еторе месина – Kurir.mk

Милано подготвува отказ за трофејниот стратег?

Бошко Тасиќ — Thu, 02 Nov 2023 05:09:13 +0000

Олимпија Милано се наоѓа во голема резултатска криза и сѐ уште не може да го пронајде „рецептот“ за успех, иако летово беа доведени неколку исклучително големи и ѕвездени имиња. Тимот забележа четири порази во последните пет натпревари, а тоа е доволна причина за вклучување на „алармот“ кај управата. Челните луѓе наводно веќе размислуваат за промена на тренерот, а тоа значи дека Еторе Месина би можел многу наскоро да ја заврши својата авантура во италијанскиот евролигаш. Во моментов Олимпија има скор од 1-4 во Евролигата, а се чини дека последната капка на незадоволство дојде откако тимот загуби на домашен терен од Макаби со 98-90. Месина беше многу незадоволен и изјави дека одбраната на овој натпревар била трагикомична. „Примивме скоро 100 поени на натпревар во кој имавме 25 асистенции и шут за три поени од 40%. Силната одбрана е нашиот идентитет, но на овој меч комплетно го загубивме компасот. Макаби нѐ наттрча и нѐ натскока, поентираше од „пик енд рол“, а нашата одбрана беше срамна“, изјави Месина по мечот со израелската гордост.

Еторе Месина останува тренер на Милано

Бошко Тасиќ — Sun, 30 Apr 2023 05:17:29 +0000

Еторе Месина ги разреши сите дилеми околу својата иднина објавувајќи дека ќе остане на чело на Милано и во наредната натпреварувачка сезона. Месина јасно стави до знаење дека нема намера да се повлече и се уште има беспрекорна соработка со раководството на клубот.

„Апсолутно, јас останувам во Милано и наредната сезона, ќе продолжиме заедно со огромна верба едни во други. Верувам дека можеме да направиме добри работи во иднина за овој клуб. Секако, не може да бидеме среќни од она што го покажавме сезонава во Евролигата. Но, само еден тим ќе излезе како победник со пехарот. Ако само еден тим победува на крајот, тоа не значи дека сите останати не знаеле што прават“, изјави Месина.

Шилдс не е тешко повреден

Бошко Тасиќ — Tue, 14 Mar 2023 05:34:14 +0000

По катастрофалниот старт на сезоната проследен со бројни повреда и тешки порази, Милано се врати во игра за позиција која води во разигрувањето за место на Ф4 турнирот на Евролигата. Со 12 победи и натпревар помалку во однос на конкурентите, италијанскиот клуб заостанува три победи зад топ 8 финиш, но има поволен распоред до крајот на сезоната. Еторе Месина најверојатно ќе може да смета и на услугите на еден од најдобрите кошаркари, Шејвон Шилдс кој по враќањето на паркетот од повреда повторно се повреди на последниот натпревар на „манекените“ во италијанското првенство. Првичните инфорамации велат дека не станува збор за обновување на повредата на зглобот и тој ќе помине низ нови тестови за 48 часа, но очекувањата се дека ќе отсуствува само еден до два натпревари.

ФОТО: Мурињо и Месина се истетовираа на стари години

Дарко Андоновски — Mon, 18 Jul 2022 10:47:51 +0000

Тренерот на фудбалерите на Рома, Жозе Мурињо, на 59-годишна возраст за прв пат се истетовира, а на истиот чекор се одучи и четири години постариот стратег на кошаркарите на Олимпија, Еторе Месина. Мурињо се одлучи на десното рамо да ги истетовира трофеите во Лигата на шампиони, Лига Европа и Лигата на конференции, обиени во боите на клубовите со кои ги освои титули во трите европски клупски натпреварувања. – Радоста на римјаните ме натера да го направам ова. Размислував за некоја посебна тетоважа, некоја со која би им одал признание на сите клубови со кои ги освојував европските натпреварувања. Истовремено, посакував уникатна тетоважа, која само јас можам да ја имам, изјави Мурињо, кој со Порто и Интер ја освои Лигата на шампиони, со Манчестер јунајтед триумфираше во Лига Европа, а на Рома и го донесе успехот во Конференциската лига. Од друга страна, 63-годишниот Месина се одлучи за едноставна тетоважа, на која на десното рамо е испишано „Олимпија 2022“.

Еторе Месина повторно ќе биде селектор на Италија

Бошко Тасиќ — Fri, 12 Mar 2021 15:55:17 +0000

Еторе Месина повторно ќе биде селектор на Италија. Тренерот на Милано, функцијата ќе ја преземе по завршувањето на квалификацискиот турнир за пласман на Олимписките игри во Токио.

„Газета дело Спорт“, објави дека што и да направи Италија на квалификацискиот турнир кој ќе се игра во Белград, Месина ќе го наследи на кормилото актуелниот селектор Мео Сакети.

Месина беше селектор на Италија во периодот од 1993 до 1997 година. Со Италија го освои сребрениот медал на Европското првенство во 1997 година.

За Месина ЦСКА Москва е прв фаворит во Евролигата

Матеја Петровски — Tue, 24 Apr 2018 08:02:42 +0000

Еторе Месина, еден од најпознатите европски кошаркарски тренери кој сега работи како асистент во Сан Антонио Спарс, смета дека ЦСКА Москва има најголеми шанса да ја освои Евролигата. - Колку што ми дозволува времето ја следам Евролигата, а плејофот сигурно ќе го гледам. Според мене ЦСКА Москва е фаворит за трофејот. Се надевам дека ќе успеат да ја вратат титулата. Исто така, се надевам дека Кајл Хајнс ќе се врати наскоро. Тој е многу важен играч за ЦСКА, изјави поранешниот предводник на рускиот шампион. ЦСКА Москва го освои првото место во лигашкиот дел од сезоната. Во плејофот во 1.коло игра со Химки. По двете средби во Москва води со 2-0 и само една победа ја дели од завршниот „фајнал фор“ турнир. Последен пат ЦСКА Москва европски шампион беше во 2016 година. (Mиа)