Важна информација за пензионерите: Ќе следи етапна исплата на пензиите

Тале Кристо — Mon, 25 May 2020 08:24:02 +0000

Исплатата на мајските пензии почнува од среда, 27 мај. Со предвремена и етапна исплата на пензиите, што ја реализираме втор месец, овозможуваме поголема заштита на пензионерите во услови на опасност од коронавирусот КОВИД-19, информираат преку соопштение од МТСП. Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата: - Во среда, на 27.05.2020 година исплата на пензии со висина до 11.000 денари; - Во четврток, на 28.05.2020 година исплата на пензии во висина од 11.001 денари до 14.000 денари; - Во петок, на 29.05.2020 година исплата на пензии во висина од 14.001 денари до 18.000 денари; - Во понеделник, на 01.06.2020 година исплата на пензии во висина над 18.000 денари. Пензионерите кои користат платежна картичка поврзана со сметката на која се префрлува пензијата, со парите можат да располагаат од среда 27 мај. Тие можат да ја подигнат мајската пензијата на банкомат или да ги користат средствата за плаќање во трговската мрежа. Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи. Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје. Потсетуваме на обврската за носење лична заштитна опрема којашто ги покрива пределот на носот и устата и држење растојание од најмалку два метра при чекање ред пред и внатре во банките.

Почнува етапна исплата на пензиите во банките

Тале Кристо — Mon, 27 Apr 2020 06:09:39 +0000

Од денеска ќе се врши етапна исплата на пензиите на шалтерите на банките, според висината на пензијата. За пензии до 11.000 денари исплата е денеска, за пензии од 11.001 до 14.000 денари, исплата е во утре (вторник 28 април), за пензии од 14.001 до 18.000 денари исплата ево среда 29 април и за пензии повисоки од 18.001 денар, исплата во четврток, 30 април. Етапната исплата на пензиите е направена со цел да се избегне метежот пред банките и да се овозможи поголема заштита на пензионерите во услови на опасност од коронавирусот КОВИД-19. Пензионерите кои користат платежна картичка поврзана со сметката на која се префрлува пензијата, веќе можат да ги користат парите за безготовински плаќања во продажната мрежа или преку електронско и мобилно банкарство. Исто така, пензиите можат да ги подигнат на банкоматите на банките.

етапна исплата – Kurir.mk

Важна информација за пензионерите: Ќе следи етапна исплата на пензиите

Почнува етапна исплата на пензиите во банките