еуро2020 – Kurir.mk

Британија: На ЕУРО2020 приведени 96 навивачи

Магдалена Андонова — Fri, 15 Oct 2021 09:28:26 +0000

Британското Министерство за внатрешни работи ја објави годишната статистика на апсења поврзани со фудбалски натпревари во која се наведува дека полицијата за време на натпреварите одиграни ова лето на стадионот „Вембли“ во рамки на ЕУРО2020 привела 96 луѓе. Од оваа бројка, 85 лица биле приведени на натпреварите на англиската репрезентација, а други шест на полуфиналниот натпревар меѓу Италија и Шпанија. Британските медиуми како интересен го посочуваат податокот дека само 39 лица биле лишени од слобода за време на финалето меѓу Англија и Италија, иако околу 5.000 хулигани без влезници влегоа на стадионот, пробивајќи ги безбедносните кордони, и предизвикаа немили сцени. Во инцидентите што притоа се случија беа повредени 19 полицајци. (МИА)

ФФМ казнета со 10.000 евра поради кршење на ковид правилата за време на ЕУРО 2020

Тале Кристо — Thu, 15 Jul 2021 20:51:30 +0000

Фудбалската федерација на Македонија (ФФМ), ќе треба да плати казна од 10.000 евра поради прекршување на ковид протоколите за време на Европското првенство. Како причина се наведува, лошо однесување, и потенцијално кршење на кодексот. Постапката е против националниот тим, а не против конкретен фудбалет па затоа Фудбалската федерација ќе мора да плати во рок од 90. дена почнувајќи од 10 јули. Исто така треба да се напомене дека за време на ЕУРО 2020 , тогашниот селектор Игор Ангеловски и репрезентативците ги напуштија хотелите, во Букурешт и Амстердам , што беше спротивно на Ковид-19 протоколите. Тогашниот селектор Игор Ангеловски заедно со капитенот Горан Пандев заедно беа на вечера, во елитен ресторан во Букурешт, и ги прекршија правилата , а неофицијално дознаваме и дека при редовното тестирање на Македонските фудбалери , еден од репрезентативците дрско се однесувал кон официјалните лица за Ковид-19 тестирање.

ВИДЕО: Ова е најубавиот гол на Европското првенство, постигнат од половина терен

Тале Кристо — Thu, 15 Jul 2021 13:13:24 +0000

УЕФА го одбра најубавиот гол на ЕУРО, немаа дилеми во европската куќа на фудбалот, Патрик Шик од Чешка погоди од половина терен на натпреварот против Шкотска. Шик во првото коло од Групата Д постигна гол кој долго ќе се прераскажува, тој шампионатот го заврши со пет погодоци, овој е најубав на првенството.

ФОТО: Ова се најдобрите единаесетмина на Европското првенство според УЕФА

Тале Кристо — Mon, 12 Jul 2021 19:34:52 +0000

По завршувањето на ЕП, УЕФА ги избра најдобрите еединаесетмина на турнирот, па така финалистите Англија и Италија имаат по тројца претставници во тимот, Данска има двајца, по еден Португалија, Швајцарија и Франција. На голот е Донарума, во центарот на дефанзивата се Мегвајар и Кјелини, бекови се Шо и Меле. Во средниот ред се Џака и Погба, пред нив е Кјеза. Како странични напаѓачи се Долберг и Стерлинг, а најистурен е Роналдо кој беше и најдобар стрелец на ЕП.

Ова не можевте да го видите на ТВ екраните: Прекинот на финалето беше поради навивач кој влетал на теренот (ВИДЕО)

Тале Кристо — Mon, 12 Jul 2021 16:55:00 +0000

Вчерашното финале меѓу Англија и Италија, во вториот дел беше во прекин неколку минути, според правилата на УЕФА телевизијата која го правеше преносот не го покажа навивачот кој влета на теренот. Вистинско шоу на теренот на Вембли, навивач влета на теренот, судијата го прекина мечот, ова неможевте да го видите во дирекниот пренос.

УЕФА остро ги осуди расните навреди против играчите на Англија по финалето на ЕВРО 2020

Тале Кристо — Mon, 12 Jul 2021 13:16:26 +0000

Европската фудбалска асоцијација ги осуди расистичките навреди кон играчите на Англија по поразот од Италија (1:1, 2:3 на пенали) во финалето на Евро 2020. – УЕФА остро ја осудува грозоморната расистичка злоупотреба на неколку играчи на Англија на социјалните мрежи по финалето на Евро, кои немаат место во фудбалот или општеството. Ние ги поддржуваме играчите и ја повикуваме Англиската фудбалска асоцијација да изрече најстроги казни, објави УЕФА на Твитер. На 12 јули, Фудбалската асоцијација на Англија (ФА) ја пријави злоупотребата. Подоцна стана познато дека овој инцидент го истражува лондонската полиција. Финалето се одигра во Лондон на стадионот „Вембли“. Изведувачите на пенали за Англија со темна боја на кожата, Бакајо Сака, Маркус Рашфорд и Џејдон Санчо, кои ги промашија пеналите, беа изложени на големи расистички навреди на социјалните мрежи.

