евробаскет – Kurir.mk

Македонската репрезентација ги доби противниците во квалификациите за Евробаскет 2025

Ивона Петрова — Tue, 08 Aug 2023 11:59:34 +0000

Македонската кошаркарска репрезентација за место на Европското првенство во 2025 година ќе се бори со Литванија, Естонија и Полска во Х-групата од квалификациите кои ќе почнат во февруари, наредната година. Согласно со „рестрикциите“ на ФИБА, со оглед на тоа дека Полска е еден од ко-домаќините на наредното Европско првенство, и има обезбедено директен пласман на шампионатот, место во завршниот дел ќе има за најдобрите две пласирани репрезентации. Со денешната ждрепка во Минхен беа формирани и другите седум квалификациски групи: А-група: Словенија, Украина, Израел, Португалија Б-група: Италија, Турција, Унгарија, Исланд Ц-група: Шпанија, Летонија, Белгија, Словачка Д-група: Германија, Црна Гора, Бугарија, Шведска Е-група: Франција, Хрватска, Кипар, Босна и Херцеговина Ф-група: Грција, Чешка, Холандија, Велика Британија Г-група: Србија, Финска, Грузија, Данска.

ЕВРОБАСКЕТ: Италија направи сензација и ја елиминира Србија

Бошко Тасиќ — Sun, 11 Sep 2022 18:55:44 +0000

Кошаркарската репрезентацијата на Србија важеше за најголем фаворит за освојување на златниот медал, но Евробаскетот го заврши уште во осминафиналето. Италија потполно заслужено патува меѓу најдобрите псум репрезентации на Евробаскетот.

Натпреварот во голем тек беше изедначен, но во вториот период Србија имаше и 12 поени предност, 39-27. Во текот на третата четвртина имаа и 59-49 и тогаш почна да им се топи предноста.

Во последните десет минути Србија влезе со водство од два поени разлика 68-66, но потоа се деси мрак. Италија направи неверојатна серија од 16-2 и поведе со 12 поени разлика, 82-70. До крајот само рутински го приведоа мечот и победија со 94-86.

Најдобар во составот на Италија беше Спису со 22 поени, Мели постигна 21, а Фонтечио 19. Кај Србија, Никола Јокиќ постигна 32 поени, имаше и 13 скокови, Мициќ реализраше 16.

Италија во четвртфиналето ќе игра против Франција.

Тројца судии суспендирани од ЕП

Бошко Тасиќ — Wed, 07 Sep 2022 05:15:41 +0000

Италијанскиот судија Мануел Мацони и Полјаците Војчех Лиска и Михал Прок добија суспензија од Европското првенство поради лошо судење на мечот меѓу Литванија и Германија.Грчкиот новинар Јоргос Закас истакнува дека овие тројца арбитри повеќе нема да судат на 41. Европско првенство во кошарка. Литванците беа жестоко оштетени против домаќинот на ЕП. Во третата четвртина не изведоа слободно фрлање, кое мораа да го изведат бидејќи германскиот селектор Гордон Херберт доби техничка грешка. На крајот Литванија доживеа пораз по две продолженија 109:107.По мечот, Литванците поднесоа жалба, која ФИБА експресно ја одби. По три кола во групата Б, Германија има три победи, а Литванија забележа три порази.

ЕВРОБАСКЕТ: Украина игра фантастично на Евробаскет 2022, Србија рутинирано

Бошко Тасиќ — Tue, 06 Sep 2022 05:09:31 +0000

Кошаркарската репрезентација на Србија во понеделникот убедливо ја совлада Финска во „О2 арената“ во Прага со резултат 100:70. Избраниците на тренерот Светислав Пешиќ ја постигнаа третата победа на Евробаскетот и се први во групата „Д. Марканен кај Финците реализираше 18 поени (седум скокови, пет асистенции), а на спротивната страна Мициќ (седум скокови) и Недовиќ постигнаа по 14 коша. Украина во групата „Ц“ ја забележа и третата победа откако беше подобра и од Италија со 84:73. Михалиук со 25 поени беше најефикасен во победничките редови, а Полонара со 17 поени доминираше кај Италијанците. Во истата група и Грција има максимален учинок од три победи, со 93:77 нашиот јужен сосед беше подобар од Велика Британија. Слукас беше прв стрелец за грчката селекција со 21 поен (пет асистенции), а кај Британците Нелсон запиша 17 коша

Браздеикис: Судиите свират во корист на Дончиќ

Бошко Тасиќ — Sun, 04 Sep 2022 06:38:06 +0000

Новиот играч на Жалгирис, Игнас Браздеикис се осврна на арбитражата на мечот меѓу Литванија и Словенија, особено на оние во корист на противничката суперѕвезда Лука Дончиќ. Иако и Литванците имаат неколку врвни кошаркари во своите редови, а играа и исклучително грубо на тој натпревар, Браздеикис смета дека Дончиќ имал протекции. „Дефинитивно, некои судиски одлуки беа дискутабилни, нема сомнение. Знаете, кога имате таква суперѕвезда, тој ќе добие некои одлуки во своја корист. Треба само да се остане присебен, не можете премногу да се осврнувате на тоа“, изјави Браздеикис

