еурофарм – Kurir.mk

Одложен натпреварот Еурофарм – Татабања во Лига Европа

Тале Кристо — Wed, 14 Oct 2020 19:09:27 +0000

Македонскиот претставник во Лига Европа, Еурофарм Пелистер ќе дебитира против данскиот ГОГ Гудме на гостински терен, а не како што беше предвидено во Битола против Татабања, соопштија од клубот. Имено, Европската ракометна федерација го одложи натпреварот од првото коло на групата Ц на Лига Европа помеѓу Еурофарм Пелистер од Македонија и Татабања од Унгарија. Причината е големиот број на заразени членови на ракометната екипа и стручниот штаб на Татабања на коронавирус. Натпреварот беше планирано да се одигра на 20 октомври во 18:45 часот во Битола, а ЕХФ дополнително ќе ги извести двата клуба за новиот термин за одржување на натпреварот. Натпреварот ГОГ Гудме – Еурофарм Пелистер предвидено е да се игра на 27 октомври во 18:45 часот.

Вардар 1961 и Еурофарм ги добија противниците во СЕХА лигата

Магдалена Андонова — Sat, 26 Sep 2020 12:54:30 +0000

Ракометните екипи на Вардар 1961 и Еурофарм ги добија противниците во регионалната СЕХА лигата. Новата сезона почнува на 10 октомври. СЕХА лигата годинава ќе има 10 клуба, по откажувањето на ЦСКА Москва и Пекинг Универзитет. Група A Вардар 1961 (Македонија) Нексе (Хрватска) Мотор Запорожје (Украина) Татран Прешов (Словачка) Војводина (Србија) Група Б Еурофарм (Македонија) Веспрем (Унгарија) Загреб (Хрватска) Мешков (Белорусија) Металопластика (Србија) (МИА)

ФОТО: „Зелените“ ги наместија нишаните на тим-билдинг во Маврово

Ристе Здравков — Thu, 30 Jul 2020 13:49:34 +0000

Еурофарм Пелистер ги одрабоува главните подготовки за сезоната во Маврово, а ракометарите и стручниот штаб го користат слободното време за билдање на атмосферата во екипата. „Зелените“ ги наместија нишаните и се забавуваа со „пеинтбол“ во Маврово. Направија и фотографии кои ги објавија на социјалните мрежи. Се гледа дека во екипата на Бабиќ полека атмосферата расте и дека сите со нетрпение ја чекаат новата сезона. Еурофарм Пелистер покрај во плејофот од домашното првенство во новата сезона ќе биде дел од Европската лига на ЕХФ и ракометната СЕХА-лига. извор: gol.mk

Вардар ја почна 2020-та со победа против Еурофарм

Тале Кристо — Thu, 23 Jan 2020 21:27:40 +0000

Без неколку од своите звучни имиња, Вардар ја почна новата 2020 година со победа, откако одигра тренинг натпревар против Еурофарм Работник. „Црвено-црните” со неколку млади играчи во составот успеаја да победат со 32-28 против битолскиот тим и покажаа дека сериозно се подготвуваат за одбраната на трите титули и враќањето на Куп титулата. Во тимот не беа голманите Кизиќ, Гедбан и Кугис, ниту пак Стоилов и Атман. Иако тренира во екипата Толедо се уште го нема облечено дресот на скопскиот тим, а Дисингер се уште е на рехабилитација по операцијата на коленото. Вардар на 5 февруари го игра првиот дуел од ЛШ, кога ќе игра против германски Кил.

Еурофарм ја бара „Боро Чурлевски“ под концесија, ЛШ ќе се игра во Битола

Предраг Кукиќ — Fri, 21 Jun 2019 14:40:03 +0000

Во градот во кој беше одигран првиот натпревар од Лигата на шампионите, Битола, пак се враќаат натпреварите од Лигата на шампионите. Еурофарм Работник доби покана за настап во Ц и Д сегментот на Лигата на шампионите, а клубот ќе ја пријави спортската сала „Боро Чурлевски“ во Битола за свој домашен терен. Имено, битолскиот клуб има намера да ја побара салата под концесија од Општина Битола и да ги перфекционира недостатоците. Иако изградена во 70-тите салата „Боро Чурлевски“ ги исполнува барањата на ЕХФ, па во ноември минатата година македонската репрезентација одигра официјален натпревар по една ипол деценија во Битола. Пролетва во рамките на групната фаза на ЕХФ Купот, Еурофарм Работник беше домаќин на Хановер, Татабања и Нексе Нашице во Битола, а од ЕХФ доби највисоки оценки за организацијата. Наскоро, инспекција на СЕХА и ЕХФ ќе пристигне во Битола и според неофицијалните информации ќе даде „зелено светло“ за натпревари од Лигата на шампионите во Битола. Следната недела Еурофарм Работник ќе ги дознае противниците за групната фаза на Лигата на шампионите, а веднаш потоа ќе биде откриен и календарот за СЕХА лигата. ИЗВОР: ГОЛ.МК

Остроушко потпиша за Еурофарм

Дарко Андоновски — Fri, 25 Jan 2019 15:29:27 +0000

Ракометниот клуб Еурофарм Работник постигна договор со 23-годишниот украински интернационалец Владислав Остроушко, соопштија од битолскиот тим. Тој веќе е на располагање на тренерот Чирковиќ за подготовките за пролетниот дел. Остроушко игра на левата бековска позиција и во Битола доаѓа од Селкаспор. Покрај за турскиот тим, украинскиот репрезентативец настапувал и за Динамо Минск, Мотор Запорожје, Баја Маре, Мешков Брест и Кадети Шафхаузен Остроушко е второ засилување за есенскиот првак во македонската Суперлига оваа зима, по црногорскиот интернационалец Мирко Радовиќ.