Фејсбук ги разгледува последиците од одлуката на Европскиот суд за правда

Магдалена Андонова — Thu, 16 Jul 2020 13:24:55 +0000

Компанијата Фејсбук денеска соопшти дека ги разгледува импликациите од одлуката на Европскиот суд за правда, со која договорот меѓу ЕУ и САД за пренос на податоци е прогласен за неважечки, бидејќи, според Судот, приватноста на граѓаните од земјите на Унијата со тој акт не е доволно заштитена. Со судската одлука всушност се укинува привилегираниот пристап, кој со нивните лични податоци го имале американските компании, но и разузнавачките служби на САД. Претставничката на Фејсбук за правни работи, Ева Нејгл изјави дека компанијата внимателно ги разгледува наодите изнесени во судската одлука и нејзините импликации, кога станува збор за тој договор, наречен „Штит на приватноста“, но очекува и упатства од регулаторните органи. – Ќе обезбедиме нашите огласувачи, клиенти и партнери да можат да продолжат да ги користат услугите на Фејсбук, а притоа нивните податоци да останат безбедни и заштитени, истакна Нејгл. (МИА)

Европскиот суд за правда на 10 декември ќе ја донесе одлуката за едностран излез на Британија од ЕУ

Дарко Андоновски — Thu, 06 Dec 2018 11:19:43 +0000

Европскиот суд за правда денеска соопшти дека одлуката за тоа дали Велика Британија може еднострано да излезе од ЕУ ќе биде донесена на 10 декември. Одлуката се донесува со невообичаена итност, пред клучното гласање во британскиот Парламент за тоа дали ќе го прифати договорот за Брегзит кој го постигна британската премиерка Тереза Меј. Советник на Европскиот суд за правда завчера изјави дека Британија може едноставно да го запре Брегзит, без одобрение од другите држави членки, со што се зголемија надежите на оние кои сакаат да го запрат процесот. Судиите вообичаено следат такви мислења, коментираат светските агенции. Во меѓувреме, Меј на пратениците во британскиот Парламент им повтори дека изборот е или да го поддржат нејзиниот договор или да се соочат со Брегизт без договор, или дури и негово поништување. – Постојат три опции: едната е да ја напуштиме Европската унија со договор, другите две се да ја напуштиме без договор или воопшто да не дојде до Брегзит, истакна таа. Меј рече дека е јасно оти во британскиот Парламент постојат луѓе кои сакаат да го спречат Брегзит и на тој начин да го поништат гласот на британскиот народ, но оти смета дека тоа не е исправно.

европски суд за правда – Kurir.mk

Фејсбук ги разгледува последиците од одлуката на Европскиот суд за правда

Европскиот суд за правда на 10 декември ќе ја донесе одлуката за едностран излез на Британија од ЕУ