ева лонгорија – Kurir.mk

Почина глумецот Тајлер Кристофер Бејкер, поранешен сопруг на Ева Лонгорија

Ивана Ефремовски — Wed, 01 Nov 2023 10:39:49 +0000

Тајлер Кристофер Бејкер, можеби најпознат по улогите во ТВ-сериите „Општа болница“ и „Деновите на нашите животи“, почина на 50 години. Тој со години се борел со алкохолизам и депресија. Глумецот Морис Бенард ја потврди веста за смртта на својот близок пријател. „Со голема тага ја објавуваме смртта на Тајлер Кристофер. Тој почина по срцев удар во неговиот стан во Сан Диего. Тајлер беше навистина талентиран поединец кој ја осветлуваше секоја сцена каде што глумеше. Тој, инаку, се лекуваше од зависности и отворено говореше за своите борби со биполарноста, депресијата и алкохолизмот. Потиштени сме од загубата на нашиот драг пријател и се молиме за неговите деца и татко“, напиша Бенард. Кристофер беше во брак со ѕвездата на сапуницата „Очајни домаќинки“ - Ева Лонгорија од 2002 до 2004 година. После тоа, тој се ожени со новинарката Бриен Педиго (2008 - 2021) со која имаат две деца. Кристофер глумеше 20 години во американската сапуница „Општа болница“, во над 1.100 епизоди. Таа улога му донесе „Еми“ награда за главна машка улога, како и повеќе други номинации. (МИА)

Фустан со необичен крој во најбараната боја на сезоната: Ева Лонгорија повторно воодушеви со својот моден избор (ФОТО)

Ристе Здравков — Wed, 30 Aug 2023 07:34:43 +0000

Ѕвездата на „Очајни домаќинки“ заедно со сопругот посетила хуманитарна забава, а за таа вечер избрала посебно модно парче. Овој пат, Ева Лонгорија го привлече вниманието со креација на познатиот македонски дизајнер кој живее во Австралија, Тони Матичевски, а досега во негови креации прошетаа многу светски познати личности. Актерката не пропушта прилика убаво да се забавува, а нејзините фотографиите на кои позира го обиколија светот за рекордно време. – Чест ми е што бев дел од една ваква убава ноќ и и ја доделив на Лорен Санчез заслужената награда за хуманост за нејзината дарежливост и посветеност да им помогне на семејствата на границите“ – стоеше во описот на фотографите. Станува збор за жолт фустан кој внесе живост во изгледот на актерка и особено ја истакна фигурата на познатата актерка. Корсетираниот асиметричен модел, го истакна делот на рамената, а неговиот сирена крој, кој исто така завршува со асиметричен пад, ја следеше формата на телото и на многу елегантен начин го постигна ефектот на летен гламур. Косата собрана во пунџа и нежен накит, ја комплетираа оваа комбинација. Ева го носеше фустанот креиран од рацете на македонскиот дизајнер Тони Матичевски кој пак со големо задоволство и чест сподели и на неговиот Инстаграм профил.

(Фото) Ева Лонгорија го покажа и телото и трендот на летото: Згодна Барбика на плажа

Ристе Здравков — Thu, 20 Jul 2023 13:42:19 +0000

48-годишната актерка Ева Лонгорија, најпозната по улогата во ТВ серијата Очајни домаќинки, со семејството замина на одмор во Шпанија и веќе е „уловена“ од папараците, пишува Page Six. Таа се релаксирала на плажа во Марбела и изгледала неверојатно во едноделен розов костим за капење со патент однапред. Изгледа дека актерката не можеше да одолее на најновите трендови дури и кога е на плажа.

View this post on Instagram

A post shared by Marie Claire Russia (@marieclairerussia)

Изгледот го заокружи со сламена капа и минимална доза на златен накит, а тука се и трендовските очила за сонце. Заедно со Лонгорија се нејзиниот сопруг, 55-годишниот медиумски магнат Хозе Бастон и нивниот четиригодишен син Сантијаго Енрике. Иако, по породувањето актерката се бореше со вишокот килограми, денес изгледа во топ форма.

ВИДЕО: Упс, Ева Лонгорија ја тргна раката на Бајден од чудната прегратка

Ивона Петрова — Mon, 19 Jun 2023 16:03:37 +0000

Американскиот претседател Џо Бајден и актерката Ева Лонгорија неодамна се сретнаа во Белата куќа, а неговиот потег го привлече вниманието на нејзините обожаватели. Бајден одлучи да го прекрши протоколот и наместо да се ракува, ја прегрна Ева. При прегратката, камерите ја „уловија“ раката на Бајден која изгледа како ја допира градата на популарната актерка. Ваквиот потег предизвика лавина коментари на социјалните мрежи и објави во американските медиуми. Во Белата куќа беше прикажан филмот „Flamin Hot“ во режија на Лонгорија. Таа на Инстаграм изјави дека е исклучително горда на проекцијата одржана во Белата куќа и дека ова е потсетник на фактот дека се е можно.

