Еспањол – Kurir.mk

Реал Мадрид има опција доколку не го ангажира Халанд

Бошко Тасиќ — Sat, 30 Apr 2022 14:18:33 +0000

Шпанскиот фудбалски гигант Реал Мадрид ќе брка нов напаѓач ако во случај не успее во намерата да го ангажира моментно еден од најбараните фудбалери во светот, Ерлинг Халанд. Станува збор за Раул де Томас од Еспањол, открива „Ас“. 27-годишниот Шпанец во младинската кариера беше дел од Реал Мадрид, настапувајќи за Б и Ц тимот, но не запиша ниту еден официјален настап за најдобриот тим во периодот од 2014 до 2019 година. Во Еспањол, пак, Де Томас (чија вредност се проценува од 30-40 милиони евра) е повеќе од убедлив и дури стана и репрезентативец.

Фудбалер на Еспањол постигна гол како никој досега во историјата (ВИДЕО)

Ристе Здравков — Sun, 19 Dec 2021 09:25:04 +0000

Еспањол претрпе пораз на гостувањето кај Селта Виго (3-1) во премиерниот натпревар од 18. коло во шпанската Ла лига. Иако тимот од Каталонија одигра натпревар далеку под своите можности, сепак погодокот на гостите од Барселона ќе остане запаметен во историјата на Ла лига. Фудбалерот на гостите Морон го постигна почесниот погодок за својот тим во 92. минута, но на каков сензационален начин. Тој од аут линија од некои 40 метри од теренот успеа да го лобува противничкиот голман и да ја затресе неговата мрежа.

GOLAZO.
Loren Moron [Espanyol]. #IMC pic.twitter.com/WjA6hwNXuK
— Medio Video (@MedioVideo) December 17, 2021

Чави: Прекрасно е повторно да се биде на „Камп Ноу“

Тале Кристо — Sun, 21 Nov 2021 10:34:39 +0000

Со победа над градскиот ривал Еспањол како нов тренер на Барселона дебитираше синоќа Чави Ернандез, една од најголемите играчки легенди на каталонскиот клуб во последните неколку децении. Барселона победи со 1-0 во рамки на 13 коло во Ла Лига и со ефект од пет победи, пет нерешени и три порази сега е шестопласирана на табелата. – Беше важно да победиме и сосема заслужено ги освоиме трите бодови. Но, имаше многу работи, кои мораме да го поправиме во иднина. Пред нас е голема и тешка работа, изјави 41-годишниот Чави, кој го носеше дресот на Барселона од 1998 до 2015 година. – Прекрасно беше повторно да се излезе на „Камп Ноу“. Се вратив тука по шест години и атмосферата беше прекрасна. Можеби малку поинаква од времето кога играв, но, сепак, беше повторно фантастична, порача Чави.

Еспањол испадна од Ла Лига

Тале Кристо — Thu, 09 Jul 2020 06:52:49 +0000

Еспањол е првиот тим кој на три кола пред крајот на Ла Лига остана без теоретски шанси за опстанок. Во градското дерби, „сино-белите“ синоќа загубија од Барселона со 1:0. По 35 кола Еспањол е последен на табелата со недостижни 11 бода зад првиот тим кој се наоѓа надвор од опасната зона. Од друга страна, Барселона со новите три гола заработени по заслуга на стрелецот Луис Суарез, дојде до 76, односно бод помалку од лидерот Реал Мадрид кој допрва треба да гио игра својот натпревар од 35. коло.

Легендарниот шпански голман ја загуби битката со коронавирусот- светот ќе го памети како играч кој го носеше дресот на овој клуб! (ФОТО)

Дарко Андоновски — Mon, 23 Mar 2020 16:35:48 +0000

Поранешниот голман и тренер на Еспањол, Бенито Хоанет почина откако заболел од Ковид-19, јавуваат шпанските медиуми. Хоанет, кој и без Ковид-19 беше во лоша здравствена состојба со оглед на неодамнешниот мозочен удар, почина на 84 годишна возраст. Во кариерата, покрај за Еспањол, бранеше и за Депортиво Ла Коруња. Како тренер, пак, работеше во повеќе клубови како Еркулес, Мајорка, Кадиз, Тенерифе, итн.

Премиера: Барселона и Еспањол одиграа нерешено

Тале Кристо — Sun, 05 Jan 2020 08:28:09 +0000

Иако важеше за огромен фаворит, тимот на Барселона одигра само 2:2 со последно пласираната екипа на табелата во Примера, Еспањол на синоќешното градско дерби. Каталонскиот гигант пропушти шанса да ја врати разликата во однос на Реал Мадрид, па сега двете екипи на точно половина од сезоната (по 19 кола) се изедначени на врвот на табелата со по 40 бода. По нив следува Атлетико Мадрид со 35 кој синоќа го совлада Леванте со 2:1. Кругот на најсериозни претенденти за титулата се затвора со Севиља која исто како и Атлетико на половина од првенството собра 35 бода.

Навас разочаран по поразот од Еспањол

Ивона Петрова — Wed, 28 Feb 2018 08:30:46 +0000

Голманот на Реал Мадрид, Кејлор Навас е многу разочаран по поразот (1:0) од Еспањол во 26. коло од Примера Дивизија. Домаќините победничкиот гол го постигнаа во последните моменти од натпреварот, па Реал немаше време да се спаси од пораз. - Нормално е да не се чувствуваме добро, бидејќи сакавме да победиме. Сепак, од овој пораз не може да се изведе заклучок дека направивме чекор назад. Понекогаш победувате, понекогаш губите. Треба да манифестирате карактер во такви ситуации и да се движите напред. Ние мора да продолжиме да бидеме целосни професионалци. Тимот е сплотен и кога победуваме и заедно губиме, истакнува Навас. Реал е трет на табелата со 14 бода заостанување зад лидерот Барселона која има и натпревар помалку.