Еузебио ди Франческо – Kurir.mk

Кањари денес објави дека ја прекина соработката со тренерот Ди Франческо

Магдалена Андонова — Mon, 22 Feb 2021 14:32:11 +0000

Калчолигашот Каљари денес на својата веб-страница објави за прекинот на соработката со главниот тренер Еузебио Ди Франческо. Клубот исто така ги отпушти помошникот менаџер Франческо Калзон и фитнес тренерот Никандро Викоко. По 23 кола, Каљари се наоѓа во зоната за испаѓање во Серија А, заземајќи го 18. место со 15 бодови. Претходно, новинарот на „Скај Спорт Италија“, Џанлука Ди Марцио, изјави дека Леонардо Семпличи може да стане нов предводник на Каљари. (МИА)

Еузебио Ди Франческо нов тренер на Каљари

Магдалена Андонова — Mon, 03 Aug 2020 10:14:53 +0000

Еузебио Ди Франческо е назначен за нов тренер на Каљари, објавено е на официјалната веб-страница на „црвено-сините“. Педесетгодишниот фудбалски стручњак потпиша договор на две сезони – до летото 2022 година. Претходниот клуб на Ди Франческо беше Сампдорија. Според пишувањата во италијанските медиуми, тренерот ќе заработува 1,8 милиони евра по сезона. Во сезоната 2019/20, Каљари го освои 13. место во Серија А со 45 бода. (MИА)

Удар за Рома: По Ди Франческо, Мончи ја напушта Рома

Ивана Ефремовски — Fri, 08 Mar 2019 08:32:12 +0000

Спортскиот директор на Рома, Мончи е на пат да го следи тренерот Еузебио Ди Франческо и исто да си замине од клубот. Вчера шефовите на „волците“ одлучија да го отпуштат тренерот по елиминацијата на тимот во осминаафиналето во Лигата на Шампионите од Порто (1:3). Сега Мончи сериозно размислува дали да си замине од „Олимпико“, а интерес кон него има од страна на Арсенал. Мончи се чувствува игнориран од бордот на директори и од сопственикот Џејмс Палота кои зедоа одлука за разрешување на Ди Франческо без негова согласност. Освен тоа Шпанецот влезе во конфликт со навивачите на Рома на аеродромот во Рим при враќање на тимот од Португалија вчера, пишуваат италијанските медиуми. Веќе постојат први знаци дека Мончи е со една нога надвор од Рома. Шефот одби да зборува пред медиумите пред и по натпреварот со Порто во Лигата на шампионите, а ја остави оваа задача на Франческо Тоти, а во принцип ретко прави нешто слично. (МИА)

Ромa го отпушти Ди Франческо

Дарко Андоновски — Thu, 07 Mar 2019 19:30:16 +0000

Италијанскиот клуб Рома официјално објави дека се разделува со тренерот и поранешен играч на тимот, Еузебио ди Франческо. Веста за смената на експертот доаѓа ден по елиминацијата на „волците“ од Лигата на шампионите. Рома загуби со 1:3 по продолженија на гостувањето кај Порто во реваншот од осминафиналето и го напушти турнирот, иако победи со 2:1 во Рим. Одлуката за ослободување на Ди Франческо од функцијата е донесена за време на вонредната средба меѓу директорите Мончи, Мауро Балдисони и Гвидо Фиенга, тврди „Скај Спорт Италија“. Во 87 официјални средби под водство на Ди Франческо, Рома забележа 46 победи, 18 реми и 23 порази. Ди Франческо ги презеде „волците“ во текот на летото на 2017 година и во текот на минатата сезона го изведе тимот до полуфиналето на Лигата на шампионите. Оваа сезона сепак не почна добро за римскиот тим, кои се надвор од топ 4 во Серија „А“ до денес, загубија со 1:7 од Фиорентина во четвртфиналето во Купот на Италија, а минатата сабота претрпеа болен пораз со 0:3 од Лацио во градското дерби. Се очекува за привремен тренер на Рома да биде назначен 67-годишниот Клаудио Раниери, кој неодамна беше ослободен од Фулам. Раниери веќе ги предводеше Римјаните – помеѓу септември 2009 и февруари 2011 година. Во 2016 година искусниот стратег го изведе Лестер Сити до сензационално освојување на титулата на Англија, но во февруари 2017 „лисиците“ го отпуштија поради слаби резултати.

Тренерот на Ромa се извини по поразот од 1:7 од Фиорентина

Дарко Андоновски — Thu, 31 Jan 2019 07:48:19 +0000

Тренерот на Рома, Еузебио ди Франческо се извини на навивачите за поразот со 1:7 од Фиорентина во четвртфиналето на Купот на Италија. Сепак, тој одби да зборува за евентуална оставка, бидејќи не размислувал никогаш по ова прашање. – Веројатно ова е најтешкиот ден за тимот. Коментарите се излишни. Никогаш порано не сум бил во таква ситуација. Сега треба само да се извинам на навивачите, кои патуваа до Фиренца, како и на сите останати во Рим. Можам да повторам „извинете“ сто пати. Сега тимот има потреба од поддршка, треба да останеме заедно и да се обединиме. Кога станува збор за таков хорор, мора да го преживееме заедно, изјави Италијанецот по мечот. Тој додаде дека нема потреба за дополнителна казна за играчите затоа што тие веќе ја добиле на теренот. – Ние ќе разговараме за ситуацијата со тимот, мора да ги решиме проблемите. Можам веднаш да кажам дека немам намера да поднесам оставка. Никогаш не сум размислувал за тоа, рече Франческо.

