Европска агенција за лекови – Kurir.mk

Европската Агенција за лекарства одобри две верзии вакцини против Омикрон сојот на коронавирусот

Магдалена Андонова — Thu, 01 Sep 2022 15:32:29 +0000

Агенцијата за лекарства на Европската унија (ЕМА) денеска одобри верзии на вакцини против коронавирусот прилагодени на омикрон сортата, развиени од фармацевтските компании „BioNTech/Pfizer“ и „Moderna“. Агенцијата појасни дека Комитетот за хумани медицински производи на ЕМА препорачал одобрување две вакцини приспособени да обезбедат поширока заштита од Ковид-19 како засилувачка доза. Вонредната седница на Агенцијата беше свикана за да се донесе одлука пред почетокот на есенските кампањи за вакцинација. „Овие вакцини се адаптирани верзии на оригиналните вакцини Comirnaty (Pfizer/BioNTech) и Spikevax (Moderna) за да ја таргетираат подваријантата Omicron BA.1 како додаток на оригиналниот вид коронавирус“, се објаснува во соопштението на ЕМА. Според проценката на Агенцијата, односните вакцини може да предизвикаат силни имунолошки реакции против „Omicron BA.1“ и оригиналниот вид на „SARS-CoV-2“ кај луѓето кои претходно биле вакцинирани. Во јуни EMA започна со преглед на адаптираните акции на „Moderna“ и „BioNTech/Pfizer“. Сепак, тие вакцини се развиени за заштита од постарата подваријанта на омикрон, а не од соевите „BA.4“ и „B.5“ што брзо се шират, а се одговорни за повеќето инфекции со коронавирус во Европа во моментот. ЕМА моментално собира информации од клиничките испитувања за друга вакцина „BioNTech/Pfizer“ прилагодена на подваријантите „BA.4“ и „B.5“. (МИА)

ЕМА ја одобри вакцината на Новавакс против Ковид-19

Дарко Андоновски — Mon, 20 Dec 2021 14:42:51 +0000

Европската агенција за лекови (ЕМА) ја одобри вакцината против Ковид-19 од американската компанија Новавакс, која користи поконвенционална технологија и за која биотехнолошката компанија се надева дека ќе ги намали колебањата во однос на вакцините. – ЕМА препорача издавање на условно овластување за пуштање на пазарот на вакцината на Новавакс, Нуваксовид, за заштита од Ковид-19 кај лица над 18-годишна возраст, соопшти Европската агенција за лекови. Ова е петта вакцина препорачана за употреба во Европската унија.

ЕМА: Третата доза на вакцината против Ковид-19 е „безбедна и ефикасна“ три месеци по ревакцинацијата

Дарко Андоновски — Thu, 09 Dec 2021 16:05:07 +0000

Европската агенција за лекови (EMA) денеска соопшти дека е „безбедно и ефикасно“ да се примат засилувачки дози на вакцините против Ковид-19 три месеци по втората доза. Тој период е намален на три месеци наспроти преходните најави за шест месеци по ревакцинацијата. – Податоците што моментално се достапни поддржуваат сигурна и ефикасно аплицирање на засилувачка доза три месеци од завршувањето на примарната вакцинација, изјави шефот за стратегијата за вакцини во ЕМА, Марко Кавалери.

Европската агенција за лекови во четврток ќе објави заклучок за вакцината на АстраЗенека

Ивона Петрова — Tue, 16 Mar 2021 06:23:20 +0000

Експертите од Европската агенција за лекови (ЕМА) денеска ќе ги разгледуват достапните податоци за привремената суспензија на вакцината против Ковид-19 на АстраЗенека во голем број земји-членки на Европската Унија по појава на згрутчување на крвта. В четврток е закажан вонреден состанок на Комисијата за безбедност на лекови на ЕМА (ПРАК), по што ќе биде објавен заклучок за безбедноста на вакцината на АстраЗенека и ќе даде препораки за тоа што да се преземе во иднина. – ЕМА тесно соработува со компанијата, експерти за крвни болести и други здравствени органи, вклучувајќи ја и британската Агенција за регулација на лекови и здравствени производи (МХРА), анализирајќи го податоците од аплицираните речиси 11 милиони дози вакцини, се наведува во соопштението на ЕМА. Во соопштението се додава дека експертите детално ги проучуваат сите податоци за случаите на појава на згрутчување на крвта по примањето на вакцината на АстраЗенека.

Хакери украле документи од Европската агенција за лекови поврзани со вакцините против Ковид-19

Магдалена Андонова — Sat, 16 Jan 2021 11:45:25 +0000

Документите од Европската агенција за лекови поврзани со вакцините за коронавирус биле украдени, изменети и потоа објавени на Интернет, јави ДПА. Документите вклучуваат доверлива е-пошта, во која се прават проценки за вакцините. „Некои од мејловите се манипулирани од крадците за да се наруши кредибилитетот на вакцините“, соопшти агенцијата. Во декември, компјутерски криминалци упаднаа во компјутерскиот систем на агенцијата и добија документи кои им припаѓаат на производителите на вакцини Фајзер и Бионтек. Не е јасно каде се објавени документите, а непознати засега се и идентитетот и мотивите на хакерите. Истрагата е во тек. Агенцијата ги проценува вакцините и лековите пред да ги препорача на Европската унија за одобрување. Извор: Точка.мк

ЕМА: Вакцината на Фајзер најверојатно ќе биде ефикасна и против новиот вид на Ковид-19

Магдалена Андонова — Mon, 21 Dec 2020 16:01:34 +0000

Директорката на Европската агенција за лекови Емер Кук денеска изјави дека вакцината на Фајзер-БионТек против новиот коронавирус најверојатно ќе биде ефикасна и против новиот вид на Ковид-19 што се шири низ Велика Британија. – Во овој момент нема доказ што би укажал дека вакцината нема да биде ефикасна и против новиот вид, истакна Кук. (МИА)

Европската агенција за лекови: Хлорокин и неговиот дериват само за „итни програми“

Катерина Бојаџиева — Wed, 01 Apr 2020 19:16:00 +0000

Антималарикот хлорокин и неговиот дериват хидроксихлорокин дериват можат да се користат само во третманот на Ковид-19 во клинички испитувања и во „програми за итни случаи“, предупреди денеска Европската агенција за лекови (ЕМА). Неколку држави во светот овозможија да препишат антивирусни лекови на пациенти со коронавирус , без да се чекаат резултатите од клиничките испитувања. Иако резултатите од првите студии во Франција и Кина ветуваат, ефикасноста на хлорокин и хидроксихлороин „допрва треба да се докаже“ и овие активни супстанции треба да се користат само во третманот на „Ковид-19“ во случај на крајна потреба, истакнува европска регулаторна агенција. – Пациентите и медицинскиот персонал треба да користат хлорохин и хидроксихлороин само во одобрени индикации и во клинички испитувања и програми за итни случаи на национално ниво, објаснуваат тие. Хлорокин и хидроксихлорокин, главно се користат во лекување на лупус и ревматоиден артритис, може да имаат сериозни несакани ефекти, особено ако се земаат во поголема доза од препорачаната или со други лекови.