Joe Biden living up to his predatory history yesterday by groping Eva Longoria at the White House. Share it for everyone to see in slow motion because the leftist media won’t touch it. If this was Trump, it would be all over and the White House be giving a speech. pic.twitter.com/yrdURiSYjz
— The Tank (@RickTheTank) June 16, 2023

Ева Лонгорија откри каква навистина е Викторија Бекам

Ристе Здравков — Tue, 06 Jun 2023 07:33:12 +0000

Ева Лонгорија е долгогодишна пријателка на познатата модна дизајнерка Викторија Бекам, а неодамна откри каква е Викторија приватно. За нивното пријателство таа зборуваше во интервју за магазинот The Times. „Посакувам луѓето да знаат колку Викторија е смешна, шармантна и паметна. Мислам дека таа е нормално интровертна, но не е со мене. Ние сме неразделни“, рече Лонгорија. Тие се запознале преку поранешниот сопруг на Ева, францускиот кошаркар Тони Паркер, кој бил добар пријател со сопругот на Викторија, Дејвид Бекам. Имено, паровите интензивно се дружеа додека Бекамови живееја во Лос Анџелес, а пријателството на познатите дами опстана и по разделбата на Ева од Паркер во 2013 година. „Таа е многу лојална. Нема момент кога не можам да ѝ се јавам ако ми треба нешто. Честопати заедно спиеме, најчесто во викендицата на Викторија. Можеме да разговараме цела ноќ", откри таа.

Ева Лонгорија „уловена“ во лежерно издание: Еве како изгледа 47-годишната актерка без шминка

Ристе Здравков — Mon, 20 Feb 2023 09:40:21 +0000

Американската актерка Ева Лонгорија е фотографирана додека пазарела и шетала во Беверли Хилс без шминка на лицето, а поради ваквиот природен изглед доби бројни комплименти. Имено, 47-годишната актерка е фотографирана во природен и прилично лежерен стил, а носела целосно бела облека. Ова издание вклучуваше џемпер, широки бели панталони и бели патики. Лонгорија била забележана како се шета низ трговски центар, а за природното издание доби голем број комплименти. Актерката моментално се подготвува за премиерата на „Flamin' Hot“, нејзиното претстојно режисерско деби.

Eva Longoria wears an all-white makeup-free outfit while strolling in Beverly Hillshttps://t.co/qUWFAxbwkj #EntertainmentNews pic.twitter.com/nXogaIJg2A
— NowMyNews (@NowMyNews) February 18, 2023

„Мислам дека имав толку многу работи да докажам и дека навистина го прифатив предизвикот во секој поглед“, вели таа за ангажманот во филмот. Лонгорија вели дека сака да послужи како инспирација за секој што сака да започне кариера како режисер. „Flamin' Hot“ официјално ќе биде објавен на 9 јуни на платформата Hulu по премиерата на 11 март на овогодишниот фестивал South by Southwest.

Правела една голема грешка во браковите: Ева Лонгорија признава што ја мачело, а еве зошто врската со третиот сопруг е посебна

Ивана Ефремовски — Thu, 11 Aug 2022 07:37:47 +0000

Актерката Ева Лонгорија реши да проговори за поранешните сопрузи и темата за љубомората која ја чувствува. Таа во новата епизода од нејзиниот подкаст „Connections“ откри дека нејзиното искуство сега е поинакво од претходно. Како што истакнала, била обземена од љубомора. -Мислам дека љубомората троши премногу енергија. Се сеќавам колку бев љубоморна, ми се превртуваше стомакот. Тоа е најлошото чувство, изјави актерката. Таа беше во брак со актерот Тајлер Кристофер од 2002 до 2004 година, а потоа и со кошаркарот Тони Паркер од 2007 до 2011 година. Недолго откако поднесе барање за развод од Паркер, Лонгорија откри дека нашла пораки од друга жена на неговиот телефон. Лонгорија објасни дека нејзиниот пристап кон љубовта и бракот се променил кога се омажила за нејзиниот сегашен сопруг Хозе Пепе Бастон во 2016 година. Двајцата го имаат четиригодишниот син Сантијаго Енрике. -Затоа мислам дека мојот втор брак е... не, чекај, трет ми е, се насмеа актерката, а потоа продолжи: -Мислам дека кога ќе најдеш љубов на 40 години, а тој тогаш имал 50, мислам дека повеќе сме на мислењето „Можеме ли само да уживаме во животот заедно? - вели таа. Инаку, Ева и Пепе се запознаа во 2013 година, но тогаш немало искри меѓу нив. Шест месеци подоцна, тоа се промени. -Не се сеќавам на нашата прва средба, но при втората веднаш се почувствуваа искри, рекла Лонгорија и признала дека следниот ден отишле на средба која траела четири часа.

