Еурофам Пелистер – Kurir.mk

Еурофарм Пелистер декласиран од Алборг во ЛШ

Бошко Тасиќ — Thu, 21 Sep 2023 04:32:55 +0000

Македонскиот ракометен шампион Еурофарм Пелистер вечерва во Данска е поразен од Алборг со 38:23 (18:10). Битолчани добро го почнаа натпреварот, имаа водство од 4:2, а до 20 минута од средбата беа и рамноправен противник со тимот на познати ракометни ѕвезди предводени од Микел Хансен и одличниот чувар на голот на домашнио тим, Ландин. Нерешениот резултат 8:8 забрзано исчезна од семафорот кој на крајот од првото полувреме покажа 18:10, а во вториот дел на теренот имаше само еден тим, тимот на Алборг кој во 52 минута имаше и најголема предност од 16 голови. Конечниот резултат 38:23 е реален одраз на покажаното на теренот, на кој најефикасни беа ракометарот Влах кај домаќините и Петровиќ кај битолчани кои постигнаа по 7 голови. Во третото коло од европската ракометна Лига на шампионите, Еурофарм Пелистер во Битола го пречекува германскиот шампион Кил.

Еурофарм Пелистер означи старт на подготовките пред стартот на новата сезона

Бошко Тасиќ — Wed, 19 Jul 2023 21:32:11 +0000

Актуелниот македонски ракометен шампион, Еурофарм Пелистер означи старт на подготовките за сезоната 2023/2024. „Зелено-белите“ се собраа во спортската сала „Боро Чурлевски“ во Битола каде ја одработија првата тренинг сесија. Меѓутоа избраниците на Александар Јовиќ нема да се задржат во Битола затоа што утре наутро заминуваат за Маврово каде што ќе престојуваат до први август. На прозивката беа присутни новајлиите: Борзаш, Нилсен, Петровиќ, Ѓорѓовски и Цехте.

Повикани ракометари за подготовките во Маврово:

Урбан Лесјак

Марко Кизиќ

Петар Атанасијевиќ

Цветан Кузманоски

Руди Сери

Урош Борзаш

Дарко Стевановиќ

Емилијан Ѓорговски

Марио Танкоски

Каспер Кисум

Вилсон Дејвис

Павле Атанасијевиќ

Најц Цехте

Павле Петровиќ

Ненад Костески

Жарко Пешевски

Андреас Јохан Нилсен

Денис Васиљев

Дојдоа: Урош Борзаш (Елверум), Нејц Цехте (ГОГ Гудме), Андреас Јохан Нилсен (Морс), Павле Петровиќ, Емилијан Ѓорговски (Еурофарм Пелистер 2)

Заминаа: Себастијан Хенеберг (Фредериција), Мохамед Суси (Ал Салмија), Усама Хосни (Ал Араби), Гоце Ојлески, Милорад Кукоски (Охрид), Мартин Велковски (Алкалоид), Мирко Радовиќ (Ловќен)

Е. Пелистер ќе учествува на турнирот на шампионите во Добој

Бошко Тасиќ — Fri, 07 Jul 2023 05:05:38 +0000

Македонскиот ракометен шампион Еурофарм Пелистер пред стартот на новата сезона, ќе учествува на традиционалниот ТВ турнир на шампионите во Добој, Босна и Херцеговина. Турнирот ќе се одржи од 14-ти до 18-ти август, а битолчани ќе бидат една од осумте екипи кои ќе играат на 53-то издание на турнирот. Битолчани се наоѓаат во групата А заедно со домаќинот Слога, Монпелје и египетскиот Ал-Ахли. Групата Б ја сочинуваат Барселона, Загреб, Целје Пивоварна Лашко и Војводина. Првиот меч, битолчани ќе го играаст против Ал-Ахли. Последен пат Е. Пелистер на турнирот во Добој играше пред три години, кога во финалето загуби од францускиот Шартр и тоа во пенал-рулетот.

Јовиќ: Одлична победа и добар старт на моето поглавје

Бошко Тасиќ — Wed, 15 Mar 2023 06:00:56 +0000

Александар Јовиќ со триумф над Нексе ја почна својата „мисија“ на клупата на Еурофарм Пелистер. Неговиот тим во Битола славеше со четири разлика, со што го обезбеди второто место на табелата. Јовиќ по мечот истакна дека е задоволен од одличната победа и задоволство од добриот старт во неговото ново поглавје. „Одлична победа и добар старт на моето ново поглавје во кариерата. Одигравме добар натпревар против тим предводен од еден од најдобрите тренери во лигата Тамше. Во првиот дел не одигравме претерано добра одбрана, но со одлична енергија и емоција направивме разлика. Нашите голмани одбранија многу топки од кои четири пенали, а тоа ни даде одлична поддршка да победиме и да го обезбедиме второто место“, кажа Јовиќ.