европска интеграција – Kurir.mk

Работилница за улогата на парламентите во процесот на европска интеграција

Ивана Ефремовски — Wed, 03 May 2023 05:55:22 +0000

Во Собранието денеска ќе се одржи работилница на тема: „Улогата на парламентите во процесот на европска интеграција“. Работилницата е во рамките на Проектот за Програмата за парламентарна поддршка (ПСП), финансирана од Швајцарската агенција за развој и соработка (СДЦ), преку Швајцарската амбасада во Република Македонија, а спроведувана од Националниот демократски институт (НДИ), Институтот за демократија „Социетас Цивилис“ и Центарот за управување со промени.Домаќин на работилницата е Комисијата за европски прашања. Воведни говори ќе имаат заменик-претседател на Владата на Република Македонија, задолжен за европски прашања, Бојан Маричиќ, претседател на Комисијата за европски прашања Арбер Адеми и вишиот резидентен директор и тим лидер на Програмата за парламентарна поддршка Роберт Скот Хејзлет. За улогата на Парламентот во преговорите за пристапување во Европската Унија искуството ќе го пренесат претставници на парламентите од Чешка, Хрватска и Црна Гора. За сбранието на Република Македонија и новата методологија на преговарачкиот процес ќе зборува Зоран Нечев од Институт за демократија „Социетас Цивилис“. (МИА)

Ковачевски-Рама: Македонија и Албанија имаат заедничка цел за брза европска интеграција

Катерина Бојаџиева — Mon, 14 Nov 2022 10:24:44 +0000

Претседателот на Владата на Република Северна Македонија, Димитар Ковачевски, одржа тет-а-тет средба со претседателот на Владата на Република Албанија Еди Рама. На средбата премиерите на двете земји ја потенцираа важноста за натамошно унапредување на билатералната соработка, која и сега е на високо ниво. Премиерите дискутираа за потребата од зацврстување на соработката во повеќе сегменти, особено во овие турбулентни времиња на воени превирања и светска енергетска криза. На средбата се дискутираше и за евро-интегративните процеси на двете земји и важноста од фокусирана посветеност, сè со цел земјите да станат полноправни членки до 2030 година. Премиерите Ковачевски и Рама на средбата посочија дека денешната меѓувладина седница е од исклучително значење од што бенефит ќе имаат двете држави и граѓаните, во речиси сите области каде што има потенцијал за унапредување на соработката. Премиерите Ковачевски и Рама се согласија дека добрите билатерални односи помеѓу двете земји, се од голема важност и за економскиот развој, како и за продлабочување на бизнис соработката меѓу стопанствениците од двете земји. Негувањето на добрите релации, поврзување на народите, инфраструктурно зајакнување меѓу двете земји е од голема важност за натамошен напредок, беше заклучено на состанокот.

Форум за зајакнување на европската интеграција на Западен Балкан

Дарко Андоновски — Mon, 13 May 2019 05:34:49 +0000

„Зајакнување на европската интеграција на Западен Балкан – Учејќи од минатото, подготвувајќи се за иднината” е темата на форумот што ќе се почне денеска во организација на Институт за демократија „Социетас Цивилис“ – Скопје во соработка со Центарот за источни студии од Варшава и Амбасадата на Република Полска во Скопје. Настанот ќе трае два дена и ќе третира теми поврзани со Берлинскиот процес во контекст на полското претседателство, како што се регионалната соработка, безбедноста, миграцијата, европската интеграција на земјите од Западен Балкан, нивно вмрежување како и за надминување на билатералните проблеми. На Форумот ќе учествуваат претставници на граѓанското општество, академици од земјите од Западен Балкан плус Хрватска и Словенија, Вишеградските земји како и од други земји-членки на ЕУ. Исто така, учество ќе земе и висок претставник на Директорат за проширување и соседска политика на Европската комисија. Форумот, како што најавија организаторите треба да го Андреј Жерновски, заменик министер за надворешни работи на Македонија, Шимон Шинковски вел Сек, заменик министер за надворешни работи на Република Полска, Марко Трошановски, претседател на Институт за демократија „Социетас Цивилис“ – Скопје и Адам Еберхард директор на Центарот за источни студии.