View this post on Instagram

A post shared by Eva Longoria Baston (@evalongoria)

Оваа жена повторно доминира: Ева Лонгорија ги остави сите без здив појавувајќи се во гламурозен фустан на црвениот тепих (ФОТО)

Магдалена Андонова — Wed, 29 Jun 2022 14:16:08 +0000

Ева Лонгорија моментално престојува во „земјата на макијато“, како што ја нарекува својата сакана Италија, и ја продолжува турнејата по филмски фестивали. Овој пат 37-годишната актерка присуствува на „Таормина филм фест“ во Италија, а на црвениот тепих блеска во фустан од тул и свила. Лонгорија носи црн фустан од модната куќа „Алберта Ферети“, со извезен корсет од тул и детали околу деколтето на грбот. Елегантниот горен дел со отворен грб има прерамки кои допираат зад вратот, со акцент на прерамките и со бисери околу грбот. Фустанот завршува со сатенско здолниште до глуждовите. Заедно со црните сандали со тенки прерамки, ова е уште еден совршен избор на Ева, која на гламурозен начин го нагласува токму она што е најубаво кај неа. Како последен момент, Лонгорија комплетниот стајлинг го заокружи со фризура: несовршено свитканата коса беше собрана во пунџа, а ненаметлив изглед ѝ даде шминката со сјајни усни во природни, „голи“ нијанси, како и „зачадени очи“. со црн креон. Мислеше дека секое парче накит ќе биде излишно и беше апсолутно во право. Целото внимание беше на нејзиниот проѕирен чипкан горен дел од фустанот и на егзотичното со кое Ева зрачи во сите нејзини изданија. Ѕвездата од популарната серија „Очајни домаќинки“, како најмало дете во семејството Лонгорија, не ни сонувала дека ќе стане едно од најубавите и најбараните лица во светот на глумата во прекрасниот Холивуд.

Овој фустан ќе биде избор на многу жени летово: Убавата Ева Лонгорија диктира модни трендови (ФОТО)

Ивана Ефремовски — Tue, 03 May 2022 14:58:44 +0000

Ева Лонгорија, најпозната по улогата на шармантната Гарбриел во „Очајни домаќинки“, ужива во топлото време кое пристигна, а со следбениците на Инстаграм сподели нова фотографија. Убавата Ева се потпира на столб, позирајќи во бел фустан без прерамки, потсетувајќи нè дека летото доаѓа. Нејзиниот фустан е со кафени копчиња, а го искомбинирала со соодветни кафени сандали. На својот едноставен изглед додаде само обетки. Овој фустан или сличен модел сигурно ќе биде вистински хит летово бидејќи многу жени посакаа да го имаат во својот плакар. Фустан како Ева веќе можеме да видиме на излозите, белата боја ќе биде доминантна летово, па веруваме дека ќе најде места и во вашата гардероба.

View this post on Instagram

A post shared by Eva Longoria Baston (@evalongoria)

Ева Лонгорија во совршен фустан од македонски дизајнер (ФОТО)

Ристе Здравков — Thu, 24 Mar 2022 13:33:33 +0000

По Ким Кардашијан, Џенифер Лопез и Кристен Стјуарт, уште една светска ѕвезда во дело на креација од македонскиот дизајнер Тони Матичевски. Браво! Горди сме што вакви креативци нè претставуваат пред светот. Eва Лонгорија објави фотографии во макси црн фустан со два шлица, во кој изгледа спектакуларно. Фустанот е дело на Тони Матичевски, дизајнер со македонско потекло, кој долги години живее и работи во Австралија. Ова е едно од најсексапилните изданија на ѕвездата од „Очајни домаќинки“ досега. 47-годишната Лонгорија е само уште една ѕвезда во низата која носи креација од Тони Матичевски. Совршеното модно издание на Лонгорија:

View this post on Instagram

A post shared by Eva Longoria Baston (@evalongoria)