ЕУРО 2024 – Kurir.mk

Франција, Белгија и Португалија први обезбедија пласман на Европското првенство наредната година

Бошко Тасиќ — Sat, 14 Oct 2023 05:40:09 +0000

Французите со гостински триумф кај Холандија го заверија пласманот на Европското првенство, Килијан Мбапе беше стрелец на двата гола. Мбапе погоди во седмата минута за водство од 1-0, а по осум минути игра во вториот дел постигна прекрасен погодок за 2-0. Во финишот од мечот Хартман постигна само почесен гол за Холандија. Кристијано Роналдо постигна два гола во победата на Португалија над Словачка од 3-2 за место на Европското првенство. Покрај Роналдо, гол даде и Рамош. Погодоците за Словачка ги постигнаа Ханко и Лоботка.Два гола даде Лукебакио и еден Лукаку за победа на Белгија од 3-2 на гостувањето кај Австрија. Погодоците за домаќините ги постигнаа Лајмер и Сабицер.

Утре почнува продажбата на влезници за ЕУРО 2024

Ивона Петрова — Mon, 02 Oct 2023 19:41:10 +0000

Првата фаза од продажбата на влезници за Европското фудбалско првенство 2024 ќе почне утре, соопшти Европската фудбалска асоцијација (УЕФА). Заклучно со 26 октомври, до кога ќе трае првата фаза, достапни ќе бидат 1,2 милиони билети. Евроквалификациите се во тек и сè уште ниту една репрезентација нема обезбедено место на завршниот турнир, чиј домаќин од 14 јуни до 14 јули идната година ќе биде Германија. Цената на влезниците ќе се движи од 30 евра за натпревари во групната фаза, до 1.000 евра за најскапите билети за финалето во Берлин. Точниот распоред на натпреварите на ЕУРО2024 ќе биде познат по жрепката која е закажана за 2 декември во Хамбург.

Македонија сака победнички старт на квалификациите за ЕП 2024

Бошко Тасиќ — Thu, 23 Mar 2023 05:40:55 +0000

Македонската фудбалска репрезентација вчера го одржа последниот тренинг пред денешниот меч против Малта на Националната арена „Тодор Проески“ во Скопје. Ова ќе биде прв натпревар за нашиот национален тим во квалификациите за Европското првенство и целта е јасна, освојување на трите бода и позитивен старт на овој циклус. Се е подготвено за дуелот, селекторот Благоја Милевски може да смета на сите повикани играчи со исклучок на напаѓачот Дориан Бабунски кој поради повреда мораше да отпадне од комбинација. Денешната средба е закажана во вечерниот термин од 20:45 часот.

Фудбалската репрезентација комплетна пред мечот со Малта

Бошко Тасиќ — Tue, 21 Mar 2023 05:38:58 +0000

Селекторот Благоја Милевски на фудбалската репрезентација на Македонија на располагање ги има сите фудбалери кои се најдоа на списокот на играчи за претстојните дуели против Малта и Фарските острови откако помеѓу последните пристигнаа Стефан Ристовски и Аријан Адеми. По завршувањето на клупските обврски пристигнаа и останатите фудбалери и кои веднаш им се приклучија на останаатите за првото соочување во квалификациите за Европското првенство со Малта што ќе се одигра в четврток во Скопје со почеток во 20 часот и 45 минути.

Ждрепката за квалификациите за ЕУРО 2024 денес во Франкфурт

Бошко Тасиќ — Sun, 09 Oct 2022 06:30:43 +0000

Германскиот град Франкфурт ќе биде домаќин на церемонијата на извлекувањето на составот на групите за квалификациите за пласман на Европското фудбалско првенство во 2024 година чиј домаќин ќе биде Германија. Во квалификациите ќе настапат 53 репрезентации кои ќе се борат за 23 места на завршниот турнир, а Германија како организатор веќе се квалификуваше и нема да учествува во жрепката. Русија поради суспензијата нема да настапи во евроквалификациите. Репрезентациите ќе бидат поделени во десет групи – седум со по шест, и три со по пет селекции. Победниците во десетте групи и десетте најдобро второпласирани репрезентации ќе обезбедат директен пласман на ЕУРО 2024, додека преостанатите три места ќе бидат пополнети преку плејоф. Квалификациите ќе се играат од март до ноември 2023 година. Македонија ја чека жрепката од четвртиот шешир и не може да биде во иста група со Турција, Грција, Бугарија, Грузија, Казахстан, Луксембург, Азербејџан, Косово и Фарски Острови. Преостанатите пет групи според квалитетот пред жрепка ги сочинуваат 1 – Италија, Шпанија, Хрватска, Португалија, Холандија, Белгија, Данска, Полска, Унгарија, Швајцарија. 2-Франција, Англија, Србија, Австрија, Шкотска, Финска, БиХ, Чешка, Велс, Израел. 3-Шведска, Украина, Норвешка, Република Ирска, Словенија, Исланд, Романија, Црна Гора, Ерменија, Албанија. 5-Словачка, Северна Ирска, Кипар, Естонија, Летонија, Литванија, Белорусија, Молдавија, Малта, Гибралтар. 6-Андора, Сан Марино, Лихтенштајн.

