еурофарм работник – Kurir.mk

Еурофарм Пелистер го претстави египетскиот голман Карим Хендави

Бошко Тасиќ — Mon, 08 Feb 2021 20:24:30 +0000

Ракометниот клуб Еурофарм Работник од Битола и официјално го претстави новото засилување на голманската позиција, Карим Хендави кој доаѓа од Египет.

Тој веќе неколку дена е во Битола и тренираше со група на повредени ракометари ипод водство на Божидар Мојсов. А од вчера е со првиот тим кој се врати од Загреб по настапот во СЕХА лигата. Хендави ќе го носи дресот со број 88.

„Многу ми е драго што потпишав за Еурофарм Пелистер. Ова е значаен чекор за мене. Доаѓам во клуб со многу добри играчи, добар тренер, многу добар тим. Екипата е на одлично ниво и се надевам дека ќе помогнам“, вели Хендави.

„Ги познавам сите ракометари на Еурофарм Пелистер и знам дека македонската репрезентација е многу добра. Играв против Македонија уште во 2013 година во два пријателски натпревари. Ја знам историјата на репрезентацијата, имате добри пласмани на Европските шампионати. Ракометот во Македонија е популарен, многу луѓе сакаат ракомет и се надевам дека ќе уживам тука“.

„Ќе биде тешко и интересно против Татабања. Ни требаат добри два натпревари да напредуваме на табелата и ќе се бориме за тоа да го оствариме“.

Еурофарм Работник подготвен за дуелот со ППД Загреб

Ивона Петрова — Mon, 02 Dec 2019 12:51:02 +0000

Ракометарите на Еурофарм Работник се подготвени за натпреварот со тимот на ППД Загреб кој утре ќе се одигра во спортската сала „Боро Чурлевски“ во Битола. Битолските „фармацевти“ со респект ќе го пречекаат хрватскиот шампион кој иако е фаворит на средбата, сепак со поддршка на публиката може да се победи, порачаа на прес конференција во Битола тренерот Божидар Мојсов и голманот Градимир Чаневски. – Ќе се сретнеме со млада и мотивирана екипа. Очекувам тежок и неизвесен натпревар, но верувам дека нашите ракометари се подготвени за уште еден одличен настап и победа над ППД Загреб и Веселин Вујовиќ, изјави тренерот Мојсов. Според Градимир Чаневски, чувар на мрежата на Еурофарм Работник, битолчани годинешните меѓународни настапи во Битола ќе ги завршат со победа за радост на спортската публика.

Победничкиот гол на Радовиќ е најдобар на колото во Лигата на шампионите (ВИДЕО)

Ристе Здравков — Mon, 18 Nov 2019 08:16:40 +0000

Еурофарм Работник со гол на Радовиќ во последните секунди го победи Савехоф со 32:31. Токму голот на Мирко Радовиќ е прогласен за најдобар во ова коло од Лигата на шампионите. Топ пет листата со најдобри погодоци можете да ја погледнете на овој ЛИНК.

Битолчани со прва победа во Лигата на шампиони

Тале Кристо — Sun, 13 Oct 2019 17:32:55 +0000

Ракометарите на Еурофарм Работник ги освоија првите бодови во Лигата на шампионите. Вечерва во Битола совладан е финскиот шампион Кокс со 31:30 (17:13) во драматичен натпревар со што како што рече ракометарот Филип Чурлевски, „скршен е мразот“ во Лига на шампионите. – Одигравме жесток и драматичен натпревар, го скршивме мразот и победивме. По трите порази конечно добивме нов импулс, поттик за уште подобри натпревари во Лигата на шампионите, изјави Чурлевски. Еурофарм Работник натпреварот го почна ефикасно и со постојано водство од 5-6 голови разлика, но во вториот дел заморот си го стори своето и им овозможи на гостите во 40-та минута прв пат да израмнат на 20:20, а потоа и да поведат за драма во финишот која ја реши репрезентативниот голман Никола Митревски овозможувајќи прва радост на домашниот тим и публика. Кај битолските „фармацевти“ најефикасен беше Остроушко со осум постигнати голови, додека кај гостите се истакна Таминен со шест погодоци.

Кузмановски потпиша со „Еурофарм Работник“

Предраг Кукиќ — Fri, 07 Sep 2018 12:10:19 +0000

Македонскиот ракометен репрезентативец, Филип Кузмановски денеска потпиша со „Еурофарм Работник“.

Тој ја прекина соработката со Металург и стави потпис на договор со битолскиот клуб, кој важи до крајот на сезоната.

За средниот бек беа заинтересирани уште неколку странски екипи, меѓу кои и ППД Загреб и Татран Прешов, но тој одлучи да остане во Македонија барем до крајот на сезоната.

Од следната, Кузмановски ќе се пресели во Бундеслигата, каде што има договор со тимот на Магдебург. (МИА)

Еурофарм Работник избори финале на турнир во БиХ

Матеја Петровски — Sun, 02 Sep 2018 07:23:22 +0000

Ракометарите на Еурофарм Работник ќе играат во финалето на Меморијалниот турнир „Заим Кобилиќ“ во Зеница, Босна и Херцеговина. Во првиот полуфинален натпревар, избраниците на Ѓорѓе Чирковиќ беа подобри од босанскиот прволигаш Вогошча Хилс со 30:24. Противник на битолчани во борбата за трофејот ќе биде хрватскиот клуб Млади Рудар кој во второто полуфинале беше поуспешен од домаќинот Челик Зеница со 28:26. Финалниот меч е закажан за 18 часот. (Миа)

Еурофарм Работник ќе одигра три меѓународни натпревари

Ристе Здравков — Tue, 28 Aug 2018 10:27:25 +0000

Ракометарите на Еурофарм Работник оваа недела ќе ја минат во Србија и Босна и Херцеговина каде што ќе одиграат три натпревари од подготвителниот период. Избраниците на тренерот Ѓорѓе Чирковиќ ја завршија првата фаза на подготовки во Битола, потоа една недела беа во Маврово и одиграа четири натпревари на турнирот во Струга. По враќањето во Битола, ракометарите на Еурофарм Работник тренираат секојдневно, а в среда ќе отпатуваат во Белград, каде в четврток ќе се соочат со српскиот суперлигаш Партизан. - Ден подоцна експедицијата ќе замине за БиХ, каде ќе биде дел од Меморијалниот турнир „Заим Кобилиќ“. Како дел од истиот ќе настапат и екипите на Вогошча Хилс, Искра Бугојно и домаќинот Челик Зеница. Еурофарм ќе одигра еден полуфинален натпревар в сабота и во зависност од исходот и финале или натпревар за трето место в недела, информира прволигашот од Битола преку клупскиот сајт.