Ешли Олсен стана мајка

Катерина Бојаџиева — Tue, 15 Aug 2023 09:55:00 +0000

Американската детска актерска ѕвезда од 90-тите и предминатото десетлетие, Ешли Олсен и нејзиниот сопруг, уметникот Луис Ајснер станале родители. Детето се родило пред неколку месеци, а полот и името сѐ уште не се познати, пишуваат американските медиуми. Глумицата сѐ уште не се огласила по наводите. Таа и Ајснер се венчале лани во кругот на најблиските. Никогаш не сакаа јавно да говорат за врската. - Јас и сестра ми сме дискретни личности, изјави Ешли во една прилика. Поранешната детска и тинејџерска ѕвезда сега се занимава со мода со нејзината сестра-близначка Мери-Кејт, со која заедно го основаа брендот „Роу“ (The Row).

Ешли Олсен се омажи во тајност

Ристе Здравков — Sun, 08 Jan 2023 12:07:15 +0000

Модната дизајнерка и актерка Ешли Олсен тајно се омажила за својот долгогодишен партнер Луис Ајснер, пишува Page Six. Двојката е заедно од 2017 година, а церемонијата се одржа во приватен дом во Бел-Ер на 28 декември. Медиумите јавуваат дека на свадбата имало педесетина гости. Да потсетиме, Ешли, заедно со нејзината сестра близначка Мери Кејт, започна да глуми во ТВ, филмови и видео проекти, кои продолжија до тинејџерските години. Преку нивната компанија Dualstar, Олсен се приклучи на листата на најбогати жени во забавната индустрија. Последната деценија од својата кариера ја фокусираа на дизајнирање облека и не се појавуваат често во јавноста: „Ние сме воспитани да станеме дискретни луѓе“, изјави Мери Кејт во една прилика за странските медиуми со што појасни дека таа и нејзината сестра одлучиле да живеат далеку од очите на јавноста во последните години.

ешли олсен – Kurir.mk

Ешли Олсен стана мајка

Ешли Олсен се омажи во тајност