есенски бран – Kurir.mk

Јанша: Вакцинацијата да се засили, ни се заканува есенски бран

Дарко Андоновски — Mon, 05 Jul 2021 13:36:01 +0000

Словенија во моментов има само 40-ина потврдени случаи на заразната Делта варијанта на коронавирусот, рече денеска словенечкиот премиер Јанез Јанша, додавајќи дека четвртиот бран е неизбежен ако најмалку 70 проценти од населението не биде вакцинирано до крајот на летото. – Ако не достигнеме 70 проценти, тогаш ќе имаме четврти бран и сè ќе биде затворено наесен, рече Јанша, одговарајќи на пратеничко прашање во врска со состојбата на епидемијата. Словенечкиот премиер рече дека во Словенија, но и во Европа, вакцинацијата треба значително да се зголеми, за ова лето и есента да поминат што е можно понормално. „Ако наесен имаме тежок бран во Европа, поради Делта варијантата, тогаш за тоа ќе бидеме сами виновни. Тогаш ќе треба да се запрашаме како успеавме толку брзо да развиеме и произведеме ефикасна вакцина против Ковид-19, а не можеме да ги убедиме луѓето да се вакцинираат“, рече Јанша. Тој изјави дека некои земји-членки на ЕУ веќе подготвуваат законски решенија за задолжителна вакцинација против Ковид-19 на некои категории население, дека некои размислуваат за задолжителна вакцинација на сите возрасни лица, некои за задолжителна вакцинација на медицинскиот персонал, на вработените во домовите за стари лица, вработените во туризмот и слично, а ќе предложат и укинување на правото за бесплатно тестирање на оние кои не сакаат да се вакцинираат. „Иако ова засега не е предлог на Владата, Словенија ќе мора да дискутира за ваквите решенија и да донесе конечна одлука“, рече словенечкиот премиер.

Епидемиолог Даниловски: Не верувам дека ќе има есенски бран на коронавирус во Македонија

Ивана Ефремовски — Thu, 08 Apr 2021 12:05:12 +0000

Македонија се соочува со трет бран на коронавирусот кој е мошне силен и секојдневно имаме над 1000 случаи и по десетици починати. Доаѓањето на вакцините е сам мал зрак на надеж дека наскоро ќе излеземе од оваа состојба, а на оваа тема говореше епидемилогот Даниловски во Студио 1 на ТВ 24. Според него, доколку се продолжи со ова темпо на заразеност, есенски бран на пандемијата од коронавирусот нема да има во земјава. -Дури и денеска да дојдат два милиони дози на вакцини, ќе се соочиме со потешкотија. Треба да се знае дека ефектот на тие вакцини ќе биде за два до три месеци. Сметам дека со легла нема да имаме проблем, но треба да помогнеме на здравствените работници, истакна Даниловски.

ВМРО-ДПМНЕ: Есенскиот бран на Ковид не е снег во мај па да се изненади Филипче, нема вакцини за грип, нема проширени болнички капацитети, ниту план и стратегија

Магдалена Андонова — Sun, 25 Oct 2020 08:16:19 +0000

Реакциите и активностите на Комисијата за заштита од заразни болести и Венко Филипче се задоцнети и непромислени. Власта предлага мерки кои што ВМРО-ДПМНЕ посочи дека треба да бидат направени уште во март, кога почна пандемијата. Тогаш власта немаше слух и сега ги гледаме последиците од тој нивен игнорантски однос, стои во соопштението на ВМРО-ДПМНЕ. -Филипче тврдеше дека во текот на целата пандемија ќе заболат 2000 луѓе, сега тој број на луѓе заболува за само една недела. И кога виде дека се што презема не вродува со плод, почна да спроведува тоа што ВМРО-ДПМНЕ кажа, но со задоцнување од 7 месеци. Ротацијата на кадар на инфективните одделенија од сите здравствени установи е мерка која што требаше да биде направена уште во март, дополнително на располагање на јавното здравство треба да се стават сите млади лекари и пензионери, исто така власта требаше да го искористи летниот период за зголемување на болничките капацитети. Но ништо од тоа не е направено, истакннуваат од партијата. Тие велат дека есенскиот бран на Ковид не е снег во мај па да се изненади Филипче. -Иако сме длабоко навлезени во есента нема вакцини против сезонски грип, не се проширени болничките капацитети, ниту пак има план и стратегија како да се бори против вирусот од кој секој ден се заразуваат неколку стотици наши сограѓани. Целиот хаос по болниците и стравот кај граѓаните е предизвикан од неспособноста и надмениот однос на Комисијата за заштита од заразни болести и Венко Филипче. Токму затоа Филипче треба да си даде оставка, и да се формира нова специјална комисија, се друго е манипулација со граѓаните и работење на нивна штета, посочуваат од ВМРО-ДПМНЕ.