еуро 2022 – Kurir.mk

Женското ЕУРО 2022 најгледано во историјата

Ивана Ефремовски — Wed, 31 Aug 2022 18:22:33 +0000

Европското фудбалско првенство 2022 за жени било најгледано издание досега со бројка од 365 милиони гледачи кои во живо ги следеле натпреварите, објави денеска УЕФА. Гледаноста на овој турнир, кој го освоија Англичанките со триумфот во финалето над Германија, е за двојно поголема во однос на изданието во 2017 (178 милиони милиони) и 214 отсто повисока отколку во 2013 година (116 милиони). Само финалниот натпревар во живо го следеле 50 милиони гледачи ширум светот, што е за над трипати повеќе од финалето во 2017 година. Податоците за гледаноста на женското ЕУРО2022 се пресметани врз основа следење на преносите на телевизија во домашна атмосфера, во надворешни објекти и преку стриминг. (МИА)

Англија и Шведска на полуфиналето во женското УЕФА ЕУРО 2022

Ивона Петрова — Tue, 26 Jul 2022 09:16:49 +0000

Женската фудбалска репрезентација на Англија вечерва од 21 часот ќе се соочи со Шведска на стадионот во Шефилд во полуфиналето на УЕФА ЕУРО 2022. Англија се пласираше во полуфиналето совладувајќи ја Шпанија со 2-1 во четвртфиналето, додека, Шведска беше подобра од Белгија со 1-0. Најдобриот пласман на Англија на ова натпреварување е второто место во 1984 и 2009 година, додека, Шведска беше прва токму во 1984 година кога го совлада овогодинешниот домаќин. Победниците се пласираат во неделното финале на Вембли кое ќе го одиграат со подобриот од полуфиналето помеѓу Германија и Франција кое се одигрува утре од 21 часот.

Шпанија и Шведска за ракометна историја во утрешното финале

Ивона Петрова — Sat, 29 Jan 2022 09:02:09 +0000

Репрезентациите на Шпанија и Шведска ќе играат во утрешното финале на Европското ракометно првенство, кое на поуспешниот тим ќе му донесе историски успех. Актуелниот европски првак Шпанија со триумф ќе стане само втората ракометна нација по Шведска која освоила три последователни европски титули, додека шведските ракометари со победа ќе го зацементираат своето место во историјата како рекордни шампиони, 20 години по последниот златен медал освоен на европските првенства. Шведска избори финале откако вчеравечер во драматична завршница беше поуспешна од актуелниот олимписки првак Франција (34-33), додека Шпанија избори финале за одбрана на титулата совладувајќи го актуелниот светски првак Данска ((29-25). Финалето се игра утре во Будимпешта од 18 часот.

Начевски и Николов ќе ја делат правдата на полуфиналето меѓу Шпанија и Данска

Ивона Петрова — Fri, 28 Jan 2022 09:25:47 +0000

Денес на европското ракометно првенство се играат двете полуфинални средби, Шпанија-Данска и Франција – Шведска се борат за двете места во финалето. На завршниот дел на ЕУРО, има и двајца Македонци во официјалниот дел, судиите Ѓорѓи Начевски и Славе Николов ќе ја делат правдата на средбата Шпанија-Данска од 18 часот. Дуелот меѓу Франција и Шведска се игра од 20-30 часот, и двата меча со пренос на МТВ.

Македонија заедно со Словенија и Црна Гора организатори на женското ракометно ЕП 2022

Дарко Андоновски — Wed, 20 Jun 2018 10:52:08 +0000

Европската ракометна федерација на денешниот конгрес во Глазгов, Шкотска донесе одлука Македонија, заедно со Словенија и Црна Гора да бидат заеднички организатори на Европското првенство во 2022 година. Федерациите на трите земји ги исполнија критериумите и ги задоволија сите барања при инспекциите на ЕХФ во текот на изминатиот период, по што официјализирано е дека градовите Љубљана, Скопје, Цеље и Подгорица, со своите арени „Стожице“, „Борис Трајковски“, „Златорог“ и „Морача“ ќе организираат по една од четирите групи во првата фаза од првенството. Љубљана и Скопје ќе бидат домаќини и на по една од групите во главната фаза, додека завршницата од шампионатот ќе се игра во словенечкиот главен град. Покрај условите за одигрување на овие натпревари од највисоко ниво, заедно со искуството на организација на големи настани на трите федерации, како посебно добра препорака за доделување на организацијата. - Кампањата, која ќе се одвива под слоганот „We Can Handball“, како главна цел го има засилувањето на брендот на женскиот ракомет во Европа и Светот, така што со подобрување на сите негови производи, тој ќе се приближи до она што глобално претставува машкиот ракомет. Предложени се низа проекти под слоганите “We Teach Handball”, “We Travel Handball”, “We Care Handball”, “We Support Handball” и “We Work Handball”, меѓу другите, чија реализација нема да биде фокусирана само во земјите на одржување на Првенството, туку низ цела Европа, објави РФМ на својата официјална веб страница. Целта на предложените проекти се опфаќање на широк аудиториум за приближување на фановите до своите идоли, промоција на женскиот ракомет, како и да се промовира самиот настан.