евакуирање – Kurir.mk

Неколку стотици луѓе во Нов Зеланд мораат да ги напуштат своите домови: Обилните дождови предизвикаа поплави и лизгање на земјиштето (ФОТО)

Магдалена Андонова — Fri, 19 Aug 2022 08:32:43 +0000

Обилните дождови веќе четврти ден погодуваат делови од Нов Зеланд, предизвикувајќи поплави и лизгање на земјиштето и принудувајќи стотици луѓе да ги напуштат своите домови, јавува Ројтерс. Градот Нелсон, на северниот брег на Јужниот Остров, беше најпогоден со повеќе од 400 домови евакуирани, а некои домови беа прогласени за непогодни за живеење поради дождот. - Штетата што ја видов кај Нелсон беше многу вознемирувачка и мислам дека ќе им требаат години да се опорават. Додека се возевме, насекаде имаше одрони - рече претставник на цивилната одбрана на прес-конференција. Метеоролошката канцеларија соопшти дека од вторникот паднале 172 мм дожд во Нелсон, што е повеќе од двојно повеќе од просечните врнежи во август. На жителите на Нелсон им било кажано да штедат вода поради проблеми со водоводниот систем на градот. Службата за цивилна одбрана исто така ги предупреди жителите да не се приближуваат до брегот поради ударот на брановите од три метри на некои плажи. Армијата на Нов Зеланд е ангажирана во работата за евакуација и превенција од поплави, според Ројтерс и Танјуг. Обилни врнежи го погодија и Северниот остров во Нов Зеланд во изминатите 24 часа, некои градови се отсечени, патиштата и куќите се под вода, а луѓето се евакуирани. Цивилната одбрана на Северниот Остров во објава на Фејсбук соопшти дека поплавите се очекува да се смират бидејќи плимата се намали подоцна денеска, но некои патишта останаа затворени. Според Ројтерс, предупредувањето за силен дожд останува во сила во текот на денешниот ден за Нов Зеланд.

ЕВАКУИРАНИ ТРГОВСКИ ЦЕНТРИ ВО БЕЛГРАД И НИШ: Добиле анонимни дојави за бомба

Магдалена Андонова — Mon, 18 Apr 2022 15:16:44 +0000

Трговските центри „Галерија“, „Меркатор“ и „Рајичева“ во Белград и „Делта планет“ во Ниш денеска се евакуирани поради дојава за бомба, јави дописникот на МИА од Белград. Контрадиверзантските екипи се во трговските центри „Галерија“-(Белград на вода), „Меркатор“ (Нов Белград) и „Рајичева“ (најстрогиот центар на Белград), изјавија во Министерството за внатрешни работи. Исто така, околу 14 часот нишката полиција добила анонимна дојава дека во трговскиот центар „Делта планет“ била поставена бомба. Трговскиот центар бил веднаш евакуиран. Во тек се увиди на објектите. Украинското Министерство за надворешни работи денеска ги демантираше наводите за вмешаност на Киев во лажните закани со бомби на патничките летови од Белград до Москва по синќешната изјава на претседателот Александар Вучиќ за наводната вмешаност на Украина и една земја на ЕУ во заканите со бомби на авионите кои летаат од Србија за Русија Портпаролот на министерството Олег Николенко за Укринформ изјави дека станува збор за „неосновани обвинувања“. Николенко изјави дека изјавите на претседателот Вучиќ за наводната вмешаност на Украина во заканите со бомби на авионите кои летаат од Србија за Русија се „неточни“ и дека е разочаран што Србија сè уште не се приклучила на санкциите на Европската унија против Русија. -Војната можеме да ја завршиме со санкции и преку единство на демократскиот свет. Го повикуваме Белград да застане во одбрана на вистината и целосно да ја поддржи Украина и вредностите на кои се заснова обединета демократска Европа, порача Николенко

ГОЛЕМ ПОЖАР УТРИНАВА ВО ГЕРМАНИЈА: 100 луѓе се евакуирани, оганот проголта цела зграда а има и повредени (ВИДЕО)

Магдалена Андонова — Mon, 21 Feb 2022 12:10:53 +0000

Голем пожар избувна утрово во станбена зграда во градот Есен во западна Германија. Три лица се префрлени во болница поради труење со чад, соопштија денеска властите. Противпожарната служба соопшти дека од зградата се евакуирани околу 100 луѓе, што е приближно колку што луѓе и живеат таму, пренесува АП. На местото на настанот се испратени околу 150 полицајци за да го изгаснат пожарот. Причината за пожарот не е веднаш јасна, но се чини дека огнот брзо се проширил откако избувнал во раните утрински часови, поттикнат од најновата бура што ја погоди северна Европа во последните денови, наведува американската агенција.

#Germany #NRW - Fire at residential complex comprising of 50 apartments in downtown Essen, around 100 people have been rescued while 3 remained injured pic.twitter.com/0YjpUzrpXj
— CyclistAnons (@CyclistAnons) February 21, 2022

Евакуирана зградата на Општинскиот суд во Сараево поради дојава за поставена бомба

Магдалена Андонова — Mon, 14 Feb 2022 11:18:52 +0000

Утринава Општинскиот суд во Сараево соопшти дека била поставена бомба, поради што се евакуирани сите работници, но и странките кои во овој период присуствувале на рочиштата. Од оперативниот центар на Министерството за внатрешни работи на кантонот Сараево за Кликс потврдија дека дојавата за бомбата во Општинскиот суд во Сараево пристигнала утринава околу 9:30 часот. На местото на настанот веднаш се испратени полициски службеници, а стручната служба врши увид во просториите за да утврди дали се работи за реална закана или за лажна пријава. За тоа време од зградата на Општинскиот и Кантоналниот суд беа евакуирани сите вработени, како и лицата кои во тој момент беа на првите рочишта, кои почнуваат во 9:30 часот, во моментот кога пристигна пријавата. Во судовите се чести пријавите за бомби, а по увидот речиси никогаш не се покажа дека бомбата е навистина поставена. Тоа се претежно лажни извештаи чија очигледна цел е да се одложи едно од рочиштата.