Италијанските медиуми веќе му најдоа замена на Ди Франческо

Предраг Кукиќ — Mon, 24 Sep 2018 12:25:13 +0000

Тренерот на Рома, Еузебио ди Франческо нема уште долго да се задржи на клупата на „Волчицата“, шпекулираат медиумите во Италија. Рома има неочекувано слаб старт во Серија А и по пет одиграни натпревари се наоѓа дури на 14.место со пет бодови. Ди Франческо може да биде сменет по две кола. Раководството на тимот не е задоволно од резултатите. Се претпоставува дека најверојатен кандидат кој ќе го замени 49-годишниот специјалист е поранешниот тренер на Фиорентина Пауло Соуза, кој моментно ја предводи кинеската екипа Тијанџин. Во шестото коло в среда Рома го пречекува Фросиноне. (МИА)

Шок за Рома на „Олимпико“, продолжува лошата серија на Ди Франческо

Дарко Андоновски — Sun, 16 Sep 2018 13:48:23 +0000

Рома не успеа да го совлада Киево во Рим во првиот меч попладнево во Серија „А“. Домаќините почнаа добро, но по паузата дозволија два и гола и од 2:0, натпреварот заврши 2:2. Резултатот го отвори Стефан Ел Шаарави во 10 минута. Во 30-тата минута, Брајан Кристанте удвои по добар пас на Џеко. Во 52-та минута, Валтер Бирса намали со одличен удар. За 83-тата минута, Мариуш Степински ги шокираше домаќините по одличен пробив за конечни 2:2. Така Еузебио ди Франческо продолжува со своите лоши резултати од почетокот на сезоната. „Волци“ имаат само една победа досега.

Итно на операција: Тренерот на Рома си ја скршил раката по прославата на израмнувачкиот гол (ВИДЕО)

Ивана Ефремовски — Tue, 28 Aug 2018 17:16:45 +0000

Тренерот на Рома, Еузебио ди Франческо, се повреди на натпреварот против Аталанта од второто коло во италијанското првенство, кој заврши со реми 3:3. Ди Франческо на стадионот „Олимпико“, при постигнувањето на израмнувачкиот гол на Костас Манолас во 82-та минута за 3:3, удирал со раката во пластичната заштита на клупата за резерви и скршил неколку коски на дланката. Како што објавија италијанските медиуми 47-годишниот тренер денеска бил опериран на една од клиниките во Рим. (МИА)

Di Francesco kicking and punching after Manolas equaliser #RomaAtalanta #AsRoma pic.twitter.com/gZhfmSheFr
— Scot Munroe (@scot_munroe) August 27, 2018

Гневниот Ди Франческо со коментар по вчерашниот меч

Матеја Петровски — Thu, 03 May 2018 06:40:55 +0000

Тренерот на Рома, Еузебио Ди Франческо на пресот по мечот не посвети многу внимание на ситуацијата од второто полувреме на дуелот со Ливерпул, кога судијата не досуди пенал и црвен картон за игра со рака на Александар Арнолд во шеснаесетникот по удар на Стефан Ел Шарави. Наместо тоа, тој изрази лутина кон своите играчи за многуте промашувања пред противничкиот гол. -Чувствувам гнев и жалење затоа што верував дека можеме да се пласираме во финалето. Изгубивме многу време, моравме да постигнеме повеќе голови, имавме можности за тоа. Меѓутоа, за Рома ова искуство е важно. Колку и да сум разочаран, не можам да не ги пофалам фудбалерите, бидејќи одиграа едно речиси идеално второ полувреме, изјави Ди Франческо. Италијанецот додаде дека „волците“ треба да се фокусираат на освојувањето на Лигата на шампионите во новата сезона. -Ние можеме да направиме повеќе, јас сум убеден. Се разбира, ако судијата досудеше пенал и црвен картон, може ќе беше корисно. Но, и ние направивме грешки и плативме за нив, смета Ди Франческо. (Миа)

Ди Франческо: Не можеме да го смениме системот поради Салах

Ивона Петрова — Wed, 02 May 2018 13:25:34 +0000

Тренерот на Рома Еузебио ди Франческо, пред реванш полуфиналниот натпревар од Лигата на шампионите против Ливерпул ги предупреди неговите фудбалери дека не смеат да му го посветат целото внимание на Мохамед Салах. Египетскиот фудбалер оваа сезона постигна 43 гола, а на првиот полуфинален натпревар два пати беше прецизен и му помогна на Ливерпул да дојде до победа од 5:2. - Не можам да го сменам целиот систем само поради еден играч, кој се истакна на првиот натпревар. Ниту пак е возможно сите играчи да внимаваат на Салах. Мораме повеќе да работиме на нашата игра и подобро да го читаме нашиот ривал, а не сите да се посветиме само на Салах, истакна Ди Франческо. Реванш полуфиналниот натпревар меѓу Рома и Ливерпул се игра вечерва во Рим.