ешли кол – Kurir.mk

Ешли Кол се врати во Челзи

Ивона Петрова — Fri, 18 Oct 2019 07:06:19 +0000

Поранешниот англиски репрезентативец, Ешли Кол се врати во Челзи и се приклучи на тренерскиот штаб на неговиот добар пријател Франк Лампард. Тој ќе работи со 15-годишни фудбалери на почетокот. Ешли го објави крајот на кариерата во септември на 38-годишна возраст. Целта за Кол ќе биде да ги развие младите таленти на младинската екипа на 15-годишна возраст и да пронајде потенцијални замени за првиот тим на „сините“. – Треба да бидете врвен играч за да играте во Челзи, затоа тие сакаат екс-играчи како нас да се обидат да и помогнат на следната генерација и да им дадеменасоки, самодоверба и храброст, објави самиот Кол во својата прва изјава како тренер во тимот.

Лампард и Ешли Кол повторно заедно во ист тим

Ивона Петрова — Mon, 21 Jan 2019 16:29:35 +0000

Поранешниот англиски репрезентативец Ешли Кол ќе го финализира трансферот во Дерби Каунти до средината на неделата, објави „Скај Спортс“. Се очекува тој да потпише шестмесечен договор со „овните“, каде ќе заигра за својот поранешен соиграч во Челзи и сегашен менаџер на тимот од Чемпионшип дивизијата – Френк Лампард. Трикратниот шампион во Премиер лигата е без тим, откако го напушти американски Л.А. Галакси во ноември. Лампард верува дека искуството на 38-годишниот Кол ќе биде од корист на Дерби, кој се наоѓа на шестата позиција на табелата и се обидува да стигне до баражот за влез во Премиер лигата. – Тој е одличен професионалец и човек. Го очекуваме неговото доаѓање со нетрпение. Зборувам со Еш постојано, ние сме добри пријатели. Тој е многу добро подготвен физички, свеж е и сака да продолжи да игра, па затоа сакам да е дел од тимот, бидејќи знам какво влијание може да има врз составот, изјави тренерот на Дерби. Во меѓувреме Хари Вилсон кој игра под наем од Ливерпул, ќе остане на „Прајд Парк“ до крајот на сезоната. Менаџерот на Ливерпул, Јирген Клоп имаше можност да го врати 21-годишниот играч од средниот ред во тимот, но крајниот рок за тоа истече на крајот на минатата недела. МИА

Ешли Кол веројатно ќе игра во втората англиска лига

Ристе Здравков — Wed, 28 Nov 2018 18:59:49 +0000

Поранешниот англиски репрезентативец Ешли Кол сè уште нема намера да престане да играфудбал, иако за помалку од еден месец ќе наполни 38 години. Тој ја напушта МЛС лигата, каде настапуваше во тимот на Лос Анџелес Галакси и е на чекор да се врати во својата татковина. Според весникот „Мирор“, постојат понуди од два клуба од Чемпионшип дивизијата и многу веројатно е да прифати еден од нив. Интерес пројавуваат Астон Вила, каде помошник-тренер е неговиот поранешен соиграч во Челзи, Џон Тери, како и Дерби Каунти, кој е воден од друга легенда на тимот од Лондон – Франк Лампард. Иако е во завршната фаза од кариерата, левиот бек покажа дека сè уште е конкурентен, откако минатата година беше избран за најдобар фудбалер од навивачите на Лос Анџелес Галакси. Покрај тоа, неговите финансиски побарувања веќе не се толку високи. Во САД земаше 11.000 фунти неделно, но Галакси му понуди да остане за следната кампања за половина од парите. Затоа тој одби. Се очекува во Англија да добива околу 10.000 фунти неделно, а тоа ќе биде негова последна сезона меѓу професионалците.