Бонучи и донесе израмнување на Италија во финалето на ЕУРО2020

Магдалена Андонова — Sun, 11 Jul 2021 20:39:09 +0000

Во 67та минута, Леонардо Бонучи и донесе израмнување на Италија во финалето на ЕУРО2020 против Англија. Дефанзивецот на Италија погоди во мешаницата по нафрлена топка и карамбол, и го најде патот до мрежата. Сега е 1:1 ќе гледаме интересна завршница.

Принцот Вилијам им посака среќа на Англичаните за вечерното финале на ЕУРО2020

Магдалена Андонова — Sun, 11 Jul 2021 16:55:36 +0000

Принцот Вилијам и посака многу среќа на англиската фудбалска репрезентација пред вечерашното финале на Европското првенство против Италија на „Вембли“, порачувајќи им на фудбалерите дека ја имаат поддршката од целата нација. – Ви посакувам многу среќа. Го донесовте најдоброто од Англија и сите сме со вас, целата земја е со вас, па донесете го трофејот дома, порача принцот Вилијам, кој воедно е и претседател на Англиската фудбалска федерација (ФА). Тој своето обраќање до англиските фудбалери го објави во видео порака на Твитер. Англија вечерва го игра своето прво финале во историјата на Европските првенства, а досега најголемиот успех го постигна во 1968 година кога заврши како третопласирана, додека во 1996 беше елиминирана во полуфиналето. За Италија ова ќе биде четврто финале, по европската титула во 1968, и двата порази во финалните натпревари во 2000 и 2012 година.

На „Олимпико“ сепак нема да се гледа финалето на ЕУРО2020

Магдалена Андонова — Sun, 11 Jul 2021 12:37:56 +0000

Градската управа на Рим не го прифати предлогот на градоначалничката Вирџинија Раџи за организирано следење на вечерашното финале на ЕУРО2020 на Олимпискит стадион во италијанската престолнина. Градоначалничката на Рим предложи ограничен број од 16.000 навивачи да можат од трибините на стадионот „Олимпико“ да го гледаат финалниот натпревар на Италија против Англија на „Вембли“, но не доби поддршка поради загриженоста од можно ширење на заразата со Ковид-19. Италијанските навивачи, сепак, ќе можат да го следат финалето против Англија во фан-зони во близина на Колосеумот и Пјаца дел Пополо, каде организирано се следеа сите натпревари на Италија на ЕУРО2020. (МИА)

И ОВА ГО ИМА: Поради финалето на ЕУРО2020 во Англија на децата ќе им се дозволи во понеделник да доцнат на училиште!

Магдалена Андонова — Fri, 09 Jul 2021 20:11:08 +0000

Англискиот тим ќе се бори во своето прво големо финале по освојувањето на Светскиот куп во 1966 година, што е единствено искуство во животот, не само за училишните деца, туку и за многу од нивните родители. Сепак, започнувањето во 20 часот по локално време значи дилема за родителите: обид да ги одведете своите возбудени деца во кревет пред натпреварот или да ги оставите да гледаат и да ризикуваат во понеделник да бидат уморни? Директорите на две училишта се обиделе малку полесно да го направат тој избор нудејќи им изборно започнување на наставата во 10:30 часот. „Повеќе би сакале децата да се одморени и подготвени на училиште отколку да отсуствуваат или да бидат заспани цел ден!, стои во писмото до родителите чии деца одат во основното училиште „Биркландс“ во Менсфилд, централна Англија. "Нека гледаат, зборуваат за тимската работа, мотивација, еластичност и можеби разочарување. Ова е можност да научат", се објаснува во писмото. Добрата вест за учениците можеби нема да заврши тука. После полуфиналната победа над Данска во средата, има петицијата со која се повикува на државен празник доколку Англија победи, а собрани се повеќе од 300.000 потписи. Запрашан за можноста за слободен ден за прослава, секретарот за транспорт Грант Шапс не ја отфрли идејата, но не сакал да се обврзе : „Не сакам да го зарекнам ова!“