евертон – Kurir.mk

На Евертон му се заканува одземање на 12 бода?!

Бошко Тасиќ — Wed, 25 Oct 2023 16:57:16 +0000

Екипата на Евертон е во големи проблеми веќе подолго време. Тие се од финансиски карактер, но сега во целата ситуација се вклучи и раководството на Премиер лигата. “Сините“ од Ливерпул во последните три години имаат финансиска загуба од неверојатни 372 милиони фунти, а дозволениот праг за екипите од Премиер лигата е 105 милиони фунти. Веќе извесно е дека Евертон ќе биде казнет со одземање на бодови, но не со три поени како што се надеваат од клубот, туку со неверојатни 12 бодови кои практично клубот би го испаднале од Премиер лигата. Евертон во моментов е на 16-тата позиција со само седум поени, и доколку биде казнет со 12 бода, тешко дека ќе може да се избори за опстанок во најквалитетната англиска дивизија, но доколку казната биде само три поени како што се надеваат во клубот, тогаш и тоа како би ги задржале шансите за спас во лигата.

Голем гест на Ливерпул: Почит на починатиот фан на Евертон

Бошко Тасиќ — Sun, 20 Aug 2023 04:56:57 +0000

Фудбалерите на Ливерпул му се придружија на градскиот ривал Евертон и му оддадоа почит на навивачот на „карамелите“ кој трагично го загуби животот во понеделникот. На свој начин го испратија и фановите на Ливерпул. Дваесет и шестгодишниот Мајкл Џонс почина во понеделникот на градилиштето на новиот стадион на Евертон, а во саботата тимовите на двата клуба му оддадоа почит на младиот човек. Предводени од Јирген Колп, првотимците на Ливерпул во саботата наутро положија цвеќе на Брамал Мур со порака на сочувство во името на сите од „црвената страна“ на градот. Шон Дајч ја предводеше и екипата на Евертон која положи венец на истото место.

Евертон му „краде“ потенцијално засилување на Милан

Бошко Тасиќ — Fri, 21 Jul 2023 04:10:21 +0000

Италијанскиот фудбалски клуб Милан летово е посебно активен во обидот да ја реконструира екипата и да ја врати во битката за скудетото, а еден од играчите кои беа блиску до трансфер беше Арнаут Данјума. Сепак, холандскиот интернационалец се решил да ја прифати понудата на Евертон и ќе настапува во Премиер лигата. Клубот од Ливерпул постигнал договор со Вилјареал за првичен заем, со можност подоцна и да го откупи договорот на крилниот фудбалер. Милан го следел Данјума уште од времето кога настапуваше за Клуб Бриж, тој го потврди својот потенцијал и во шпанскиот клуб, за сега да прифати премиерлигашки предизвик. Евертон ќе плати 3,5 милиони фунти за една сезона во која Данјума ќе игра на позајмица, додека Милан останува заинтересиран за неговиот досегашен соиграч Самуел Чуквуезе.

Евертон пред казна, може да му бидат одземени бодови!

Бошко Тасиќ — Sat, 25 Mar 2023 05:31:18 +0000

Англиската Премиер лига побара независна комисија да почне истрага по обвинувањето против клубот Евертон за нарушување на финансискиот ферплеј. Карамелите се осомничени дека го прекршиле финансискиот ферплеј во сезоната 2021/2022, кога купија дури 11 нови играчи. Десет месеци биле „чешлани“ финансиите на клубот, и има сомнежи за „матни работи“. Ако Евертон биде прогласен за виновен, им се заканува сериозна казна, која вклучува и одземање на бодови. Ако им бидат одземени бодови, Сините од Ливерпул кои се 15-ти со само два бода над зоната на испаѓање, може да останат без место во англиската елита, и преселба во Чемпионшип. Во ноември 2021 година, на Дерби Каунти му беа одземени девет бодови заради нарушување на правилата по истата точка за која е осомничен и Евертон. Од Евертон објавија дека се разочарани и изненадени, и најавија дека жестоко ќе се бранат.

Артета: Арсенал можеше да постигне повеќе против Евертон

Тале Кристо — Thu, 02 Mar 2023 07:29:19 +0000

Тренерот на Арсенал, Микел Артета се осврна на победата над Евертон (4:0) во одложениот натпревар од 7. коло на шампионатот на Англија. - Воодушевен сум од победата и од тоа како одигравме по првите 25 минути, иако имавме некои тешкотии на почетокот. Само што го постигнавме првиот гол, играта се отвори. Ни требаше магичен момент и Букајо го создаде. После тоа се подобривме и заслуживме да победиме. Арсенал одигра многу добро во вториот дел и можеше да постигне повеќе. Не се сомневав дека ќе се вратиме по поразот од Сити. Кога ги гледам моите играчи секој ден, разбирам колку сакаат да победуваат, изјави Артета за „Би-би-си“. Лондонскиот тим ја извојува третата победа во низа и со 60 бода продолжува да води во Премиер лигата. Евертон е на 18. место со 21 бод.

