Сејдини : Фудбалерите демонстрираат желба за победа

Катерина Бојаџиева — Thu, 17 Jun 2021 19:13:55 +0000

Претседателот на Фудбалската федерација на Македонија, Муамед Сејдини ги пофали македонските репрезентативци за залагањето и покажаната желба за позитивен резултат на натпреварите на ЕВРО 2020. И покрај денешниот пораз од Украина (1:2) Сејдини е задоволен од изданието на „црвено-жолтите“ посебно во второто полувреме. – Од самиот почеток на Европското првенство кажав дека мотивот и желбата за победа кај играчите постои. Првото полувреме не бевме на посакуваното ниво, но се покажа карактерот кај нашите фудбалери кои демонстрираат желба за победа и тоа дека сакаат да ги израдуваат нашите верни навивачи кои денеска беа многубројни на трибините во Букурешт. Им честитам на стручниот штаб и на фудбалерите за прикажаната игра.Против Холандија шансите се 50-50. Ние на секој натпревар одиме на победа, изјави Сејдини. Македонските фудбалери во последното, трето коло од групната фаза, в понеделник во Амстердам ќе играат со Холандија во обид да ги освојат првите бодови на евро-шампионатот.

Пандев во име на репрезентацијата му посака брзо заздравување на Ериксен

Бошко Тасиќ — Tue, 15 Jun 2021 18:17:40 +0000

Данскиот фудбалски репрезентативец Кристијан Ериксен им се заблагодари на сите за големата поддршка и потврди дека се чувствува добро по несреќата и колабирањето на натпреварот против Финска на ЕП. Данската куќа на фудбалот преку моќно видео испрати нова поддршка до својот најдобар фудбалер. На истото, желба за побрзо заздравување посакува првиот човек на УЕФА, Александар Чеферин, како и по еден член до секоја селекција која што настапува на Европското првенство. „Чао Кристијан, поздрав од мое име и од името на моите колеги. Ти посакуваме што побрзо заздравување и те чекаме уште посилен на теренот. Сите сме со тебе“, рече македонскиот капитен Пандев.

еуро топ 2020 – Kurir.mk

Сејдини : Фудбалерите демонстрираат желба за победа

Пандев во име на репрезентацијата му посака брзо заздравување на Ериксен