есз тигар – Kurir.mk

41 година од формирањето на САЕ „Тигар“

Ивона Петрова — Sun, 13 Mar 2022 07:52:17 +0000

Денеска Специјалната антитерористичка единица „Тигар“ во касарната „Илинден“ одбележува 41 година од формирањето. На 13 март 1981 година за првпат во Министерството за внатрешни работи беше формирана во рамките на тогашниот републички секретаријат за внатрешни работи на СР Македонија Единицата за специјални задачи под името „Тигар“. Нејзина примарна цел при формирањето била посебни задачи, обезбедување на јавни личности, справување со кризи, специјални задачи за кои не била подготвена тогашната милиција, а подоцна за антитероризам, специјални задачи како на пример диверзантски акции, инфилтрирање позади линијата на непријателот, обезбедување на терен, подготовка на терен за воени дејствија на останати воени државни структури, приведување и апсење на криминалци или личности барани од законот, нуркање, извлекување на давеници, затрупани во лавини, експлозиви, и кучиња трагачи, обезбедување на лица од витално значење. Во поново време единицата беше надградена со воена метода за решавање на воени конфликти надвор од урбана средина. На 13 март 2021, покрај 40 годишниот јубилеј од формирањето на единицата, Единица за специјални задачи (ЕСЗ) беше преименувана во Специјална антитерористичка единица (САЕ). САЕ Тигар е организирана како посебна единица во Бирото за јавна безбедност со намена за: Планирање и извршување најсложени задачи во борба против тероризмот Решавање заложнички ситуации и ситуации со забарикадирани опасни лица Апсење криминалци и криминални групи Решавање ситуации во случај на пружање отпор со огнено оружје Обезбедување загрозени ВИП личности и објекти Давање асистенција во борбата против организираниот криминал Спасувачки мисии во високопланински и други недостапни терени Обука и едукација на кадри

„Тигрите“ на тактички вежбовни активности во Охрид

Ивона Петрова — Sat, 11 Sep 2021 06:23:29 +0000

Припадници на Специјалната антитерористичка единица „Тигар“ од денеска па во наредните пет дена ќе одржува тактички вежбовни активности кај Студенчишкиот канал во Охрид. Според полициското соопштение, вежбовните активности ќе се спроведуваат на просторот кај езерската полиција во Охрид, а во текот на тактичките вежби, што ќе се реализираат во различни периоди од денот, ќе биде користена маневарска муниција. За време на вежбите ќе бидат преземени сите неопходни безбедносни мерки поради што, се молат граѓаните за разбирање и почитување на насоките на полициските службеници.

Ивица Бисовски е нов командир на ЕСЗ Тигар

Ристе Здравков — Fri, 10 Jan 2020 11:16:32 +0000

Ивица Бисоски од утрово е новиот командант на единицата за специјални задачи „Тигар“ при Mинистерството за внатрешни работи објави “Нетпрес“, повикувајќи се на свои извори. Бисоски доаѓа на местото од досегашниот прв човек Митко Даневски. Бисоски има долгогодишно искуство во ЕСЗ „Тигар“, учесник е во бројни полициски акции, антикриминалистички и операции за сузбивање на организираниот криминал.