Есенски музички свечености – Kurir.mk

Со концерт на Полифонија почнуваат „Есенски музички свечености“

Ивана Ефремовски — Wed, 01 Nov 2023 13:08:03 +0000

Со концерт на Полифонија насловен „20 години Полифонија“, што ќе се одржи вечер во Националната опера и балет, ќе започне годинашното издание на манифестацијата „Есенски музички свечености“. Како што најавија од Дирекцијата за култура и уметност, диригент на концертот ќе биде Иван Еминовиќ, а гости солисти ќе бидат Горан Начевски, Александра Коцевска и Raffaele D'angelo од Потенца, Италија. Солисти од Полифонија се Сања Шуплевска, Јанинка Невчева, Орце Ицковски, Михајло Михајловски и Денис Димовски. (МИА)

Се откажува настанот „Есенски музички свечености“ – ова е причината

Ивана Ефремовски — Tue, 29 Nov 2022 09:53:02 +0000

Донесена е одлука за откажување на настан на Есенски музички свечености 2022.

Се откажува настанот кој требаше да се одржи вечерва, 29.11.2022 (вторник), заради болест на еден од изведувачите и истиот ќе се одржи во декември.

Отворање на „Есенски музички свечености“ со концерт на Камерниот оркестар „БА-РОК“

Ивона Петрова — Fri, 04 Nov 2022 06:37:01 +0000

Со концерт на Камерниот оркестар „БА–РОК“ вечерва во фоајето на Националната опера и балет со почеток во 20:30 часот, свечено ќе биде отворено годинашното издание на манифестацијата „Есенски музички свечености“ 2022. Камерниот оркестар е во состав Климент Тодоровски, Јане Бекевски – виолини, Марија Георгиева – виола, Кирил Јосифов – виолончело, Митко Иванов – контрабас, Марија Јакимовска – Флејта / пиколо, Татијана Петрушевска и Ѓорѓи Петрушевски – обои, Марјан Милошевски – фагот, Теодор Теодосиевски – ударалки. Како солисти ќе настапат Биљана Јосифов – сопран, Николина Јаневска – мецосопран и Драган Ампов – баритон. Диригент и чембалист е Иван Еминовиќ, а режисер е Љупка Јакимовска. На програмата се дела од Ж.Ф. Рамо, Хендел, Бах и Вивалди, а ќе бидат изведени и ариите на Клеопатра од операта „ Јулие Цезар “, на Гризелда од истоимената опера и терцет од операта „Монтезума“, како и Свитата „Les IndesGalantes“. Членовите на ансамблот „БА-РОК“ својот прв заеднички настап го имаа на Мајските Оперски Вечери 2021 година во продукција на Националната Опера и Балет со претставата „ Игри на животот“ на која се изведе музика исклучиво од Барокот. Од таму произлезе идејата да продолжат да дејствуваат како ансамбл негувајќи ја Барокната музика, имајќи ја во предвид раритетноста на изведување на ваков музички стил во Северна Македонија. -Самата комплексност на Барокниот стил, бара од изведувачите голема виртуозност и висок професионализам, што е одлика на сите членови од ансамблот. Секој член на ансамблот е солист во оркестарот, нашите пејачи се носители на главни улоги во повеќето оперски претстави на сцената на НОБ. Предводени од нашиот диригент Маестро Иван Еминовиќ кој ја зазема и позицијата на чембалист во ансамблот и добро организирани од страна на професионален режисер се стремиме да ги достигнеме светските трендови и критериуми за изведба на исклучителен Барокен перформанс. Преку пристапот и начинот на изведба ќе се обидеме да го воздигнеме програмското и изведувачко ниво, а со тоа, да понудиме можност и да разбудиме интерес кај публиката за градење на свој вкус и категоризација на уметноста со високи вредности, наведуваат од ансамблот.

Почнуваат Есенските музички свечености

Ивона Петрова — Fri, 05 Nov 2021 07:30:32 +0000

о концерт на Националниот ансамбл „Танец“ и Влатко Стефановски вечер ќе биде отворено 22. издание на традиционалната манифестација „Есенски музички свечености“ 2021. Националниот ансамбл „Танец“ повеќе од седум децении ја остварува својата културна мисија на негување и презентирање на македонското фолклорно творештво во земјава и надвор од неа. Влатко Стефановски е стар пријател на „Танец“, кој во текот на својата речиси петдецениска кариера многупати има настапувано со ансамблот. Секогаш соработките со „Танец“ ги истакнува како особено значајни и инспиративни за неговата музика, како и за македонската музичка култура во целост. Билетите се во продажба „онлајн“ на karti.com.mk, а ќе се продаваат и пред почетокот на концертот на влезот на Националната опера и балет.