Синот на Карло Анчелоти пред промоција во Евертон

Бошко Тасиќ — Fri, 27 Jan 2023 05:36:05 +0000

Френк Лампард доби отказ од Евертон, па клубот од Ливерпул е во потрага по нов менаџер кој ќе го извади од долниот дел на табелата и ќе го спаси од преселба во Чемпионшип. Неколку имиња се вртат во јавноста, а меѓу нив е и Давиде Анчелоти, синот на стратегот на Реал Мадрид Карло Анчелоти. Давиде му е асистент на татко му во Реал Мадрид, а претходно беше со него во Евертон, Наполи и Баерн Минхен. 33-годишниот тренер може да почне кариера како самостоен тренер и тоа во Премиер лигата. Други имиња се Шон Дајч, поранешниот стратег на Барнли потоа аргентинскиот стратег Марсело Биелса како и Оле Гунар Солскјер, некогашниот стратег на Манчестер Јунајтед и Кардиф.

Сајт за возрасни ќе вложи 200 милиони евра во премиерлигаш

Бошко Тасиќ — Sun, 09 Oct 2022 06:33:36 +0000

Англиските медиуми пишуваат дека сајтот за возрасни „Стрипчет“ испратил понуда до Евертон на кој му нудат 10-годишен договор да станат спонзор на нивниот стадион, а за тоа се подготвени да платат околу 200 милиони евра. Оваа необична вест се појави откако од маркетинг службата на сајтот објавија дека сакаат да станат партнер во Премиерлигата. „По вестите дека Евертон бара нов спонзор за името на нивниот стадион, ‘Стрипчет’ нуди 10-годишен договор вреден 20 милиони евра годишно“, велат од компанијата.

Евертон гради нов стадион кој ќе чини околу 566 милиони евра вкупно и треба да биде нов дом на екипата од 2024/25.

Американец го купува Евертон за 400 милиони фунти

Ивана Ефремовски — Thu, 29 Sep 2022 19:34:04 +0000

Американецот Мациек Камински, инвеститор со седиште во Минесота, е на чекор да го купи англискиот фудбалски прволигаш Евертон за 400 милиони фунти, пренесуваат денеска британските медиуми. Истите извори наведуваат дека преговорите меѓу сегашниот сопственик Фархад Мосхири и малку познатиот американски бизнисмен се во поодмината фаза, меѓутоа и натаму се комплицирани поради нестабилниот финансиски пазар во Велика Британија. За евентуален договор за продажба на Евертон е потребно одобрение од раководството на Премиер лигата. Евентуалната продажба на Евертон на Камински ќе значи дека половина од 20 премиерлигашки клубови ќе имаат американски акционери. (МИА)

Деле Али позајмен на Бешикташ

Ивона Петрова — Fri, 26 Aug 2022 08:22:42 +0000

Поранешниот англиски репрезентативец и фудбалер на Евертон Деле Али ќе настапува до крајот на сезоната како позајмен фудбалер во редовите на Бешикташ, соопшти клубот од Истанбул. Али (26), кој поникна во Милтон Кејнс, во 2015 година прејде во Тотенхем, а неговата пазарна вредност пред четири години изнесуваше 100 милиони евра. Англискиот фудбалер на почетокот на оваа година се пресели во Евертон, но за премиерлигашот од Ливерпул одигра само 13 натпревари, а клубот одлучи да го прати на позајмица во Бешикташ. Али од 2015 до 209 година собра 37 настапи во дресот на Англија и постигна три голови.

Манчестер јунајтед и Евертон заинтересирани за Елмас

Тале Кристо — Fri, 19 Aug 2022 07:24:06 +0000

Премиерлигашите Манчестер јунајтед и Евертон се сериозно заинтересирани и сакаат да го ангажираат македонскиот репрезентативец Елиф Елмас, тврди еден од најдобрите италијански новинари Џанлука Ди Марцио. Според информациите од Островот, Манчестер јунајтед и Евертон посакуваат трансфер на Елмас пред крајот на летниот преоден рок. Сепак, продажбата на еден од најдобрите македонски фудбалери е можна само доколку пристигне примамлива понуда за Наполи.

#Calciomercato | #Napoli, su #Elmas e #Lozano c’è l’interesse di #Everton e #ManchesterUnited https://t.co/OGIdcdYbUy
— Gianluca Di Marzio (@DiMarzio) August 18, 2022