Максвел повеќе не е кошаркар на МЗТ Скопје Аеродром

Магдалена Андонова — Thu, 17 Nov 2022 19:18:31 +0000

Американецот Еван Максвел повеќе не е член на МЗТ Скопје Аеродром, откако денеска потпиша спогодбен раскин на договорот со македонскиот шампион. Максвел набрзо по доаѓањето го повреди коленото, што подолго време го мачеше и не му дозволи да го покаже сиот потенцијал. „Сино-белиот“ дрес го носеше на пет меча од АБА-лигата во кои просечно реализираше по осум поени и 2,6 скока. – На Максвел му благодариме за тоа што го прикажа и му посакуваме сѐ најдобро во продолжението од кариерата. Предводниците на клубот веќе ја почнаа потрагата по квалитетно пополнување на празнината под обрачите и за секоја нова информација навремено ќе ве известиме, соопшти МЗТ преку официјалниот клупски сајт. МЗТ Скопје утре од 18 часот му гостува на ФМП во седмото коло од регионалната АБА-лига. (МИА)

МЗТ се засили со американскиот центар Максвел

Бошко Тасиќ — Fri, 15 Jul 2022 18:58:01 +0000

Американскиот кошаркар Еван Максвел од денеска е нов член на македонскиот шампион МЗТ Скопје и ново засилување за екипата која ќе игра и во АБА лигата. МЗТ договорил едногодишна соработка со 27-годишниот центар кој треба да биде освежување за екипата под обрачите, а Максвел доаѓа од украински Запорожје. Минатата во просек постигнувал по 11 поени и 7,6 скока по натпревар, а претходно настапувал за британски Њукасл и за словачкиот прволигаш Списка. Претходно, МЗТ го ангажираше Страхиња Миќовиќ, кој игра на позиција крилен центар, како и Американецот Мајк Кафи. Од претходната сезона останува Бре Ајви.

Еван Максвел – Kurir.mk

Максвел повеќе не е кошаркар на МЗТ Скопје Аеродром

МЗТ се засили со американскиот центар Максвел