Евробаскет 2025 – Kurir.mk

Македонија изгуби од Словачка во претквалификациите за Евробаскет 2025

Тале Кристо — Thu, 23 Feb 2023 19:21:26 +0000

Пораз со 82:73 доживеа македонската кошаркарска репрезентација на вечерашното гостување во Левице против Словачка. Избраниците на селекторот Александар Јончевски не успеаја да ја продолжат победничката серија во Д-групата во претквалификациите за Евробаскет 2025 и го запишаа првиот пораз по четирите победи. Најефикасен во македонскиот состав беше Шортс со 24 поени, Крстевски постигна 14. Словаците до третата победа во групата ги предводеше Симон Крајович со 23 поени Во вториот натпревар од 5. коло во оваа група, вечерва играат Данска и Норвешка. На македонската репрезентација за сигурен пласман во квалификациите и е потребна победа над Норвешка во Осло (26 февруари) во последното коло. Во спротивно, ќе зависи од резултатот на другите репрезентации.

Евробаскетот 2025 година повторно ќе се игра во четири држави

Бошко Тасиќ — Sun, 18 Sep 2022 05:56:16 +0000

Европското првенство во кошарка во машка конкуренција, кое е закажано за 2025 година, ќе се одржи во четири држави, а домаќини ќе бидат Полска, Летонија, Финска и Кипар. Русија требаше да биде организатор, но поради војната остана без организација и потоа во март беше решено дека домаќини ќе бидат Финска, Летонија и Кипар, додека сега официјално е потврдено дека четврта земја која ќе се приклучи на останатите е Полска.

Нокаут фазата ќе се игра во Рига, додека четирите домаќини ќе се квалификуваат директно на Евробаскетот.

Овие држави ќе бидат домаќини на Евробаскет 2025 година

Ивана Ефремовски — Tue, 29 Mar 2022 14:56:15 +0000

Домаќини на Европското првенство во кошарка во 2025 година ќе бидат Летонија, Кипар и Финска. Ова е епилогот по денешното гласањето на делегатите на ФИБА-Европа. Летонија, Кипар и Финска ќе бидат домаќини на една од четирите групи. Финалната фаза на Евробаскет 2025 ќе се одржи во Летонија. Домаќин на уште една група на ЕП 2025 може да биде Украина. ФИБА преговара со украинската федерација и до ноември ќе донесе конечна одлука. Се разгледува алтернативна опција. (МИА)