слушнале колку тие се корисни за телото, но многумина од нас се чувствуваат премногу уморни и под стрес за да ги практикуваат. Пешачењето, јогата или возењето велосипед го зголемуваат активноста на невропренесувачите за добро расположение во мозокот и имаат брза делотворност за ослободување од стресот, изјави Стар. Сериозен фактор е и храната. Се препорачува – ова време од годината да се внесуваат производи богати со витамин Д, бидејќи тој се намалува во организмот поради помалата изложеност на сончева светлина наесен, а и тоа, секако, е поврзано со меланхолијата и падот на расположението.

4 ПРИЧИНИ ДА ПРОШЕТАТЕ ВО ШУМА ОВАА ЕСЕН: Јапонците развиле посебна техника на лечење, почувствувајте ги и вие нејзините бенефити

Ристе Здравков — Fri, 07 Oct 2022 08:44:49 +0000

Дали некогаш сте забележале, кога шетате во шума или парк, колку подобро се чувствувате потоа? Тоа е затоа што дрвјата се лековити и на многу начини. Прошетката во шума е особено убава наесен, кога природата се менува и ни ги подарува најубавите бои. Еве како шетањето во природа придонесува за нашето здравје: 1. Го намалува нивото на кортизол Растенијата ослободуваат монотерпен, супстанца која помага да се намали стресот и да се нормализира крвниот притисок, со позитивен ефект врз нашиот одбранбен систем. Уште од античко време во Јапонија знаеле за овие ефекти на растенијата, затоа редовно се практикува шумска терапија, т.е. shinrin-yoku, „шумско капење“. Станува збор за тивка прошетка низ шумата додека ја апсорбираме природата околу нас со сите наши сетила, нејзините звуци, мириси, бои и живописна биолошка разновидност. Шумската терапија особено се препорачува за луѓе кои страдаат од депресија, анксиозност, луѓе кои се под зголемен стрес со цел да се намали нивото на стрес хормони, кортизол… 2. Го зајакнува респираторниот систем Додека шетаме низ шумата, особено зимзелената шума, вдишуваме фитонциди – есенцијални масла што ги ослободуваат дрвјата. Тие го подобруваат квалитетот на воздухот и на тој начин имаат корист за нашето тело. Пациентите кои страдаат од болести на респираторниот систем имаат особени придобивки од оваа терапија. Дишењето има и смирувачка функција, го намалува отчукувањата на срцето, ја враќа рамнотежата и го намалува стресот. Донесете ќебе или подлога, пријатно и медитирајте додека дишете во чистиот шумски воздух. 3. Ги враќаме телото и духот во рамнотежа Прошетката во шума и контактот со природата има и важен емотивен ефект: кога ќе ги набљудуваме промените што ги претрпува вегетацијата во есен, не можеме да останеме имуни на сета таа убавина. Ова нè поттикнува малку да размислиме, да се фокусираме на убавите работи што ги имаме овде пред нас, во сегашноста… Некако повторно да го откриеме чудото. На овој начин, телото и духот ги враќаме во рамнотежа. 4. Го ослободуваме умот Есента е време на промени, а одењето во природа во моментот на нејзината трансформација има важна симболична вредност – како што лисјата паѓаат за да им отстапат место на цвеќињата и новите, бујни и млади лисја во пролетта, така учиме дека минувањето едно значи да се направи простор за новото, уште поубаво што допрва не чека. Ако моментално сте окупирани со проблеми, прошетајте во парк или шума, ќе видите како сите ваши грижи веднаш ќе станат помали и што е најважно, минливи.

ОВИЕ 7 намирници треба да ги јадете во есен, за да бидете здрави во зима

Ивана Ефремовски — Wed, 05 Oct 2022 20:46:22 +0000

Доколку во организмот наесен внесувате одредени намирници кои изобилуваат во витамини, подобро ќе го подготвите организмот за зимата. Есента е вистинското време да се подготвите за студените зимски денови, што подразбира и подготовка на оргамизмот и за можни настинки. Нутриционистите тврдат дека постојат седум намирници кои треба да се консумираат Мандарини Јаболко Портокал Калинка Зелка Спанаќ Цвекло

Прават ЧУДО за нашето тело: Зошто мора почесто да јадеме круши?

Ивана Ефремовски — Wed, 05 Oct 2022 16:48:58 +0000

Крушата е исклучително здраво есенско овошје, кое има стотина различни видови. Денес се користи за подготовка на солени и благи јадења, а поради природниот извор на фруктоза некои ја користат како шеќер во подготовка за десерти. Покрај сè, јадете почесто круши, бидејќи изобилуваат со хранливи материи кои прават чудо за нашето тело. 1. Го поттикнува варењето Крушата е богата со прехранбени влакна кои благонаклонето дејствуваат на целиот организам, особено на варењето. Таа ја подобрува работата на цревата, па секако консумирајте ја помеѓу оброците. 2. Ги штити срцето Ова овошје изобилува со флавоноиди, кои нивото на шеќер во крвта го одржуваат стабилно, па нејзиното редовно консумирање се смета за добра превенција за борба против дијабетес тип 2. 3. Го зајакнува имунитетот Крушата е богата со витамините Б и Ц, добар извор е на железо и калциум, калиум и бакар. Таа го зајакнува имунитетот на телото и ги ублажува процесите во организмот. Во кората се наоѓа моќен антиоксидант кверцетин кој ги спречува разните болести. 4. Спречува проблеми со видот Морковот не е единствениот плод од природата кој спречува проблеми со видот. Крушата е, исто така, заштитник на овој орган која го намалува ризикот од макуларна дегенерација. 5. Помага во слабеењето Во 100 г. круша се наоѓаат околу 80 калории, па таа припаѓа во групата на овошје со нешто повисока вредност на калории. Иако станува збор за слатко овошје, умереното консумирање се препорачува и кај луѓето кои држат диети или ја одржуваат својата тежина.

Кое е вашето омилено годишно време? Тоа кажува каква личност сте!

Ивана Ефремовски — Fri, 30 Sep 2022 19:05:58 +0000

Промените на годишните времиња можат да влијаат на начинот на кој размислувате, чувствувате и се однесувате. Но тие се условени и од искуствата од детството, како и од други бројни факторри. Ако како дете сте сакале да поминувате време на отворено, веројатно го сакате летото и како возрасни. Кое е вашето омилено годишно време? Пролет Пролетта носи подобрување на времето, деновите се подолги, а прородата позелена. Доколку токму тоа е вашето омилено годишно време, тоа значи дека сакате нови почетоци и копнеете по нови искуства. Лето Од друга страна, летото носи ведри, сончеви денови, доцни заоѓања на сонцето, па ако тоа е вашиот избор, тоа кажува дека сакате излегувања и активен живот. Летните месеци се како создадени за престој на отворено и за патувања, како за дружељубива и екстровертна личност. Есен Иако почетоците главно се поврзуваат со пролетта, за некои личности есента претставува вистински момент за промена и осврт на постигнатото, за да се направат планови за нова година. Зима Доколку се радувате на ниските температури и моментите поминати дома, на топло и безбедно, веројатно сте интровертна личност. Топол џемпер и ќебе со вкусен напиток се вашата добитна комбинација.