евробаскет 2022 – Kurir.mk

Германија ја освои бронзата на ЕП во кошарка

Бошко Тасиќ — Sun, 18 Sep 2022 17:31:13 +0000

Репрезентацијата на Германија ја победи Полска (82-69) во битката за третото место на 41. Европско првенство. Шредер и Фојтман искомбинираа 40 поени за победникот, додека Соколовски со 18 кошеви беше лидер кај гостинската селекција. Последниот дуел на шампионатот е оној меѓу Франција и Шпанија во борбата за златото и истиот се игра од вечерниот термин 20:30 часот.

Шпанија е сила, го елиминира домаќинот и ќе игра во финале за европското злато

Бошко Тасиќ — Fri, 16 Sep 2022 20:28:17 +0000

Трикратниот европски првак Шпанија ќе го игра своето десетто финале на Европските првенства после вечерашната победа против Германија во второто полуфинале со 96-91, па „црвената фурија“ закажа пресметка со Франција во недела за европскиот трон, што ќе биде реприза на финалето од 2011 година во Литванија. Лоренцо Браун со 29 поени и шест асистенции беше предводник на Шпанците, од кои 11 во последната четвртина, а Вили Ернангомез даде 14 поени, додека Хуанчо Ернангомез додаде 11. Кај Германија, блескаше Денис Шредер со 30 поени и осум асистенции, но НБА ѕвездата беше претивок во последната четвртина во која даде само два поени. Обст и Вагнер погодија по 15 поени.

Евробаскет 2022: Франција прв финалист

Ивана Ефремовски — Fri, 16 Sep 2022 17:15:24 +0000

Кошаркарите на Франција се пласираа во финалето на Европското првенство во Германија, откако вечерва во првото полуфинале во Берлин убедливо ја совладаа Полска со 95-54. Полска во четвртфиналето го совлада актуелниот европски првак Словенија, но во битката за место во финалето немаше сили за нова сензација. Првиот финалист на Евробаскетот го одлучи цврстата одбрана на Французите, кои ги решија во своја корист сите четвртини, а го сведоа противникот на помалку од 20 поени во првото полувреме. Во второто полуфинале, кое е закажано за вечерва во 20:30 часот, ќе играат домаќинот на Европското првенство, Германија, и Шпанија. Германија во четвртфиналето беше поуспешна од Грција (107-96), додека Шпанија ја совлада Финска (100-90). Евробаскетот завршува в недела кога на програмата се натпреварот за третото место (17:15часот) и финалето во 20:30 часот. (МИА)

СЕНЗАЦИЈА – Германија ја елиминира Грција

Бошко Тасиќ — Tue, 13 Sep 2022 22:14:37 +0000

Германија со 107-96 ја победи Грција и закажа полуфинале со селекцијата на Шпанија. Грција е уште еден од фаворитите на Евробаскетот кој пред полуфиналето се елиминирани. Ова Европско првенство покажа дека и во кошарката веќе нема јасни фаворити. Германија добро го почна мечот, имаше водство во текот на целата прва четвртина, но во вториот период Грција направи пресврт и на одморот замина со четири поени предност 61-57. И во овој меч клучна беше третата четвртина во која Грците постигнаа само 10 поени, а Германија 26, па во последниот период влегоа со водство од 83-81 кое го одржаа до крајот и славеа убедлива победа од 107-96. Најдобар во германската селекција беше Шрудер со 26 поени, Обст и Вагнер постигнаа по 19. Кај Грција убедливо најдобар беше Јанис Адетокумбо со 31 поен. Германија во полуфиналето ќе игра против селекцијата на Шпанија.

Евробаскет 2022: Саторански постави нов рекорд според бројот на асистенции

Ивана Ефремовски — Mon, 12 Sep 2022 16:24:07 +0000

Чешкиот репрезентативец Томаш Саторански на осминафиналниот дуел од Евробаскетот 2022 против Грција постави нов рекорд според бројот на асистенции на натпревар на европските првенства. Покрај трите поени и осум скокови Саторански на натпреварот против Грција запиша дури 17 асистенции и го собори рекордот кој и досега беше во негова сопственост. Претходниот рекорд беше стар седум години, кога Саторански на натпревар на Евробаскетот 2015 оствари 15 асистенции. Од 2016 година чешкиот кошаркарски репрезентативец настапуваше во НБА лигата за Вашингтон, Чикаго, Њу Орлеанс и Сан Антонио, а оваа година се врати во Европа во дресот на Барселона. (МИА)

Литванија елиминирана од Евробаскет,Шпанија во четвртфиналето

Бошко Тасиќ — Sun, 11 Sep 2022 07:15:03 +0000

Кошаркарите на Шпанија вечерва во Берлин победија по голема драма и продолженија против селекцијата на Литванија со резултат 102:94 и се пласираа во четвртфиналето на Евробаскетот. Првиот дел носи прилично изедначена кошарка. Репрезентациите имаа свои периоди на игра во кои играа подобро, а по 10 минути игра Литванија имаше бод предност 20:19. Браун натпреварот го заврши со 28 поени и осум асистенции, Вили Ернангомез додаде 21 поен и 8 скока, а Хуанчо Ернангомез и Руди Фернандез постигнаа по 13 поени.

