Македонски девојчиња: Сестрите Илина и Ева едни од најдобрите во ритмичка гимнастика (ФОТО)

Ивана Ефремовски — Tue, 16 Jul 2019 12:05:47 +0000

Сестрите Илина (13) и Ева (9) Соколовски со прво и трето место ја завршија сезоната на натпревари по ритмичка гимнастика во Германија и се едни од најдобрите во овој спорт. Ева во завршниот турнир го освои првото место, односно златниот медал во нејзината категорија, додека Илина го освои бронзениот медал, односно третото место. Завршниот натпревар, кој е традиционален летен турнир за летен пехар се одржа во Минстер и по големата победа Илина и Ева заминуваат на заслужен одмор, кој секако ќе биде исполнет со тренинзи бидејќи од есен ги чека нов предизвик и нови победи. -Илина и Ева досега од ниеден турнир не се вратиле без пехар. Ева досега има 12 натпревари и од сите 12 се вратила со прво место. Илина иако има 12 години од последнава сезона поради големиот талент се натпреварува во категорија на спортисти во групата од 15-16 години. Таа минатата година имаше и еден интернационален настап во Украина, каде го освои првото место и беше прогласена за принцеза за ритмичка гимнастика. Овој пат го освои третото место, но со многу мала разлика во поени. Иако и двете се со македонски пасош, сепак, Германија многу вложува во нивниот талент и во клубот каде тренираат доаѓаат светски тренери да им ги покажат вештините во овој спорт, вели нивниот татко Горан Соколовски. Дека македонските девојчиња Илина и Ева се гордост на Германија покажува и фактот што после секој турнир и награда медиумите не штедат зборови за пофалба. Годинава Илина на турнирите четири пати била прва, додека Ева од три натпревари сезонава три пати се вратила со златен медал. Затоа и германските медиуми за нив велат дека каде и да настапуваат се враќаат со награди и дека станатите натпреварувачки треба да се плашат од нивниот талент и успех. „Од секој турнир се враќаат со награди“. Браво за Илина која поради големиот талент и умешност се натпреварува во категорија на спортистки кои се поголеми д неа и на Ева која знае само за прв место“, пишува меѓу другото во медиумите во Германија. Колку Илина и Ева се познати и признати покажува и фактот што дел од фирмите веќе ги ангажираат за заштитни лица за рекламирање на нивните производи. Илина и Ева заминуваат на летен одмор во Македонија, каде секој ден со наши тренери ќе вежбаат по неколку часа на ден. Од есен ги очекува нова сезона со нови успеси. ИЗВОР: ВИСТИНА.МК

Македонското девојче на кое треба да сме горди: Ева има само 9 години, а на 11 натпревари освојува злато (ФОТО)

Ивана Ефремовски — Thu, 30 May 2019 11:35:42 +0000

Македонското девојче Ева Соколовска повторно се закити со злато. Таа пред неколку дена на републичкиот натпревар во Германија, каде што живее со семејството, го освои првото место во ритмичка гимнастика. Ова на Ева е 11-то по ред прво место од вкупно 11 натпревари кои ги имала за своите девет години. Овој турнир е најголемиот каде таа победата ја освои без конкуренција, со три поени повеќе од второ пласираната натпреварувачка. Ева настапи четири кореографии- чуневи, хулахоп, соло и топка и во сите четири кореографии го постигна најдобриот резултат. -Ева се натпреварува во нај силната класа, тоа значи дека директно да се пласира за Олимпијада . Таа тренира и за репрезентација, што значи дека два пати месечно оди на контрола за проверка на капацитет, кондиција и се што е потребно за активен спортист кого го подготвуваат за Олимпијада. И претстојат уште два турнири за летен пехар и уште еден пријателски натпревар во Холандија. Освен тоа настапи хуманитарно за денот на детето во Турција, велат нејзините најблиски. Извор: ВИСТИНА

Ева Соколовска – Kurir.mk

Македонски девојчиња: Сестрите Илина и Ева едни од најдобрите во ритмичка гимнастика (ФОТО)

Македонското девојче на кое треба да сме горди: Ева има само 9 години, а на 11 натпревари освојува злато (ФОТО)