ЕВРОБАСКЕТ: Србија подобра од Чешка, Франција ја совлада Литванија

Бошко Тасиќ — Sat, 03 Sep 2022 19:17:17 +0000

Кошаркарската репрезентација на Србија преку Чешка 68-81 ја забележа втората победа на Европското првенство (ЕП) и се издвои на врвот во групата. По стартниот триумф над Холандија, „орлите“ предводени од Никола Јокиќ запишаа и втора радост. Не можеа Чесите во чии редови главен адут беше Весели да парираат на првиот фаворит за медал, во „О2 Арената“ во Прага. Никола Јокиќ беше лидер на Србија со 18 поени и 11 скока, пред Мициќ со 13 поени, додека кај Чешка, Хрубан и Крејчи имаа по 13 постигнати поени, а најдобриот играч Весели беше задржан на само два поени, без ниту една реализација од игра. Дербито на денот го одиграа Литванија и Франција, а го добија „триколорите“ (73-77). Во „Ланксес Арена“ во Келн најдобар беше Фурние од Франција со 28 поени, додека во спротивниот тим Валанчунас и Григонис дадоа по 15 и 13 поени.

Драгиќ: Би сакал со брат ми да ја освојам титулата на Европскиот шампионат

Бошко Тасиќ — Sat, 03 Sep 2022 05:28:43 +0000

Плејмејкерот на словенечката репрезентација Горан Драгиќ истакна дека медалот на ова Европско првенство ќе биде уште позначаен за него бидејќи овојпат ќе има можност да го прослави со својот брат кој не беше дел од селекцијата. на ЕП 2017 поради повреда. Пет години откако ја предводеше Словенија до првиот златен медал на ЕП и беше прогласен за МВП, Драгиќ се врати на шампионатот со победа над Литванија.

„Кога го освоивме златото во 2017 година, брат ми беше повреден и не можеше да биде таму. Ова ЕП е едно од најтешките, но дојдовме со големи очекувања. Би сакал да ја освојам титулата со него“, изјави Драгиќ.

Избрани 12 кошаркари кои ќе играат на Евробаскетот за Италија

Бошко Тасиќ — Sun, 28 Aug 2022 06:30:08 +0000

Селекторот на италијанската кошаркарска репрезентација, Џанмарко Поцеко го објави конечниот список на кошаркари со кои ќе оди на Европското првенство.Последен играч кој го загуби местото во репрезентацијата беше центарот на Венеција, Амедео Теситори. Во финалните 12 за настап на Евробаскетот 2022 се најдоа: Марко Спису (Венеција), Нико Манион (Виртус), Пол Билига (Милано), Стефано Тонут (Милано), Данило Галинари (Бостон), Николо Мели (Милано), Симоне Фонтекио (Јута), Џампаоло Ричи (Милано), Томазо Балдасо (Милано), Ахил Полонара (Анадолу Ефес), Алесандро Пајола (Виртус), Луиџи Датоме („Милано“). Европското првенство ќе се одржи од 1 до 18 септември во Германија, Италија, Чешка и Грузија.

Љуљ ќе го пропушти Евробаскет 2022 поради повреда

Магдалена Андонова — Thu, 25 Aug 2022 12:06:47 +0000

Искусниот кошаркар Серхио Љуљ нема да и помогне на шпанската репрезентација на Европското првентво 2022. Триесет и четиригодишниот Љуљ беше подложен на медицинска контрола по вчерашниот натпревар од квалификациите за СП 2023 против Исланд (87:57). Според Шпанската кошаркарска федерација, повредата не е сериозна, но била донесена одлука играчот да биде ослободен од националниот тим. Членот на Реал Мадрид се очекува да се врати на теренот до почетокот на следната клупска сезона. Евробаскет 2022 ќе се игра во четири држави од 1 до 18 септември.

Дончиќ: На ЕП одиме по златото

Ивана Ефремовски — Wed, 17 Aug 2022 11:50:42 +0000

Најдобриот словенечки кошаркар, Лука Дончиќ изјави дека како победник на Евробаскет 2017 си поставил за цел да ја одбрани титулата на претстојното Европско првенство 2022. -Одиме во Германија да освоиме злато. На секој турнир каде што учествуваме нашата цел секогаш треба да биде првото место. Ќе направиме сè за ова, но ќе видиме дали ќе успееме. Во 2017 година никој не нè сфати сериозно кога ја објавивме нашата намера да освоиме златни медали, денес сè е поинаку. Пријатно е чувството кога се знае дека сите вложуваат дополнителни напори против нас за да не победат, изјави Дончиќ. Евробаскет 2022 ќе се игра од 1 до 18 септември . Словенија е во Б-групата заедно со ко-домаќинот на првенството Германија, Унгарија, Литванија, Босна и Херцеговина и Франција. (МИА)