евакуирани – Kurir.mk

Околу 75.000 луѓе евакуирани на Шри Ланка поради циклон

Тале Кристо — Wed, 02 Dec 2020 14:03:02 +0000

Шри Ланка евакуираше 75.000 луѓе од нивните домови на источниот брег, каде вечерва се очекува тропскиот циклон Буреви, кој носи ветрови од 80 до 90 километри на час. Циклонот најверојатно ќе ги оштети крајбрежните згради, ќе го прекине снабдувањето со електрична енергија и ќе донесе поплави, соопшти Центарот за управување со катастрофи, советувајќи ги оние што живеат во близина на патот по кој ќе помине циклонот да останат во затворени простории. Евакуираните од областа Тринкомале, каде се очекува циклонот најсилно да удри, се сместени во 237 хуманитарни центри сè додека не помине невремето, соопштија локалните власти. – До вечер или во текот на ноќта циклонот ќе го погоди копното, информира Атула Карунанајаке, директор на Метеоролошкиот институт, додавајќи дека во некои области ќе наврнат над 200 милиметри дожд. Циклонот утре ќе продолжи да се движи северозападно кон Арапското Море, додаде тој.

Огромен пожар во Калифорнија: Евакуирани 8.000 луѓе (ВИДЕО)

Магдалена Андонова — Sun, 02 Aug 2020 09:44:33 +0000

Околу 8.000 луѓе се принудно евакуирани од своите домови во округот Риверсајд во јужна Калифорнија, поради шумски пожар што гори на површина од околу 16.000 хектари, објави синоќа надлежната противпожарна служба. Пожарот бил пријавен во петокот, во долината Трешњевка, населба лоцирана на околу 130 километри од Лос Анџелес, каде што, според претходните информации, најмалку една куќа целосно изгорела. Досега се евакуирани 2.585 куќи во округот Риверсајд, во кои живеат нешто помалку од 8000 луѓе. (МИА)

#AppleFIRE [UPDATE] 8:00 p.m. 08/01/2020 - The Apple Fire is now 12,000 acres and remains 0% contained. Several EVACUATION ORDERS and warnings remain in place. Please visit https://t.co/NNPcufL1ea to search if your address is in an evacuation area. pic.twitter.com/qyV6NMUUqT
— CAL FIRE/Riverside County Fire Department (@CALFIRERRU) August 2, 2020

Во Франција слета авион со државјани на 30 земји од Кина, меѓу кои и една Македонка

Тале Кристо — Sun, 02 Feb 2020 16:34:31 +0000

Авион со 250 француски и други европски државјани, кои се евакуирани од кинескиот град Вухан, слета денеска во воената база во Истр, во јужниот дел на Франција. – Околу 65 француски граѓани ќе бидат сместени во карантин или во летувалиштето Кери-ле-Руе, како и во пожарникарскиот тренинг центар во близина на Ео-Ен-Провенс, изјави државниот секретар за детска заштита, Адриен Таке. Францускиот министер за надворешни работи Жан-Ив ле Дријан истакна дека со авионот се превезени државјани на 30 земји, а оние кои не се од Франција веќе си заминале во своите држави.