Евробаскет 2021 – Kurir.mk

ЕВРОБАСКЕТ: Словенија во четвртфиналето на ЕП

Бошко Тасиќ — Sat, 10 Sep 2022 17:00:15 +0000

Кошаркарската репрезентација на Словенија ја продолжува одбраната на титулата и со победата од 88:72 над Белгија обезбеди пласман во четвтфиналето на Евробаскетот. Лука Дончиќ повторно блескаше и ја предводеше Словенија со 35 поени, 5 скока, 5 асистенции и 4 украдени топки. Клемен Препелиќ додаде 13 поени, Мајк Тоби 12, а Горан Драгиќ 11 поени. Кај Белгија се истакнаа Емануел Лекомт со 16 Жиле со 15 поени.

ЕВРОБАСКЕТ: Франција е првиот четвртфиналист на ЕП

Бошко Тасиќ — Sat, 10 Sep 2022 16:57:51 +0000

Кошаркарската репрезентација на Франција е првиот четвртфиналист на Европското првенство откако во крајно неизвесен натпревар со 87:86 ја победи Турција. Противник на Франција во четвртфиналето ќе биде подобриот од дуелот меѓу Србија и Италија кои ќе играат утре. Руди Гобер постигна 20 поени со 17 скока за Франција, Томас Ертел и Еван Фуриние дадоа по 13 поени, додека на другата страна Бурган Тангер постигна 22 поени, Фуркан Коркмаз 18, а Сертач Санли 12 поени

ЕВРОБАСКЕТ: Познати сите осминафинални натпревари

Бошко Тасиќ — Fri, 09 Sep 2022 04:50:22 +0000

Заврши групната фаза на ЕП во кошарка каде проследивме интересни натшревари и многу изненадувања во овој сегмент на шампионатот. Следува осминафиналето кое ни носи нови осум фантастични дуели во кои овој никој нема право на грешка. Првите средби ќе бидат одиграни на 10.09, а во нив силите ќе си ги одмерат Турција и Франција, Словенија и Белгија, Германија и Црна Гора и Шпанија и Литванија, а сите патници во четвртфиналето ќе ги дознаеме в недела по мечевите на Финска и Хрватска, Грција и Чешка, Србија и Италија, и Украина и Полска. Доколку фаворизираните Србија и Словенија ги минат осминафиналната и четвртфиналната пречка двете селекции ќе ги следиме во полуфиналето на шампионатот.

ЕВРОБАСКЕТ: Србија лесно со Полска, Италија без проблеми против Велика Британија

Бошко Тасиќ — Thu, 08 Sep 2022 21:02:08 +0000

Србија во последниот натпревар од групата на ЕП славеше со убедливи 96-69 против Полска и го освои првото место во групата и закажаа осминафинален натпревар против Италија. Селекторот Светислав Пешиќ притоа успеа и да ги зачува своите клучни кошаркари, но и покрај тоа што одигра само 17. минути Јокиќ беше лидер на својот тим со 19 поени и 5 скока. Деби на Евробаскетот имаше Милутинов кој постигна 16 поени и 3 скока. Михајлак беше лидер на Полска со 17 поени и 4 скока. Италија во осминафиналето се пласираше од четвртото место во групата „Ц“ со триумфот над Велика Британија од 56-90.

БиХ нема да учествува на Евробаскет 2022 поради недостиг на финансии?

Бошко Тасиќ — Sat, 23 Jul 2022 17:14:17 +0000

Кошаркарската репрезентација на Босна и Херцеговина можеби нема да учествува на Европското првенство во кошарка поради недостиг на финансиски средства. Федерацијата излезе со соопштение во кое нагласува дека настапите на репрезентативните селекции на големите натпреварувања летово, и машки и женски, се под знак прашалник поради недостиг на финансии. Машката репрезентација наголемо се подготвува за Евробаскет 2022, а учеството го потврди и Јусуф Нуркиќ. Сениорската селекција на БиХ се наоѓа во групата Б од Евробаскет што ќе се игра во Келн и за противници треба да ги има Германија, Франција, Литванија, Словенија и Унгарија.

Познати сите учесници на женскиот Евробаскет во јуни

Бошко Тасиќ — Tue, 09 Feb 2021 21:05:12 +0000

По завршницата на февруарскиот „прозорец“ познати се сите учесници на Евробаскетот 2021 во женска конкуренција. После три „прозорци“, вкупно 34 национални селекции го определија составот на собирот на најдобрите кој оваа година ќе се одржи во Шпанија и во Франција. Деветте победници на исто толку групи, плус пет најдобри кои завршија како второпласирани, им се придружија на ко-организаторите на Европскиот шампионат кој е закажан за периодот од 17 до 27 јуни. Како победници на квалификациските групи на ЕП се пласираа: Белорусија, Белгија, Хрватска. Чешка, Русија, Србија, Словачка, Словенија и Шведска, додека БиХ, Грција, Италија, Црна Гора и Турција се петте најдобро второпласирани селекции во квалфикациите. Директен пласман обезбедија домаќините, селекциите на Франција и на Шпанија. Ждрепката за најголемото европско кошаркарско натпреварување во женска конкуренција во оваа година, ќе се одржи на 8 март, во Валенсија. Овие 16 национални тимови ќе бидат поделени во четири групи по четири селекции.

Познато во која сала ќе си ги одмерат силите Македонија и Косово

Ивана Ефремовски — Tue, 06 Nov 2018 19:27:19 +0000

Градот Гевгелија и спортската сала „26 април“ ќе бидат домаќин на натпреварот меѓу Македонија и Косово закажан за 2 декември, недела, со почеток во 20:15 часот. „Жолто-црвените“ ќе се обидат да запишат трета победа во низа во оваа фаза од претквалификациите за Евробаскет 2021. Претседателот на Македонската кошаркарска федерација Петар Наумоски заедно со градоначалникот на Гевгелија, Сашко Поцков ја официјализираа соработката меѓу двете страни која ќе резултира со одигрување на натпреварот во Гевгелија. -Македонската кошаркарска федерација сака да му се заблагодари на градоначалникот Поцков, како и на градот Гевгелија за подадената рака, како и за условите на одигрување на натпреварот – од комплексот хотели до спортската сала. Ја цениме иницијативата на градоначалникот како и залагањето за да се оствари оваа соработка кое го покажа во изминатиот период. Со нетрпение го очекуваме втори декември, се вели во соопштението.