евро купови – Kurir.mk

УЕФА размислува за жестока казна – Јувентус и Реал надвор од евро-куповите следната сезона?

Ивона Петрова — Fri, 23 Apr 2021 09:14:23 +0000

Членови на Извршниот комитет на Европската фудбалска асоцијација предлагаат да се казнат Јувентус и Реал Мадрид со забрана за учество во евро-куповите, пренесува новинарот Танкреди Палмери. Според него, на екипите на Торино и Мадрид може да им биде забрането учество во европски натпреварувања во сезоната 2021/22 поради создавањето на Суперлигата. На 19 април 12 европски клуба го објавија формирањето на Суперлигата. Шеф на новата организација беше претседателот на Реал, Флорентино Перез, потпретседатели Андреа Ањели од Јувентус и Џоел Глејзер од Манчестер јунајтед. На 21 април, управата на новиот турнир одлучи да го прекине проектот по одбивањето на англиските клубови да учествуваат во Суперлигата.

Шест бундеслигашки клубови постигнаа 26 погодоци оваа недела во евро-куповите

Тале Кристо — Fri, 06 Nov 2020 11:14:15 +0000

Шест екипи од германската Бундеслига покажаа завидна ефикасност оваа седмица на евро-сцената. Постигнаа вкупно 26 гола, за првпат по 2014 година. Во третото коло од групната фаза во Лигата на Европа, вчеравечер Хофенхајм го совлада Слован Либерец со 5:0, додека Баер Леверкузен го победи Хапоел Бир-Шиев со 4:2. Претходно во рамките на третото коло од групната фаза во Лигата на шампионите, Баерн ги победи Салцбург со 6:2, Борусија од Менхенгладбах го совлада Шахтјор со 6:0, Борусија Дортмунд – Клуб Бриж 3:0, додека Лајпциг беше поуспешен од Пари Сен-Жермен со 2:1.

УЕФА ги негира информациите за можно скратување на квалификациите за евро-куповите во новата сезона

Тале Кристо — Tue, 12 May 2020 08:15:04 +0000

Европската фудбалска асоцијација ги демантираше информациите на британскиот весник „Тајмс“ за евентуално намалување на квалификациските рунди за Лигата на шампионите и Лигата на Европа во сезоната 2020/2021 година. Вчера „Тајмс“ објави вест дека УЕФА ја испитува можноста за намалување на квалификациските рунди и можноста за нивно целосно откажување. Ситуацијата е под влијание на забраните за натпревари на одделни влади, на пример во Франција и Холандија, фудбалски натпревари не може да се играат порано од септември. – УЕФА никогаш не размислувала да им ги одземе на победниците од националните шампиони право да се обидат да влезат во групната фаза во Лигата на шампионите благодарение на резултатите од теренот. УЕФА во моментов ја следи состојбата и евентуалното влијание врз формата на квалификациските рунди за клупските турнири следната година. До денес, не се развиени специфични опции за квалификациски формат за европските клупски турнири, се вели во соопштението. Конечните фази од Лигата на шампионите и Лигата на Европа за сезоната 2019/2020 беа прекинати во март поради пандемијата на коронавирус.