Евро 2020 – Kurir.mk

Фудбалската репрезентација на Македонија го одработи првиот тренинг во Скопје

Бошко Тасиќ — Wed, 26 May 2021 17:50:00 +0000

Фудбалската репрезентација на Македонија ја стартуваше „Операцијата ЕВРО 2020“ со првиот тренинг кој го одработи на тренинг комплексот „Петар Милошевски“ во Скопје. Енис Барди поради позитивен тест на Ковид во моментов е изолиран од останатите фудбалери, додека последните кои ќе се приклучат ќр бидат капитенот Горан Пандев, Аријан Адеми и Столе Димитриевски кои ви требало да бидат со тимот на 31. мај. Македонија пред стартот на шампионатотда подсетиме ќе одигра две пријателски средби, против Словенија на 1. и Казахстан на 4. јуни во Скопје. Историскиот прв натпревар на Европските првенства „црвено-жолтите“ ќе го одиграат на 13. јуни на Националната арена во Букурешт против Австрија.

Шпанија без Серхио Рамос на ЕП

Бошко Тасиќ — Mon, 24 May 2021 12:58:05 +0000

Серхио Рамос е една од најголемите ѕвезди кои ќе го пропуштат Европското првенство (ЕП). Селекторот на Шпанија, Луис Енрике реши да не го повика во репрезентацијата и тоа многумина ги изненади.

На прес-конференцијата селекторот на „црвената фурија“ објасни зошто не го повикал капитенот на Реал Мадрид. „Долго размислувавме за оваа одлука. Во неделата имавме приватен разговор. Не беше лесно, но морам да реагирам во интерес на репрезентацијата. Рамос не е во состојба да тренира и да игра. Беше многу тешко, но во иднина може да биде член на селекцијата, тој е професионалец“, вели Енрике.

Еве што ќе работи Мурињо за време на Евро 2020

Ивона Петрова — Fri, 30 Apr 2021 09:22:10 +0000

Поранешниот тренер на Тотенхем, Жозе Мурињо, потпиша договор со британското спортско радио „talkSPORT“. Педесет и осумгодишниот тренер ќе служи како експерт за три настапи на Англија во составот во групната фаза на Европското првенство УЕФА во 2020 година, како и во плејофот и финалето. Меѓу другите ко-коментатори се и поранешните играчи Стјуарт Пирс, Тревор Синклер, Али Мекојст и Алан Бразил. На 19 април, Тотенхем го отпушти Мурињо. Тој беше тренер и на Манчестер јунајтед, Челзи, Реал Мадрид, Интер, Порто и други клубови.

Евро 2020 нема да се преименува, и покрај трансферот на турнирот во 2021 година

Тале Кристо — Thu, 23 Apr 2020 16:26:09 +0000

Извршниот комитет на УЕФА објави дека името на Евро 2020 нема да биде променето, и покрај трансферот на турнирот поради коронавирусот. Оваа одлука ќе и овозможи на УЕФА да го одржи оригиналниот концепт на турнирот и да ја прослави 60-годишнината од Европското првенство во фудбал. – Одржувањето на името ќе ве потсети како целото фудбалско семејство се собра во екстремни околности и одговори на пандемијата на вирусот и тешките периоди со кои преживеа Европа и целиот свет во 2020 година, велат од унијата. Европското првенство беше одложено за 2021 година и ќе се одржи од 11 јуни до 11 јули.