Кај Литванија се истакнаа Миндаугас Кузминскас со 18 поени, Браздеикис со 17, а по 15 дадоа Сабонис и Лекавичиус.

Почнува осминафиналната фаза на Евробаскет 2022

Тале Кристо — Sat, 10 Sep 2022 10:26:40 +0000

На Европското кошаркарско првенство по вчерашниот слободен ден, продолжуваат возбудувањата со половина од натпреварите во осминафиналната фаза. Средбите ќе се играат во „Мерцедес Арена“ во Берлин а двојките за денес се: Турција – Франција (почеток 12:00 часот) Словенија – Белгија (14:45) Германија – Црна Гора (18:00) Шпанија – Литванија (20:45). Преостанатите четири средби од осминафиналето се закажани за утре: Украина – Полска (почеток 12:00 часот) Финска – Хрватска (14:45) Србија – Италија (18:00) Грција – Чешка (20:45).

ЕВРОБАСКЕТ: Црна Гора ја елиминира Грузија

Бошко Тасиќ — Wed, 07 Sep 2022 19:22:41 +0000

Кошаркарите на Црна Гора успеаа да шокираат еден од домаќините и ја победи Грузија со 81-73 во Тбилиси. Црногорците го имаа водството од самиот почеток на мечот, а Грузија успеа да израмни само при 15-15 на средината на првата четвртина, по што следеше возбудлив период и неколку пресврти за на крај Црна Гора да замине на полувреме со 41-35. Драмата продолжи во вториот дел, а Грузија не ѝ дозволи на Црна Гора да избега (47-48), но сепак немаше доволно сила за пресврт, па така ривалите си обезбедија место во осминафиналето. Најдобар во тимот на Црна Гора беше Дробњак со 22 поени, додека кај Грузија најефикасен беше Мекфејден со 16 поени.

Србија го преслуша и Израел, Дончиќ одличен против Германија во Келн

Бошко Тасиќ — Wed, 07 Sep 2022 05:22:51 +0000

Кошаркарската репрезентација на Словенија славеше во четвртото коло од групата „Б“ на Европското првенство против Германија со 88:80. Словенците вечерва го потврдија пласманот во осминафиналето, а впечатокот го подобрија по поразот од репрезентацијата на Босна и Херцеговина. Предводени од Лука Дончиќ, ги надиграа Германците и ја остварија третата победа во шампионатот. Ѕвездата на Далас маверикс запиша 36 поени, 10 скокови и четири асистенции, а на спротивната страна Денис Шредер забележа 19 поени.Србија ја продолжува победничката низа на ЕП, во групата „Д“ триумфираше и над Израел со 89:78. Феноменален беше играчот на Денвер нагетс, Никола Јокиќ кој блескаше со „дабл-дабл“ учинок од 29 поени и 11 скокови, плус имаше и пет асистенции. Кај Израелците прв стрелец беше Јам Мадар со 20 коша.

Тројца кошаркари и грузиски полицајци тепале турски репрезентативец (ВИДЕО)

Бошко Тасиќ — Mon, 05 Sep 2022 20:35:09 +0000

Цел свет зборува за големиот инцидент на мечот меѓу Турција и Грузија. Имено, по натпреварот помеѓу Грузија и Турција на Еуробаскетот, се случил скандал кој може да има сериозни последици. Дуелот беше решен по голема драма и продолжение, а на теренот имаше и физичка пресметка. Страстите беа некако смирени, Ергин Атаман беше исклучен, но Фуркан Коркмаз, кој сакаше физички да се пресмета на теренот со противничкиот играч Санадзе во последната четвртина, наводно беше физички нападнат во соблекувалната по натпреварот. Ова го откри турскиот селектор на Атаман, а потпретседателот на Кошаркарската федерација на Турција Омар Онан најави повлекување од Еуробаскетот. -Ако не ни ги покажат снимките од безбедносните камери ние ќе го напуштиме овој турнир, истакна Онан. Помошникот на Атаман, Хакан Демир, изјави дека избила тепачка помеѓу Коркмаз и три неименувани грузиски репрезентации по натпреварот. - Додека Коркмаз одеше кон соблекувалната со нашиот тренер, играчите на Грузија, кои не беа во активниот список, го нападнаа заедно со исклучениот играч (Дуда Санадзе) и полицијата. Не смееше да се случи да биде нападнат играч кој оди во соблекувалната, додаде Оман, па продолжи:На крајот од натпреварот, 30 полицајци нè туркаа да се тепаме. Влеговме во тепачка со грузиската полиција. Ја повикувам ФИБА да реагира и им кажав на официјалните лица на ФИБА. Немојте да се зафркавате со нас како да сме глупави. Тие на нас ќе ни ги донесат снимките од тој ходник и нема да пропуштиме ни минута.