Русија ќе ја нема на ждрепката во квалификациите за ЕП 2024 година

Бошко Тасиќ — Tue, 20 Sep 2022 18:04:23 +0000

Фудбалската репрезентација на Русија нема да учествува во ждрепката за квалификациите за Европското првенство 2024 година, објави руската фудбалска федерација. Ждрепката ќе биде одржана на 9. октомври во Франкфурт. УЕФА ја суспендираше руската репрезентација и клубовите на „неодреден рок“ поради инвазијата врз Украина. Руската федерација веднаш поднесе жалба на таа одлука, но Судот за спортска арбитража ја одби жалбата. Примерот на УЕФА ја следеше и ФИФА која забрани настапи на сите руски селекции. Минатата недела домаќинот на ЕВРО 2024 година, побара од квалификациите да се исклучи и Белорусија, поради поддршката која таа држава ја пружа кон Русија. Сепак, засега нема одлука за исклучување на Белорусија, и таа веројатно ќе биде сместена во ждрепката.

УЕФА: Три репрезентации преку Лигата на нации ќе обезбедат пласман на ЕВРО 2024

Бошко Тасиќ — Thu, 09 Jun 2022 16:19:31 +0000

вропската фудбалска федерација (УЕФА) донесе конечна одлука, на следното Европско првенство што ќе се игра во 2024 година, три селекции ќе обезбедат пласман преку Лигата на нации. – За Евро 2024 ќе бидат осигурани три места преку Лигата на нации. Ќе бидат одредени 12 тима кои ќе играат плеј-оф, а во прашање се 12 победници на групите во дивизиите А, Б и Ц. Ако победниците во овие групи веќе обезбедиле место на ЕП преку редовните квалификации, тогаш ќе бидат заменети со најдоброрангираните селекции од нивната дивизија. Доколку во дивизијата нема доволно селекции што не се квалификувале низ квалификациите, баражот ќе се пополни со селекции од следната по квалитет дивизија, заклучно и со дивизијата Д – стои во соопштението на УЕФА.

Ждрепката за ЕУРО 2024 ќе се оддржи следниот октомври во Франкфурт

Бошко Тасиќ — Thu, 07 Oct 2021 20:11:42 +0000

Жрепката за квалификациските групи за пласман на ЕУРО2024 во фудбал ќе се одржи идниот октомври во Франкфурт, соопшти денеска Европската фудбалска асоцијација (УЕФА).

Квалификациските групи за пласман на завршниот турнир, чиј домаќин ќе биде Германија, ќе бидат формирани на 9 октомври идната година во „Месе Франкфурт“, најголемиот светски организатор на трговски саеми, конгреси и различни јавни настани.

УЕФА не го објави форматот на квалификациите, но се очекува 54. европски репрезентации со жрепка да бидат поделени во десет квалификациски групи со по пет или шест национални тимови.

Пласман на ЕУРО 2024 би обезбедиле двете првопласирани репрезентации во групната фаза, а преостанатите учесници би биле познати по завршувањето на Лигата на нации во март 2024 година.

– Жрепката е прв чекор за многу репрезентации, кои сакаат да учествуваат на Европското првенство во 2024 во Германија. Се радуваме на возбудлива жрепка и на секоја од репрезентациите и посакуваме фер и неизвесно натпреварување, кое ќе одлучи кој е најдобриот во Европа, порача попладнево извршниот директор на ЕУРО2024, Филип Лам.

Турција се надева дека ќе ја добие организацијата на ЕУРО 2024

Предраг Кукиќ — Wed, 19 Sep 2018 10:46:52 +0000

Претседателот на Турскиот фудбалски сојуз Јилдирим Демирорен изрази надеж дека УЕФА ќе и ја додели организацијата на Европското првенство во 2024 година. Главен противкандидат за добивање на ЕУРО 2024 на Турците им е Германија. - Во Турција се изградени многу модерни стадиони, за разлика од стадионите во Германија кои се стари и „истрошени“. Со право се надеваме дека ќе ја добиеме организацијата, вели првиот човек на турскиот фудбал. Досега Турција не била домаќин на ЕП, а во случај да го добие би се играло на 10 стадиони во девет градови. УЕФА одлуката ќе ја донесе за состанокот во Нион закажан за 27 септември. (МИА)

Турција поднесе кандидатура за ЕУРО 2024

Даниел Василев — Fri, 27 Apr 2018 20:11:21 +0000

Фудбалскиот сојуз на Турција поднесе денеска до Европската фудбалска унија (УЕФА) кандидатура за организација на Европското првенство во 2024 година. Претседателот на фудбалскиот сојуз, Јилдирим Демирорен рече дека оваа понуда е најдобрата понуда од Турција некогаш. Турција заедно со Грција го сакаше ЕУРО 2008, а потоа и самостојно во 2012 и 2016 година, но таа земја никогаш не била домаќин на некое големо фудбалско натпреварување. Единствен противкандидат на Турција е Германија. Западна Германија беше домаќин на Европското првенство во 1988 година, а потоа како соединета го организираше Мундијалот во 2006 година. Извршниот одбор на УЕФА домаќинот ќе го избира на 27 септември.