Адеми се фали: Според анкетите СДСМ е втора партија кај Албанците

Љупчо Цветаноски — Fri, 24 Jan 2020 10:10:02 +0000

Министерот задолжен за дијаспора, Едмонд Адеми, се пофали дека СДСМ е втора по рејтинг партија кај етничките Албанци во Македонија и дека поддршката за оваа партија кај нив продолжува да расте. -На Балканот имаше повеќе историја отколку иднина. Анкетите покажуваат дека СДСМ е втора партија кај Албанците после ДУИ. Овa e резултатот од една анкета реализирана пред една недела, истражување направено од институт кој што е веродостоен и верувам дека овој електорат во периодот што доаѓа ќе се зголемува – вели Адеми во интервју за „ABC News“. Адеми додава дека СДСМ во своите редови има потпретседател Албанeц, има директори во разни институции, а меѓу нив е и директорот за финанциска полиција. Поткрепа на кажаното на Адеми се и потезите на Заев, Шеќеринска и многумина претставници на партијата, кои сега го „плашат“ народот со поништување на Преспанскиот договор, чин кој има ефект насочен кон Албанците, но не и Македонците. Против договорот се 65% од сите граѓани во Македонија и околу 80% од македонското гласачко тело, покажуваат анкетите. Соочени со оттуѓување на македонското гласачко тело по серијата антинационални потези, промената на името, уставот, историјата им двојазичноста, сега СДСМ се обидува да допре кај Албанците, кои исто како и Македонците ги излажа за многу работи. Сепак, очигледно е дека проценката на екс Бихаќка е дека имаат подобра шанса за помин кај ова гласачко тело. Проблемот е што на ваквите предизборни потези сериозно им пречи серијата скандали и рекети кои го урниса СДСМ кај сите етнички заедници, покажувајќи го вистинското лице на партијата, а последните оценки на Транспаренси, ЕСИ, Економиост и микро растот на платите (четири шлаканици во само два дена) го покажаа и докажаа бедниот учинок на сите полиња на Заевата власт. За потсетување, пред изборите во 2016-та Заев се сретнуваше и со албанската дијаспора во Берн во битка за гласови. И покрај тоа, СДСМ не победи на изборите во 2016-та, кои три пати како опозиција ги одложуваше. Сега се почесто се слуша и ДУИ кои сега инсистираат на него, а тогаш не го почитуваа принципот „победник со победник“ и коалицираа со губитникот. Познавачите велат дека следува тешка и рововска битка меѓу ДУИ, БЕСА, Алијанса од една страна и СДСМ од друга страна во придобивањето на албанските гласови. Главното прашање на аналитичарите е - Што во новите игри без граници сега СДСМ ќе им понуди на Албанците за да го ублажат се поизвесниот поораз на 12-ти април?

Нова шлаканица за Заев: ЕСИ со црна прогноза дека земјите од Западен Балкан нема да влезат во ЕУ пред 2030!

Љупчо Цветаноски — Thu, 23 Jan 2020 17:20:18 +0000

Доколку не се промени методологијата и темпото на тој процес, ниту една земја од Западен Балкан нема да влезе во Унијата пред 2030 година, според најновата студија на Европската иницијатива за стабилност (ЕСИ). Ова се однесува и на Македонија, во која меѓу другото Владата на Заев го смени и името на државата за да станеме дел од европското семејство. Ова ли е „брзиот воз“ на СДСМ? Документот ја цитира изјавата од 2010 година на поранешниот германски министер за надворешни работи Јошка Фишер. На прашањето каква „форма“ ќе преземе ЕУ во следните две децении, тој одговори дека „тоа ја исклучува можноста за проширување на која било балканска земја до 2030 година“, тврдејќи: „Европа е во состојба на длабока болест … националните позиции низ ЕУ се едноставно премногу различни“. Како заклучок, сегашната состојба покажува дека „Фишер имал кристална топка“. Според авторот на анализата, земјите од Западен Балкан имаат ризик да ја повторат судбината на Турција – „никогаш да не влезат во Унијата“. Во тој контекст, се забележува дека поминале повеќе од шест години откако последната земја стана земја членка на ЕУ – Хрватска. Што се однесува до другите на Балканот, се посочува дека Македонија аплицирала за членство во 2004 година, станала кандидат една година подоцна, но дека се уште не ги „отворила“ преговорите со Брисел…Црна Гора преговара за пристапување скоро осум години, што веќе ја надмина Хрватска. Подеднакво „депресивната статистика“ се наведува и за Србија – која започна со преговори пред шест години и во меѓувреме затвори само две поглавја, додека Албанија се обидува повеќе од една деценија да го добие „зеленото светло“ за отворање на преговорите, а Босна не постигна напредок од 2016 година. кога ја поднесе нејзината кандидатура. Конечно, се забележува дека Косово не можело ниту да аплицира за членство затоа што не го признаваат сите членки на ЕУ. Како заклучок, освен ако нешто не се промени во постојните практики и пристапот на Брисел, секој што сака да ги спроведе реформите неопходни за да добие „билет“ за ЕУ, ќе ја изгуби мотивацијата да го стори тоа, или „да се чувствува како заморче во тркало“. Меѓу измените за кои се залага ЕСИ, а кои главно се изработката на плановите за реформи во проширувањето на Франција, се наведува дека проширувањето треба да стане „двофазен процес“, што значи дека крајната цел на преговорите останува „полноправно членство“ и „преодна цел“ да им се понуди на земјите-кандидати можност да се приклучат на заедничкиот пазар, подложни на одредени услови, на ист начин како во случајот Финска, која стана дел од единствениот пазар во 1994 година, а следната година полноправна членка на ЕУ. Втората препорака е „отворете ги и затворете ги сите поглавја“. Понатаму, таа ја наведува потребата „владеење на правото навистина да стане централна тема“. Прецизно кажано „почитувањето на правилата за владеење на правото мора да биде предуслов за пристапување кон единствениот пазар и за полноправно членство, што подразбира многу построга контрола од досега.“ За илустрација, се предлага „ако некоја земја сериозно ги крши основните човекови права или го поткопа независноста на судството, таа треба да биде замрзната од процесот на пристапување, вклучително и задржување на претпристапните фондови“ – во тој случај, процесот на пристапување ќе започне одново, ако оценуваат повеќето земји-членки на ЕУ дека се спроведени реформите. Авторите на анализата ги поставуваат следниве прашања до политичарите на ЕУ – дали пристапувањето на нови членки ќе ја направи Унијата посилна; дали продолжувањето е добро за тековните членови; дали проширувањето на Западен Балкан носи ризици – тоа е, дали новите членки ќе „воведат“ нови проблеми, ќе го отежнат постигнувањето договор, ќе го загрозат „кршливиот“ консензус на ЕУ за основните стандарди на владеењето на правото; конечно – се поставува прашањето – дали Западен Балкан ќе се „лизне“ во нестабилност доколку не биде примен во Унијата, во кое ќе се каже: „доколку неприемот ги доведе овие земји во безбедносна криза, тие не се подготвени да станат членки – членството во ЕУ е премногу тешко за да биде безбедносна мрежа за нестабилни држави“.

еси – Kurir.mk

Адеми се фали: Според анкетите СДСМ е втора партија кај Албанците

Нова шлаканица за Заев: ЕСИ со црна прогноза дека земјите од Западен Балкан нема да влезат во ЕУ пред 2030!