европска народна партија – Kurir.mk

Манфред Вебер е новиот лидер на Европската народна партија

Ивона Петрова — Wed, 01 Jun 2022 06:05:24 +0000

Германскиот демохристијанин Манфред Вебер на синоќа одржаниот конгрес во Ротердам со поддршка на 89 отсто од гласовите беше избран за претседател на Еврпоската народна партија, најсилната политичка групација во Европарламентот. „Ние сме камен-темелник за безбедноста и иднината на Европа“, рече Вебер во обраќањето по објавувањето на резултатите. „Ние ѝ требаме на Европската унија“, додаде Вебер кој е долгогодишен член на баварската Христијанско-социјална унија. Новиот партиски лидер смета дека во време на економска криза и војна на границите на ЕУ, Европската народна партија ги нуди најдобрите решенија за европските проблеми. Тој ги критикуваше Левицата и десните популисти заради нивната погрешна политика кон Русија. „Во Германија можеме да видиме дека попуштањето е лош пристап, а опозицијата е во право“, рече Вебер додавајќи дека германската Влада предводена од социјалдемократите чиј поранешен претседател Герхард Шредер е близок со Владимир Путин, не зазела тврд став кон Русија. Истовремено тој ги критикуваше Зелените за спротивставувањето кон вооружување, додека за Левицата дека „сака да го ослабне НАТО“. За десничарските популисти како оние на Марина Ле Пен, тој рече дека тие се срам за Европската Унија заради, како што рече, потврденото нивно финансирање од руската Влада и поради нивното претходно спротивставување на проширувањето на ЕУ кон исток. Европската народна партија, како што рече Вебер, е посветена на „иновации, а не на ограничувања“ во борбата против климатските промени и не сака деиндустријализација и економски неефикасни политики. Европската народна партија (ЕПП) е политичка групација од десниот центар со најбројна пратеничка група во Европскиот парламент, со свои членови за претседатели на Европскиот парламент и на Еврокомисијата. Вебер е претседател на парламентарната група на ЕПП од 2014 година преземајќи ја функцијата од поранешниот полски премиер Доналд Туск кој реши да се повлече од лидерската позиција на ЕПП откако ја презеде лидерската функција во Граѓанската платформа, најголемата опозициска партија во Полска. Вебер немаше противкандидати на вчерашниот партиски конгрес иако во медиумите кон крајот на минатата година се шпекулираше и со други кандидатури, меѓу кои грчкиот премиер Киријакос Мицотакис, хрватскиот премиер Андреј Пленковиќ и ЕУ преговарачот за Брегзит, Мишел Барниер.

Вебер повторно избран за претседател на ЕПП

Ивона Петрова — Wed, 13 Oct 2021 12:14:29 +0000

Германскиот демохристијанин Манфред Вебер денеска по третпат е избран за шеф на Европската народна партија, најголемата група во Европскиот парламент. – Горд сум и благодарен на моите колеги што ме избраа повторно да претседавам со групата на ЕПП. Со нетрпение очекувам да ја продолжиме нашата работа за зајакнување на христијанската демократија и десниот центар низ Европа, рече Вебер по изборот, на кој освои огромно мнозинство гласови. Тој најави дека ќе се бори против оние кои сакаат да ја загрозат и уништат ЕУ. – Христијанската демократија беше принцип на создавање на ЕУ и ЕПП е водечка сила за силна и стабилна Европа блиска до народот, рече Вебер. Вебер (49) е претседател на Христијанско – социјалната унија (ЦСУ), најсилната партија во Баварија, и ја предводи парламентарната група на ЕПП од 2014 година.

ЕПП и посакува среќа на ВМРО-ДПМНЕ на изборите: Борбата против корупцијата, независното судство, економските реформи и владеењето на правото мора да продолжат

Дарко Андоновски — Thu, 09 Jul 2020 13:29:26 +0000

Европската народна партија преку твит на официјалниот Твитер канал им посака на ВМРО-ДПМНЕ среќа на изборите на 15 јули. Имено Европската народна партија пишува дека борбата против корупцијата во нашата земја, независното судство, економските реформи и владеењето на правото мораат да продолжат. -ЕПП посакува нашата партија членка @VMRO_DPMNE се најдобро за изборите на 15 јули. Борбата против корупцијата, за независно судство, економските реформи и владеењето на правото мора да продолжат. Слободни и фер избори се неопходни за да се донесе земјата на нејзиниот европски пат, стои во нивниот твит.

