Евробаскетот 2021 – Kurir.mk

Европа ќе добие нов владетел, Словенија елиминирана од Полска

Бошко Тасиќ — Wed, 14 Sep 2022 20:54:16 +0000

Полска го победи актуелниот европски шампион, Словенија. Полска фуриозно го почна мечот, во текот на втората четвртина поведе и со највисоки 23 поени разлика, 54-31.

Но Словенија успеа да ја надополни таа негатива, имаа совршена трета четвртина во која постигнаа 24 поени, а на противникот му дозволија даде само шест поени.

Во последниот период Словенија го сврте мечот, имаше водство и од пет разлика и тогаш се чинеше дека работите си дојдоа на свое. Но финишот и припадна на селекцијата на Полска која го врати водството и на крајот победи со 90-87.

Најголемата ѕвезда на Словенија, одигра лош натпревар, даде само 14 поени, погоди само 1 од 4 слободни фрлања, имаше 33 проценти реализација, 2 од 7 за три поени и 5 од 15 за два.

Најефикасен во составот на Словенија беше Чанчар со 21 поен, Драгиќ реализираше 17.

Играч на мечот беше Матеуш Понтика кој имаше трипл-дабл учинок со 26 поени, 16 скокови и 10 асистенции.

Полска во полуфиналето ќе игра против селекцијата на Франција. Во другото полуфинале се среќаваат Шпанија и Германија.

ЕВРОБАСКЕТ: Грција ја елиминира Чешка

Бошко Тасиќ — Sun, 11 Sep 2022 20:47:36 +0000

Грчката кошаркарска репрезентација се пласира во четвртфиналето на Евробаскетот по победата над Чешка со 94:88. Јанис Антетокумбо беше најдобриот грчки играч со 27 поени, а одлични беа Ник Калатес со 14 односно Јанис Папапетру со 13. Кај Чесите петмина имаа двоцифрен број на поени, најмногу Јан Весели со 21, Војтех Хрубан 17, Балвин и Ауда по 12 и Бохачик 11. Во четвртфиналето Грците ќе играат со Германија.

ЕВРОБАСКЕТ: Чешка го елиминира Израел, Грција уште еднаш покажа сила

Бошко Тасиќ — Thu, 08 Sep 2022 18:50:44 +0000

Кошаркарската репрезентација на Грција стигна до петтата победа на Европскиот шампионат откако со конечни 90:69 ја совлада Естонија и има перфектен скор во групната фаза. Најдобар поединец повторно беше Јанис со 25 поени, а кај поразениот тим Вене со 19. Од друга страна пак репрезентацијата на Чешка го совлада Израел со 88:77. Со ова го освои седмиот бод, и четвртото место во групата, додека Израел остана на двете победи од претходно.

ФИБА: Суспензија за арбитрите од мечот меѓу Литванија и Германија

Бошко Тасиќ — Mon, 05 Sep 2022 20:22:29 +0000

Дуелот меѓу Литванија и Германија предизвика лавина на реакции во рамки на ЕПво кошарка. „Црна дамка“ оставија арбитрите, кои не ѝ доделија дополнително слободно фрлање на Литванија поради техничка грешка на германскиот селектор Гордон Херберт. Поради тоа Литванците поднесоа жалба, но постапката не беше прифатена. Сепак, сега пристигна мала утеха за селекцијата која по две продлженија загуби од Германија (109-107). Имено, италијанскиот судија Мануел Мацони и полските арбитри Војчех Лишка и Михал Прок се суспендирани од Евробаскетот.

ВИДЕО: ФИБА го претстави логото за Евробаскетот 2021

Ивона Петрова — Tue, 17 Dec 2019 12:17:13 +0000

Европската кошаркарска федерација, ФИБА Европа, денеска го обелодени официјалното лого за Евробаскетот кој ќе се игра во 2021 година. ЕП во 2021 година кое ќе биде 41-во по ред, ќе се одржи во Чешка, Грузија, Германија и Италија, а шанса за настап таму ќе има и македонската репрезентација, која ќе треба да освои едно од првите три места во квалификациската група со Италија, Русија и Естонија. Логото на ЕП 2021 го дизајнираше лондонска агенција. Инспирацијата за логото е драмата, возбудата и очекувањата од првенството кое ги спојува фановите низ целиот континент, па и пошироко. Има и елементи кои симболизираат енергија.

Македонските кошаркари од Перм ги почнуваат квалификациите за Евробаскетот 2021

Ивона Петрова — Thu, 28 Nov 2019 11:49:07 +0000

Градот Перм ќе биде во улога на домаќин на првиот квалификациски натпревар за пласман на Евробаскетот 2021 година, во која селекцијата на Русија ќе ја пречека македонската репрезентација. Вака гласи одлуката на раководството на Руската кошаркарска федерација за дуелот кој е закажан за 23 февруари, наредната 2020 година. Во информацијата за медиумите од РФБ велат дека летоска Перм се покажал како одличен организатор на „Купот на мирот“, кој беше дел од подготовките на „зборнаја“ за Светскиот Куп, и каде беа совладани селекциите на Кина и на Финска. – Оттука во руската федерација се надеваат дека Перм и Универзалниот спортски дворец „Молот“ (со капацитет од 7.000 седишта) е нивната „добитна комбинација“, и дека нема потреба за промена на „домаќинството“ за дуелот со Македонија. „Црвено-жолтите“ ќе го започнат квалификацискиот циклус три дена порано, на 20. февруари, со дуелот против репрезентацијата на Естонија. А во тој февруарски „прозорец на ФИБА, не чека и мечот со топ фаворитот во групата „Б“, стои во информацијата објавена на КФСМ. Инаку 41. по ред Европско првенство во машка конкуренција ќе се одржи во периодот од 17. август до 3. септември, 2021 година во Прага (Чешка), Тбилиси (Грузија), Милано (Италија), Келн/Берлин (Германија). Во квалификациите учествуваат 32. национални тимови кои треба да поминат три „прозорци“ на ФИБА. Освен февруарскиот, во 2020 година на распоредот е оној во ноември, додека квалификациите ќе бидат затворени во февруари, 2021 година. Покрај македонската и руската селекцијата, во нашата група се уште и селекциите на Естонија и Италија. Првопласираните три селекции во оваа, и останатите седум квалификациски групи ќе обезбедат пласман на Евробаскетот 2021.