еуро – Kurir.mk

УЕФА се откажа од идејата за ЕП со 32 репрезентации

Бошко Тасиќ — Fri, 23 Sep 2022 12:05:01 +0000

Европската куќа на фудбалот ќе се откаже од идејата за тоа од ЕП 2028 да гледаме 32 наместо досегашните 24 репрезентации, а со тоа би се промениле и квалифкациите. Намерата на УЕФА да се зголеми бројот на селекции на континенталниот шампионат останува, а треба да се види колкав ќе биде бројот. „УЕФА имаше состанок со броадкастерите и практично ако 32 селекции одат на ЕП, тогаш секоја група би била однапред позната во квалификациите и нема да има интересен натпревар“, стои во дел од текстот на британските медиуми. Конечната одлука за тоа колку селекции ќе гледаме на ЕП 2028, кое што ќе се одржи во Англија, ќе биде донесена во ноември.

Шок за Италијанците – уште во првите две минути од финалето Англија е во водство (ВИДЕО)

Магдалена Андонова — Sun, 11 Jul 2021 19:34:36 +0000

Уште во 2. минута од финалето на ЕП 2020 меѓу Англија и Италија, Лук Шо одлично ја зафати топката и погоди за водство на Англија од 1:0. Натпреварот на Вембли започна онака како што само можеа да посакаат сита љубители на фудбалот. Гордиот Албион дојде до предност благодарение на бековите откако Трипиер асистираше од десно, а Шо маестрално погоди.

GOAL! Great cross by Kieran Trippier and Luke Shaw gets a goal within 2 minutes for England against Italy! #ENG | #EURO2020 pic.twitter.com/pz6YT0Gr6q
— fangazzetta (@fangazzetta) July 11, 2021

Најмалку 11.000 навивачи на трибините на ЕП на средбите во Данска

Бошко Тасиќ — Thu, 25 Mar 2021 21:23:36 +0000

Данска е подготвена да ги отвори вратите на стадионот во Копенхаген за навивачи за време на Европското првенство. Владата на оваа земја денеска потврди дека на четирите натпревари од ЕП кои ќе се играат во Копенхаген ќе може да присуствуваат најмалку 11.000 навивачи на трибините. – Европското првенство е историски настан за Данска. Владата одлучи да дозволи најмалку 11-12.000 гледачи за четирите натпревари на стадионот „Паркен“ – изјави данскиот министер за култура, Џој Могенсен.

Во зависност од актуелната здравствена состојба, бројката на гледачи на стадионот „Паркен“ може да биде зголемена, но и намалена доколку се зголемува бројот на заболени од коронавирусот.

– Исто така ја известивме Данската фудбалска федерација (ДБУ) но и УЕФА дека ќе биде потревно да се забрани присуство на гледачи во случај на ширење на вирусот – додаде министерот Могенсен.

УЕФА на својот официјален сајт ја претстави Македонија во пресрет на ЕП

Бошко Тасиќ — Fri, 12 Feb 2021 17:54:33 +0000

Македонската фудбалска репрезентација за првпат во својата историја ќе биде дел од еден голем фудбалски настап како што е ЕП во фудбал. Поради нашето учество на континенталниот собир, Европската куќа на фудбалот (УЕФА) ја претстави Македонија на својот официјален интернет сајт, со објава во која посочува неколку клучни фактори за големиот успех на националната селекција . Така, за клучен играч на селекцијата е избран Горан Пандев, кој го постигна и одлучувачкиот гол во финалето на Лигата на нации, а место во текстот на УЕФА добија и Енис Барди, Митко Стојковски, Aртим Шаќири, Зоран Бошковски, легендарниот голман Благоје Видиниќ и се разбира селекторот Игор Ангеловски. Објавата на УЕФА за нашиот деби настап на ЕУРО 2020 може да ја погледнете на ОВОЈ линк. https://www.uefa.com/uefaeuro-2020/news/0266-118ebd462dfa-5b5fad025aee-1000--euro-contenders-north-macedonia/