Ешли Барти – Kurir.mk

Ешли Барти пишува книги за деца

Тале Кристо — Sun, 10 Apr 2022 13:42:29 +0000

Откако ја изненади спортската јавност со одлуката да се повлече од професионалниот тенис, поранешната најдобра светска тенисерка Ешли Барти најави дека отвора ново поглавје во својот живот, посветувајќи се на пишување книги за деца. Австралијката, која минатиот месец на 25-годишна возраст одлучи да ја прекине својата тениска кариера, изјави за ЊузКорп дека ќе издаде серија од шест книги под наслов „Малата Еш (’Little Ash‘) со многу приказни, кои ќе се темелат на нејзините животни искуства и нејзиното семејство. Барти рече дека инспирацијата за својот нов проект ја нашла во својата петгодишна внука Луси. Серијалот од шест книги со авторскиот потпис на Барти ќе го објави издавачката куќа ХарперКолинс (HarperCollins), а првата книга е најавена за мај. – Овој проект е многу интересен и отсекогаш сакав да го работам, изјави Барти. Според најавите, издавачката куќа кон крајот на годината ќе го објави и нејзиниот втор проект, момоари за животот Ешли Барти и нејзиното спортско патешествие. – Со 25 години не е баш вообичаено вакво нешто да се случува, но тоа е многу возбудлив проект. Гледањето наназад и прераскажувањето на тоа ми донесе толку многу радост, но и болка, меѓутоа мислам дека ќе биде многу добро четиво, додаде поранешната најдобра светска тенисерка.

Светската тенисерка број 1 објави дека се пензионира

Ивона Петрова — Wed, 23 Mar 2022 07:30:26 +0000

Австралиската тенисерка Ешли Барти објави дека става крај на професионалната кариера на 25-годишна возраст. Првиот светски рекет не ги пријави причините за ваквата одлука. Деталите, според неа, ќе ги каже на утрешната прес-конференција. – Денес е тежок и многу емотивен ден за мене бидејќи најавувам дека се повлекувам од тенисот. Не знаев како да го соопштам ова, па ја замолив мојата добра пријателка Кејси Делаква да ми помогне. Многу сум благодарна за сé што ми даде овој спорт и си заминувам гордо и задоволно. Им благодарам на сите што ме поддржаа на тој пат, секогаш ќе ви бидам благодана за спомените што ги создадовме заедно, напиша Барти на социјалните мрежи. Барти има освоено три Грен слема во сингл: Австралија опен, Ролан Гарос и Вимблдон. Вкупно има 15 победи на различни турнири во сингл. Покрај тоа, таа има 12 трофеи во двојки, меѓу кои и победа на УС Опен-2018.

Барти нова шампионка на АО 2022, Австралија чекаше титула 44 години

Ивона Петрова — Sat, 29 Jan 2022 12:19:56 +0000

Ешли Барти е нова шампионка на Австралија Опен кај дамите, победи во финалето против Даниел Роуз Колинс од САД во два сета, 6-3 и 7-6. Австралија има шампионка по 44 години пауза, последен пат домашна тенисерка победи во 1978 година во Мелбурн во името на Крис О’Нил која беше на трибините. Барти победи по 1 час и 29 минути игра, а се врати од негатива во вториот сет и го доби во тајбрејк, за тенисерката од Австралија, ова е прв триумф во Мелбурн во кариерата, а вкупно трет во кариерата по Ролан Гарос и Вимблдон.

The red shoes in full flight 😍 🎥: @wwos • @espn • @eurosport • @wowowtennis @ashbarty • #AusOpen • #AO2022 pic.twitter.com/nzJGKikQ0R
— #AusOpen (@AustralianOpen) January 29, 2022

Ѓоковиќ и Барти први носители на Австралија Опен

Тале Кристо — Tue, 11 Jan 2022 18:23:56 +0000

Организаторите на Австралија Опен ги објавија носителите на првиот календарски грен – слем турнир, што идната недела почнува во Мелбурн. Бранителот на титулата и деветократен победник на Австралија Опен, Новак Ѓоковиќ, го има статусот на прв носител во машка конкуренција. Втор е Русинот Дмитри Медведев, додека трет носител е Германецот Александер Зверев. Во женска конкуренција, за прва носителка е поставена најдобрата светска тенисерка Ешли Барти од Австралија, за втора Русинката Арина Сабаленко, а за трета Гарбина Мугуруза од Шпанија. Минатогодишната победничка, Јапонската Наоми Осака, е 13. Носителка. Австралија Опен ќе се одржи од 17 до 30 јануари, а настапот на најдобриот светски тенисер Новак Ѓоковиќ поради статусот на неговата австралиска виза сè уште е неизвесен .

