Европско првенство во ракомет – Kurir.mk

Словенија во следна фаза, Србинките си одат дома, Хрватска со гол во финишот извлече реми

Дарко Андоновски — Tue, 08 Nov 2022 18:52:31 +0000

Се одиграа два меча од Европското женско првенство во ракомет, а во центарот беше екс-ју дербито помеѓу Словенија и Србија кој се одигра во Цеље. Победија Словенките со 27:24 што е нивна втора победа во групата Б со која обезбедија пласман во наредната рунда. Првиот дел им припадна на Србинките со 13:15, но во второто полувреме домашните ракометарки беа многу подобри и на крајот направија пресврт. Најефикасни кај Словенија беа Елизабет Омореги со 6 гола и Ана Грос со 5 гола. Кај Србија по четири постигнаа Јањушевиќ и Кристина Лисчевиќ. Со овој пораз Србинките го завршија настапот на еврошампионатот. Во групата А, Хрватска и Швајцарија одиграа 26:26 во Загреб. Домашните ракометарки имаа водство речиси на цел меч, но потоа се доведоа во ситуација да се спасуваат од пораз. Со гол во последните секунди Хрватките извлекоа реми и обезбедија пласман понатаму затоа што имаат три бода, додека Швајцарките со еден бод го завршија настапот.

ФОТО: Македонија промовирана на европското првенство во ракомет

Магдалена Андонова — Mon, 17 Jan 2022 16:42:08 +0000

Додека европското првенство во ракомет е во тек и се играат средбите од групната фаза, собирот на најдобрите репрезентации во Европа е шанса и за промоција. Па така, еден од најверните македонски навивачи Кипре, ја промовира Македонија, сега и преку маскотота на ЕУРО, со промотивен материјал во раце, порачува: „ПОТСЕТЕТЕ ЈА МАКЕДОНИЈА“

Лазаров ги изостави Митев и Трајковски за дуелот со Словенија

Дарко Андоновски — Thu, 13 Jan 2022 13:15:20 +0000

Селекторот на македонската ракометна репрезентација, Кирил Лазаров, попладнево го објави списокот на играчи кои ќе бидат во комбинација за настап на средбата со Словенија во првото коло од Европското првенство. Од присутните во Унгарија, во составот на „црвено-жолтите“ ќе ги нема централниот бек Марко Митев и голманот Благојче Трајковски. Лазаров кој е и капитен на националниот тим се одлучи за следниве играчи: голмани: Мартин Томовски, Градимир Чаневски леви крила : Цветан Кузмановски, Бојан Маџовски,леви бекови : Филип Талевски, Филип Кузмановски, Марко Мишевскицентрални бекови : Филип Миркуловски, Игор Георгиев, Горан Крстевскипивоти : Стојанче Стоилов , Жарко Пешевски , Костадин Петров, Кристијан Симоновскидесни бекови : Кирил Лазаров, Мартин Велковски, Мартин Серафимовдесни крила : Никола Костевски, Гоце Георгиевски. Почетокот на натпреварот во Дебрецин е закажан за 18 часот.

Почна продажбата на влезници за машкото ракометно ЕП

Бошко Тасиќ — Wed, 01 Sep 2021 19:04:07 +0000

Од денеска стартуваше продажбата на влезници за натпреварите на машкото Европско првенство кои ќе се играат во Унгарија, додека во текот на следната седмица ќе биде отворена можноста за купување на влезници и за натпреварите во Братислава. Има две можности за купување на влезници, а тоа е поединечно или во пакет. Поединечно значи за секој натпревар може да се купи различен билет, додека во пакет одат сите три дена од првата фаза, а натпреварите се играат на 13, 15 и 17 јануари. Доколку влезницата се купува поединечно по натпревар тогаш најевтината чини околу 14 евра, додека најскапата која носи и најубаво место е 34 евра. Има опции и за 20 и 25,5 евра. Можноста за три влезеници во пакет за трите дена носи и поевтина цена кога ќе се соберат поединечно трите дена. Доколку купите пакет тогаш најевтиниот е 38 евра. Потоа има опција за 53,5 и 69 евра, додека најскапата варијанта е 92 евра. Македонија отвора на 13 јануари против репрезентацијата на Словенија од 18 часот. Два дена подоцна противник е Црна Гора исто така од 18 часот, додека на 17 јануари е последниот дуел против Данска. Тој се игра со почеток во 20:30 часот.

Финска не беше проблем, патот до ЕП 2022 почна со лесна победа за Македонија

Магдалена Андонова — Wed, 04 Nov 2020 20:41:05 +0000

Без да стравуваат за бодовите, македонските ракометари со победа ги отворија квалификациите за Европското првенство во 2022 година, против селекцијата на Финска. Пред празни трибини во СЦ „Борис Трајковски“, аутсајдерот во нашата група 7 падна со 33-24. Македонија ги потврди најавите дека е поквалитетна од Финска за неколку нивоа и затоа на овој натпревар не беше доведен во прашање исходот. Финците парираа една четвртина од натпреварот, поточно до 14. минута, кога водеа со 4-5. Потоа следуваше неизбежен бран грешки во нивните напади, поттикнати од солидната 6-0 зона на Данило Брестовац, во која Никола или Велко Маркоски влегуваа на местото на Кире Лазаров, во транзицијата од напад во одбрана. Не можеа да постигнат гол осум минути, што поради грешки, што поради интервенции на Никола Митревски, па Македонија направи серија од 6-0 и поведе со 10-6. Ова водство беше само основа за продолжението од мечот, во кое не дозволивме позитивата да падне под +5. Првото полувреме заврши со 16-10, што претставуваше највисока разлика, а најзаслужни за тоа беа Лазаров со седум гола и Митревски со пет одбрани. Во вториот дел само ја пробивавме највисоката разлика, полека и селекторот Брестовац почна да го комбинира составот и да им дава шанса на момците од клупата, а тие во најголем дел ја искористија шансата.

Денеска ќе бидат познати групите за ЕП 2020

Катерина Бојаџиева — Fri, 28 Jun 2019 14:51:28 +0000

Извлекувањето на групите за претстојното Европско првенство во ракомет сениорска машка конкуренција, што во јануари 2020 година, ќе се игра во Шведска, Австрија и Норвешка, ќе се изврши денеска со почеток од 18:45 часот во Виена. Македонија по освоеното прво место во квалификациската група, го обезбеди своето учество на Европското првенство, а во пресрет на извлекувањето нашата селекција е сместена во вториот шешир. Според системот на натпреварување, извлечени ќе бидат шест групи со по четири репрезентации, од кои најдобропласираните две селекции, продолжуваат во втората фаза.