европратеничка – Kurir.mk

Каталонската европратеничка Понсати пуштена на условна слобода

Тале Кристо — Wed, 29 Mar 2023 06:06:23 +0000

Каталонската европратеничка Клара Понсати (66), која беше уапсена вчера во Барселона под обвинение за учество во организирање на нелегалниот референдум за независност на Каталонија во 2017 година, е пуштена на условна слобода. Понсати, поранешен член на каталонската влада задолжен за образование, во вторникот по петгодишно отсуство се врати во Шпанија, влегувајќи со автомобил од соседна Франција. Понсати, поранешна членка на каталонската влада задолжена за образование, вчера по петгодишно отсуство се врати во Шпанија, влегувајќи со автомобил од соседна Франција. Каталонската полиција ја приведе во центарот на Барселона врз основа на налог за апсење издаден од Врховниот суд во Мадрид. Таа претходно одржа прес-конференција на која соопшти дека се вратила за да „укаже на систематското кршење на правата на Каталонците“. Понсати, професорка по економија, ја напушти Каталонија по референдумот за независност во 2017 година кој беше забранет од шпанскиот Уставен суд. Потоа предаваше на универзитет во Шкотска, а од 2020 година е пратеничка во Европскиот парламент. Истражен судија во Барселона синоќа ја пушти на условна слобода, неколку часа откако беше уапсена, и нареди да се појави во Врховниот суд во Мадрид на 24 април, каде беше обвинета за непослушност. Како поранешна членка на каталонската Ввлада, таа е обвинета дека не ја послушала одлуката на Уставниот суд, кој забрани одржување референдум во Каталонија, автономна покраина со 7,5 милиони жители во североисточна Шпанија.

Европратеничката Каили делумно признала вина по скандалот „Катаргејт“

Дарко Андоновски — Tue, 20 Dec 2022 20:38:14 +0000

Европратеничката Ева Каили во текот на истрагата за корупција во Европскиот парламент, признала дека побарала од нејзиниот татко да скрие дел од парите, кои подоцна биле пронајдени во нејзиниот дом. Каили беше уапсена на 9 декември, истиот ден кога претходно беше уапсен нејзиниот татко со актовка полна со готовина. Се посочува дека тој носел околу 600 илјади евра, додека Каили е познато дека поседувала околу 150 илјади евра. Истиот ден беше претресен домот на европратеничката. Каили веќе признала дека побарала од нејзиниот татко да скрие дел од парите, кои потоа биле пронајдени во нејзиниот дом. Медиумите пишуват дека таа му кажала на истражниот судија Мишел Клиз дека била свесна за минатите односи на нејзиниот сопруг со поранешниот европратеник Пјер Антонио Панцери и оти низ нејзиниот стан поминале куфери со пари. Белгиските медиуми претходно објавија дека признание дал и сопругот на Каили, Франческо Џорџи. Тој признал дека е дел од организација што ја користат Мароко и Катар за мешање во работите на Европската унија. Во своето признание, Џорџи тврдел дека неговата улога во организацијата била да раководи со парите. Според белгиските и италијанските медиуми, и Панцери делумно признал корумпираност и дејствување во интерес на Катар и на Мароко. Во своите признанија тој споменува дека европратеникот Марк Тарабела добивал подароци од Катар. Белгиското федерално обвинителство и адвокатите на инволвираните во скандалот одбиваат да ги коментираат овие тврдења.

Коментар: Европратеничката Ирена Јовева со сигурност не е воспитана дека има корени од Северна Македонија

Тале Кристо — Sun, 12 Jan 2020 22:13:40 +0000

И што да видам, младата девојка да ти била пратеничка во ЕУ парламентот од незнам која си ти словенечка партија, арно ама и тоа дури со македонско потекло по мајка. Со нејзиниот успех и нејзиното македонско потекло можеме да се гордееме сите, но она што ми остави голем впечаток е тоа што се запалила за пустата си СЕВЕРНА МАКЕДОНИЈА, не верувам, а и секој нормален Македонец не верува дека додека пратеничката во ЕП парламент Ирена Јовева додека растела во Словенија нејзината мајка ја подучувала дека таа всушност потекнува од нејзината денешна си нејзина СЕВЕРНА МАКЕДОНИЈА. Иако родени за време на длабок комунизам, а исто и самиот јас роден во Комунизмот, моите родители благодарение на нивните предци ми го пренесоа она богатство дека сум Македонец и за да можам да го пренесувам на моите идни поколенија, деца, ќерки, внуки и така натаму... националноста и припадноста се од исклучително значење за сите народности, ова барем европската пратеничка треба да го знае, бидејќи таму на столчето кај што седи освен за рака дигање сигурно има прилика да слушне како сите претставници на нивните држави па и по припадност ги бранат интересите на оние кои што ги застапувааат. Ирена ти посакувам убава и богата кариера, големи поздрави од Трајан Кристо од село ШУЛИН Мала Преспа, Република Албанија.