Ова се пораките од лидерите на ЕПП самитот во Загреб: Мицкоски порачува дека Македонија припаѓа на европското семејство

Дарко Андоновски — Thu, 21 Nov 2019 20:14:35 +0000

Лидерот на ВМРО-ДПМНЕ Христијан Мицкоски вчера и денеска присуствуваше во Загреб во рамки на самитот на Европската Народна Партија. Освен Мицкоски на самитот на ЕПП се обратија и Ангела Меркел, Силвио Берлускони, Себастијан Курц, Јанез Јанша и многу други... Нивните поенти од самитот се во продолжение: Инаку Доналд Туск кој е претседател во заминување на Европскиот совет беше избран како нов претседател на ЕПП. -Како Македонци, припаѓаме на европското семејство затоа што споделуваме европски вредности, рече Мицкоски. -ЕПП отсекогаш била подготвена, а понекогаш и години напред. Ни требаат свежи нови идеи за да се соочиме со предизвиците на утрешниот ден, потенцираше Даул. -Ние сакаме силно и стабилно ЕУ, затоа ни се потребни силни и стабилни земји-членки. Заштитата на нашиот европски начин на живот е услов за сè друго, истакна Јанша. -Ние сме либерали, демократи сме, христијани сме, ние гарантираме права, нашите права ни припаѓаат по наша природа. ЕПП е единственото политичко семејство кое може да го гарантира ова, потенцираше во своето излагање Берлускони. -Ни требаат посилни сили во центарот. Наша должност како ЕПП е да бидеме фокусирани на политичкиот центар и на централните прашања, изјави Курц. -Во мај гласачите беа многу јасни, сакаат Европа да дејствува обединето во однос на предизвиците со кои се соочува светот, рече Лејен. -Без помошта на нашите европски пријатели Берлинскиот ѕид не би паднал пред 30 години. Улогата на ЕПП е да гради мостови, рече Меркел.

Туск избран за претседател на ЕПП

Ивона Петрова — Thu, 21 Nov 2019 06:40:07 +0000

Претседателот во заминување на Европскиот совет Доналд Туск е новиот претседател на Европската народна партија (ЕПП). Така одлучија синоќа во Загреб претставниците на тие партии на кои Туск им вети дека ќе се бори против популистите. За Туск гласаа 491 пратеник, а против 37, на Конгресот на алијансата на европските демохристијански партии. Првиот лидер на Централна и Источна Европа на ЕПП ќе го замени Французинот Жозеф Дол, кој ја предводи партијата од крајот на 2013 година. Туск (62) беше единствениот кандидат за нов лидер на европската партија на десен центар и најсилната група во Европскиот парламент.

Денеска во Софија се одржа самитот на Европската народна партија, Мицкоски одржа неколку билатерални средби

Матеја Петровски — Wed, 16 May 2018 15:12:23 +0000

Денеска во Софија се одржува самит на Европската народна партија, на кој учесник е и македонската опозициска партија ВМРО-ДПМНЕ. На самитот претседателот на ЕПП порача дека запдно-европските земји мора и формално- правно да станат дел од европското семејстов,а дека одговорноста е и во рацете на Брисел. Домаќинот Борисов и Дол пред почетокот на состанокот на сите сестрински партии од цела Европа, во Резиденцијата Бојана во Софија порачаа дека очекуваат помирување на сите земји кои имаат билатерални проблеми за да се демонстрира позитивна енергија. -Географски припаѓаме на ист простор, делиме исти цели. Балканот секогаш бил приоритет за Европската народна партија, но одговорноста за се што се случува на териториите на Западен Балкан ја има и Европската Унија. Она што сите заедно треба да се потрудиме да направиме е да го обезбедиме владеењето на правото, да се бориме против корупцијата, да им ја дадеме сета поддршка на западнобалканските земји, на кои местото им е во европските граници каде што се, изјави Дол. Домаќинот средбата Бојко Борисов порача дека граѓаните од Западен Балкан заслужуваат да бидат интегрирани. -Не сме тука да зборуваме за леви или десни. Граѓаните на Западен Балкан заслужуваат да бидат интегрирани во европското семејство. Ако не им помогнеме тогаш не треба ниту да бидеме изненадени ако заради тоа се зголеми влијаието на Русија и Кина, изјави Борисов Инаку самитот на Европската народна партија го искористи и претседателот на ВМРО-ДПМНЕ, Христијан Мицкоски, кој оствари неколку билатерални средби со големи европски политичари, како Јозеф Дол, Себастијан Курц, Доналд Туск и Јоханес Хан.