еуро 2021 – Kurir.mk

Фудбалерите ќе одиграат пријателска средба и со Казахстан пред ЕП

Бошко Тасиќ — Thu, 20 May 2021 15:19:29 +0000

Освен натпреварот со Словенија на 1 јуни, нашата фудбалска репрезентација, пред настапот на ЕП, ќе одигра уште еден пријателски меч и тоа со селекцијата на Казахстан. Овој меч ќе се игра во Скопје и тоа а 4 јуни. Ова е според правилата на УЕФА, имено мора секоја репрезентација да одигра најмалку два пријателски меча пред ЕП. Нашата селекцијата својот собир ќе го има на 25 мај. За нас 13 јуни започнува ЕУРО со настапот против Австрија, потоа на 17 јуни со Украина, овие два меча се играат во Букурешт, додека на 21 јуни играме со Холандија во Амстердам. Тоа се тие три меча од групната фаза на ЕП.

ОФИЦИЈАЛНО започна продажбата на билетите за натпреварите на Македонија на ЕП во фудбал

Бошко Тасиќ — Mon, 17 May 2021 19:19:42 +0000

Од денес и официјално започна продажбата на билетите за натпреварите на Македонија на претстојното Европско првенство, кое ова лето ќе се одржи ширум Европа. Од УЕФА информираат од 17 мај, па сè до 26 мај, до 14:00 часот, секој македонски фан кој сака да ги следи настапите на селекцијата ќе може да аплицира за билет. Фудбалската федерација на Македонија (ФФМ) ќе обезбеди пристапни кодови за навивачите на веб-сајтот за влезници во УЕФА, кои претходно контактирале со федерацијата за продажба на билети. Билетите ќе се продаваат по принципот прв дојден, прв услужен. Македонските државјани кои ќе ги следат натпреварите на нашата репрезентација во Букурешт ќе можат да влегуваат во Романија со негативен ПЦР тест кој ќе биде валиден за време на целиот престој во Букурешт. Она што беше од суштинско значење за нас - правилото од три дена, согласно кое при престој во Романија, Македонските државјани требаше да ја напуштат земјата пред истекот на 72 часа, е поништено и веќе не е валидно.

Селекторот на Холандија Франк Де Бур го објави списокот на фудбалери со кои ќе настапи на ЕП (ФОТО)

Бошко Тасиќ — Sun, 16 May 2021 06:21:52 +0000

Селекторот на фудбалската репрезентација на Холандија Франк Де Бур го објави поширокиот список од 34 фудбалери кои ќе конкурираат за 26 места во селекцијата на Лалињата што ќе играат на Европското првенство од 11. јуни до 11. јули. Холандија е во нашата група каде против нив Македонија ќе игра на 21. јуни во последниот меч во Ц групата. На ЕП за Холандија нема да игра фудбалерот на Ливерпул Вирџил Ван Дајк, кој пред некој ден соопшти дека не е подготвен и ќе го пропушти континенталниот шампионат.

Македонските навивачи на ЕУРО 2021 во Букурешт ќе може да се задржат само 48 часа

Бошко Тасиќ — Tue, 06 Apr 2021 20:01:30 +0000

Македонската фудбалска репрезентација ќе може да има поддршка од нашите навивачи на Европското првенство оваа лето во Букурешт, но за секој македонски навивач патувањето во Романија ќе биде комплицирано. Здравствените власти на Романија, во договор со претходната одлука на Владата да се дозволи одредено присуство на навивачи на натпреварите од ЕВРО 2021, денеска одлучија сите секој странски навивач да не може да се задржува повеќе од 48 часа во Романија.

„Доаѓањето на навивачите ќе биде исклучиво за фудбалскиот натпревар, а не за туризам. Токму поради тоа секој навивач од надвор нема да може да се задржи повеќе од 48 часа. Оваа одлука е базирана на гаранциите кои Романија ги даде за да се дозволи присуство на навивачи, но да не се загрози јавното здравје, и да не добиеме исклучување од ЕВРО 2020“ објави Министерството за спорт на Романија.

Одлучено на Националната арена во Букурешт да биде дозволено присуство на 13.000 навивачи (25% од капацитетот на стадионот) за натпреварите на Македонија против Австрија и против Украина, од кои дополнитено ќе биде одлучено колку ќе им припаднат на македонските навивачи. Последната одлука на романската Влада за исклучиво 48-часовно задржување ќе значи дека оние македонски фанови кои ќе бидат на дебито на Македонја против Австрија на 13. јуни, веднаш по натпреварот ќе мора да ја напуштат земјата, а доколку сакаат да го следат следниот натпревар на 17. јуни против Украина ќе мора да допатуваат ден пред натпреварот и веднаш по него да ја напуштат земјата.

Англичаните побарале од УЕФА тие да бидат домаќини на ЕП во фудбал

Бошко Тасиќ — Sun, 21 Feb 2021 19:31:01 +0000

Финалето на Европското првенство во фудбал на кое свое учество ќе земе и нашииот национален тим секако планирано е да ќе се игра на „Вембли“ во Лондон, но Англичаните посакуваат целокупното Европско Првенство да се игра во нивната земја, и веќе според информациите на медиумите во Европа испратиле писмо до УЕФА. Првенството кое требаше да се игра минатата година, поради пандемијата на коронавирус, беше одложено за оваа лето, и засега УЕФА ја нема сменето одлуката да се игра на стадиони во 12 различни градови низ Европа. Но, одлуката не е конечна и неизвесноста околу тоа каде ќе игра Македонија на историското деби, уште трае. Според англиските медиуми, Велика Британија понудила цело првенство да се игра кај нив. Направен е план со кој наскоро навивачите ќе се вратат на стадионите. Премиерот Борис Џонсон ќе ги објави датумите за вакцинација на возрасната популација, а последниот рок до кога сите во неговата земја ќе мора да примат вакцина е 31 јули. ЕП треба да почне на 11 јуни.