Ева Богоевска ќе одржи солистички концерт во Американската катедрала во Париз

Матеја Петровски — Sun, 02 Sep 2018 07:15:56 +0000

Македонската виолинистка Ева Богоевска денеска ќе одржи солистички концерт во Американската катедрала во Париз, која е реномирана адреса специјализирана за настапи на класична музика. Таа ќе биде придружувана од македонската пијанистка Весна Ангелова-Христов, а на програмата ќе бидат застапени дела од Моцарт, Бетовен и Сен Санс. Солистичкиот концерт на Богоевска во Париз се реализира со поддршка на Министерството за култура, а за време на престојот во француската престолнина, македонските уметници ќе бидат примени од македонската амбасадорка во Франција, Јадранка Чаушевска Димов. Концертот на Богоевска во Париз следува по минатогодинешниот настап во Карнеги Хол во Њујорк каде настапи како првонаградена на Интернационален натпревар за класична музика и по концертот во театарот Марчело во Рим. Ева Богоевска е студент на Факултетот за музички уметности во класата на проф. Олег Кондратенко. Има освоено повеќе меѓународни награди како прво место на фестивалот Сан Ремо-Јуниор, Италија (2012), лауреат од прв степен на Меѓународниот фестивал за класична музика во Санкт Петербург, Русија (2014), Гранд при на Интернационалниот фестивал за класична уметност и култура во Ерусалим, Израел (2016) и прва награда на Интернационалниот натпревар за класична музика во Њујорк каде во нејзината категорија учествуваа над 200 натпреварувачи од светот. Има настапувано повеќе пати како солист со Македонската Филхармонија и со Националниот оркестар на Операта и Балетот во Хо Ши Мин, Виетнам. Како солист има настапувано и во Словачка, Малезија, Израел, Унгарија, Австрија, Чешка, Русија, Италија, Виетнам, САД и во Македонија.

Солистички концерт на Ева Богоевска во Париз

Матеја Петровски — Thu, 30 Aug 2018 08:51:45 +0000

По минатогодинешниот успешен настап на виолинистката Ева Богоевска во Карнеги Хол,Њујорк каде настапи како првонаградена на интернационален натпревар за класична музика и успешниот концерт во Театарот Марчело во Рим,Богоевска продолжува да концертитра и да не претставува во светот. Македонската виолинистка Ева Богоевска на 02 септември 2018 (недела) ќе одржи Солистички концерт во Париз. Концертот ќе се одржи во Американската катедрала во Париз, која е реномирана адреса специјализирана за настапи на класична музика. Пијано соработник на концертот ќе биде нашата реномирана пијанистка Весна Ангелова Христов, а на програмата ќе бидат застапени дела од Моцарт, Бетовен, Сен Санс. Солистичкиот концерт на Ева Богоевска во Париз ќе се реализира со поддршка на Министерството за култура на Република Македонија,а во рамките на престојот во Париз, нашите уметници ќе бидат примени и од амбасадорка на Република Македонија во Франција г-ѓа Јадранка Чаушевска Димов. Кратко инфо за Ева Богоевска Ева Богоевска е студент на ФМУ во класата на проф.Олег Кондратенко.Таа има освоено многу меѓународни победи како првата награда на фестивалот Сан Ремо-Јуниор,Италија (2012 год.),Лауреатот од прв степен на Меѓународен Фестивал за класична музика во Санкт Петербург,Русија(2014 год.),Гранд При на интернационален Фестивал за класична уметност и култура во Ерусалим,Израел(2016 год.),прва награда на Интернационалниот натпревар за класична музика во Њујорк,каде само во нејзината категорија учествуваа над 200 натпреварувачи од сите континенти во светот.Ева Богоевска има повеќе пати настапувано како солист со Македонската Филхармонија,како и со Националниот оркестар на Операта и Балетот во Хо Ши Мин,Виетнам.Како солист има остварено настапи во Словачка,Малезија,Израел,Унгарија,Австрија,Чешка,Русија,Италија,Виетнам,САД и кај нас.

ева богоевска – Kurir.mk

Ева Богоевска ќе одржи солистички концерт во Американската катедрала во Париз

Солистички концерт на Ева Богоевска во Париз