Гала оперски концерт на фестивалот „Есенски музички свечености“

Ивона Петрова — Wed, 04 Nov 2020 06:38:17 +0000

Во рамките на фестивалот „Есенски музички свечености“, вечер од 20 часот во Националната опера и балет ќе се одржи гала оперски концерт во режија на Дејан Прошев и под диригентство на Иван Еминовиќ. Ќе настапат оперските солисти: Марјан Николовски, Марјан Јованоски, Елена Голомеова, Драган Ампов, Ристе Велков, Билјана Јосифов, Десанка Глигоријевиќ, Наде Талевска Спасовска, Ирена Кавкалевска, Зоран Сотиров и хорот и оркестарот на НОБ. Концертот ќе се одржи според здравствените протоколи за заштита од КОВИД-19 при одржување јавни настани, а за публиката влезот ќе биде отворен еден час пред почетокот.

Концерт на камерниот оркестар „Профундис“

Ивона Петрова — Fri, 15 Nov 2019 06:39:27 +0000

Во рамки на 20. „Есенски музички свечености“, вечер од 20 часот во фоајето на Националната опера и балет концерт ќе одржи камерниот оркестар „Профундис“, насловен „Полифони одблесоци“. Солисти се Наде Талевска-Спасовска (сопран), Стојанче Косовски (труба) и Ѓурѓица Дашиќ – диригентка што го води 13-члениот оркестар. На концертната програма се дела од Глук, Хендл, Телеман, Вивалди, Бах. Камерниот оркестар „Профундис“ е нов уметнички состав чија цел е промоција на квалитетот и особеноста на изразот со посебен акцент на еманципација на сите концертни изведувања. Покрај класичниот репертоар, кој опфаќа музичко творештво од епохата на барокот, па сè до денес, овој камерен оркестар се насочува во развојот и на други начини на презентација (дигитални концерти, 3Д-мапинг, учество и презентација на нови технологии). – Квалитетот на оркестарот составен од веќе докажани имиња и неговата флексибилност во сите стилски епохи, под уметничко водство на диригентката Ѓурѓица Дашиќ, го дефинираат како уметнички ансамбл на 21 век, способен да одговори на сите барања на музичката продукција, соопшти Дирекцијата за култура и уметност-Скопје, организатор на „Есенски музички свечености“.

Концерт на ансамблот „Танец“ во рамки на „Есенски музички свечености“

Ивона Петрова — Thu, 07 Nov 2019 06:55:05 +0000

„Там дека има високи чардаци“ е насловен концертот со кој Ансамблот за народни игри и песни на Македонија „Танец“ ќе настапи вечер од 20 часот во Домот на Армијата. Концертот е во рамки на одбележувањето 70 години од основањето на „Танец“ и е дел од програмата на манифестацијата „Есенски музички свечености“ која ја организира Дирекцијата за култура и уметност-Скопје. Концертот е вокално-инструментален и ќе настапат хорот и оркестарот на „Танец“, женската и машката вокална група на ансамблот и изведувачите: Габриела Новевска, Далибор Ѓошиќ, Драган Николовски, Елена Андоновска, Кирил Митоски, Сузана Спасовска, Гоце Цоневски, Петар Механџиски, Јана Ивановска-Илиоска, Кирил Спасеновски и Ристо Новевски. Ансамблот „Танец“ е основан на 24 март 1949 година со основна цел да го собира, негува и уметнички да го надградува македонското фолклорно богатство – ората, песните, инструментите, обичаите и носиите и музичко-сценски соодветно да ги претставува во земјава и надвор од неа. Во годината кога одбележува седум децении постоење „Танец“ имаше повеќе настапи пред домашната публика, а централниот роденденски концерт го одржа во мај во Националната опера и балет. – Во оваа јубилејна година, „Танец“ се претстави на многубројни сцени, дома и надвор, а специјално за публиката на „Есенски музички свечености“ подготви атрактивна програма со прекрасни песни од македонската фолклорна традиција. Ќе настапи целиот вокално-инструментален ансамбл и неговите бројни солисти, кои филигрански ќе ги исполнат песнопојните бисери од нашата богата народна ризница, соопшти Дирекцијата за култура и уметност-Скопје.