европски куп – Kurir.mk

Ракометарките на Ѓорче Петров против полски Јарослав во Европскиот куп

Тале Кристо — Tue, 13 Dec 2022 17:56:54 +0000

Полски Еуробуд ЈКС Јарослав ќе биде противник на ЖРК Ѓорче Петров во осминафиналето на Европскиот ракометен куп во женска конкуренција, одлучи денешната жрепка во седиштето на ЕХФ во Виена. Првите осминафинални натпревари се на програмата на 7/8 јануари, додека реваншите на 14/15 идниот месец. Жрепката одлучи првиот натпревар да се игра во Јарослав, а реваншот во Скопје.

Македонските атлетичари соборија три државни рекорди на Европскиот куп

Ивона Петрова — Mon, 21 Jun 2021 09:27:04 +0000

Три национални рекорди соборија македонските атлетичари на Европското екипно првенство што изминатиот викенд се одржа во Лимасол. На завршниот ден од Европскиот куп, Дарио Ивановски постави нов државен рекорд во дисциплината 3.000 метри, истрчувајќи ја патеката во време од 8:06.66. Македонскиот атлетичар мина трет низ целта, зад Џордан Гусман од Малта (7:53:70) и Србинот Елзан Бибиќ (7:55:51). Државниот рекорд во дисциплината 5.000 метри го собори и Адријана Поп Арсова, истрчувајќи ја патеката за 17:42:08 минути. Претходно на Европското екипно првенство во Лимасол нов македонски рекорд на 400 метри со пречки постави и Дрита Ислами со време од 57:53 секунди.

Алкалоид со силен состав на шаховскиот Европски куп во Грција

Дарко Андоновски — Wed, 10 Oct 2018 07:40:46 +0000

Македонскиот шаховски шампион Алкалоид од утре до 18 октомври ќе учествува на Европскиот клупски куп што ќе се одржи во Порто Карас, Грција. Пред две години Алкалоид во Нови Сад стана европски шампион, а минатата година во Анталија заврши на втората позција. И годинава „Фармацевтите“ се со високи амбиции, бидејќи во својот состав имаат шест врвни светски велемајстори од Кина, Русија и Украина, заедно со двајцата најдобри македонски играчи. Состав на Алкалоид за ЕКК 2018: Динг Лирен, Ју Јангји, Дмитриј Јаковенко, Дмитриј Андрејкин, Павел Ељанов, Јури Криворучко, Трајко Недев и Филип Панчевски. Капитен на екипата е Драгољуб Јаќимовиќ.