Барти и Осака во јануари се враќаат на тениските терени

Дарко Андоновски — Fri, 10 Dec 2021 17:36:39 +0000

Австралијката Ешли Барти и Јапонката Наоми Осака по подолга пауза ќе се вратат на тениските турнири кои во јануари ќе се играат во Австралија, објавија организаторите во Аделаида и Мелбурн. Најдобрата светска тенисерка Барти паузира од елиминацијата во третото коло на Ју Ес Опен во септември, но иако предвреме ја заврши годината, Австралијката освои пет турнири, меѓу кои и Вимблдон, а го задржа и лидерското место на ВТА листата. Организаторите во Аделаида го потврдија нејзиното учество на турнирот од 2 до 9 јануари. Јапонката Осака, која минатата сезона падна на 13 место на ВТА листата по низа психолошки проблеми, ќе учествува на турнирот во Мелбурн од 3 до 9 јануари, кој е подготовка за Австралија Опен (17 јануари). Покрај Осака, која е бранителка на титулата во Австралија Опен, во Мелбурн ќе настапат и победничката на Ју Ес Опен, Ема Радукану и Симона Халеп.

ВТА ја избра Барти за тенисерка на годината

Бошко Тасиќ — Wed, 08 Dec 2021 09:25:23 +0000

Вторпат во кариерата Австралијката Ешли Барти ја освои ВТА наградата за „тенисерка на годината“, додека Барбора Крејчикова од Чешка доби двојна награда – за „најдобра двојка на годината“ во тандем со Катерина Синиакова, и „тенисерка со најголем напредок“. Меѓу добитничките на годинешните награди на Женското тениско здружение (ВТА) се најдоа и сензационалната победничка на Ју-Ес Опен, Британката Ема Радукану, која е прогласена за „дебитантка на годината“ и Шпанката Карла Суарез Наваро за „повратничка на годината“.

Елиминирана првата носителка на УС Опен

Бошко Тасиќ — Sun, 05 Sep 2021 09:20:47 +0000

Првата тенисерка во светот, Ешли Барти е елиминрирана и не успеа да се пласира во осминафиналето на УС Опен. Една од главните фаворити за трофејот во Њујорк беше поразена во третото коло од Американката Шелби Роџерс во три сета 6-2, 1-6, 7-6. Барти лошо го започна мечот и на тој начин ѝ даде надеж на противничката дека може да направи нешто повеќе. Американката го искористи таков подарок и го доби првиот сет со убедливи 6-2. Сепак, одличната Барти брзо се созеде и со моќни 6-1 ја врати неизвесноста на мечот. Во одлучувачкиот сет првата тенисерка на ВТА листата прва се одлепи и со два брејка поведе со 5-2, но за чудо не успеа да ја сочува предноста и го загуби мечот во тај-брејкот.

Ешли Барти триумфира во Синсинати

Бошко Тасиќ — Sun, 22 Aug 2021 20:39:10 +0000

Најдобрата светска тенисерка Ешли Барти победи на мастерс-турнирот во Синсинати во женска конкуренција.. Австралијката во мечот за титула очекувано беше подобра од швајцарската колешка Џил Тајхман, која ја совлада со 6-3, 6-1. Работата Барти си ја заврши за 71 минути. Тајхман парираше само во првиот сет. Барти се искачи на првото место во 2019 година и оттогаш е на лидерската позиција на ВТА-листата.

Ешли Барти победи на 14. од 15 натпревари против најдобрите 20 оваа сезона

Тале Кристо — Fri, 20 Aug 2021 17:03:04 +0000

Првиот светски рекет Ешли Барти во четвртфиналето на турнирот во Синсинати ја победи шампионката на „Ролан Гарос“ Барбара Крејчикова со 2-0, по сетови, 6:2 и 6:4. Победничката на Вимблдон, го одигра својот 15. натпревар против тенисерки од Топ 20 оваа сезона и ја забележа 14-та победа. Единствениот пораз и го нанесе Арина Соболенко во финалето на турнирот во Мадрид. Во натпреварите со најдобрите 10, билансот на Австралијката е 7:1. Вкупно, Барти има 38 победи на 45 натпревари во 2021 година. За Барти, полуфиналето во Синсинати е шесто на ВТА турнирите оваа сезона. Таа ги доби сите претходни. Во полуфиналето таа ќе се сретне со победничката од мечот меѓу Анџелик Кербер и Петра Квитова.

Ешли Барти најдобра на ВТА турнирот во Штудгарт

Бошко Тасиќ — Sun, 25 Apr 2021 22:25:15 +0000

Прворангираната светска тенисерка Ешли Барти освои уште еден трофеј во својата кариера. Барти во финалето на турнирот во Штутгарт славеше над белоруската тенисерка Арина Сабаленка со 2-1 во сетови (3-6, 6-0, 6-3) во меч во кој траеше еден час и 46 минути. Иако го загуби првиот сет, Барти потоа возврати , а во третиот решавачки сет, направи два клучни брејка.