ВИДЕО:Боите на бугарското знаме во видеоспотот на македонската евровизиска песна – јавноста со бурни реакции

Магдалена Андонова — Fri, 12 Mar 2021 09:48:48 +0000

Поради пандемијата со коронавирусот минатата година изборот за најдобра песна во Европа беше одложен, на кој требаше да не претставува струмичанецот Васил Гарванлиев со песната „You“. Оваа година нашата држава на Евровизија во Ротердам, Холандија ќе ја претставува повторно тој, но со нова песна „Here i stnad“. Тој го промориваше и видеоспотот за песната. Откако го промовираше, во јавноста се појавија негативни реакции и критики. Имено, во видеоспотот во позадина во еден од кадрите се појавуваат вертикално боите бела, зелена и црвена, односно поточно, боите на знамето на Бугарија. Единствена разлика е тоа што на бугарското знаме се вертикално поставени боите. Поткрепувајќи се на фактот дека секоја песна и нејзин видеоспот кои се наменети за настап на Евровизија, треба да ја претставуваат државата од која што доаѓаат, односно видеоспотот да асоцира на некоја симболика на државата која што ја претставува, тоа во видеоспотот на песната која ќе ја претставува Македонија на Евровизија не е случај, напротив асоцира на симболики на наша соседна држава.

Слушнете ја песната што ќе ја претставува Македонија на Евровизија

Дарко Андоновски — Thu, 11 Mar 2021 18:14:12 +0000

Македонскиот претставник на овогодинешната „Евровизија“, Васил Гарванлиев, сподели видео од песната со која ќе настапи во Ротердам, Холандија. Песната „Here I stand“ е негово авторско дело, а продукцијата и аранжманот се на Борче Кузмановски и Давор Јордановски. Погледнете и слушнете како изгледа македонскиот претставник на Евровизија.

Избрана македонската евровизиска песна

Ивона Петрова — Fri, 12 Feb 2021 10:46:58 +0000

„Here I stand“ е насловот на евровизиската песна со која што македонскиот претставник Васил Гарванлиев ќе настапи на 65-тото издание на Евровизија во мај во Ротердам. Песната е работена според мелодија и текст на самиот Васил, а за аранжманот и продукцијата ќе се погрижат Борче Кузмановски и Давор Јордановски. -Во целиот хаос и бура од разочарувања минатата година, Here I stand „се напиша” во еден здив, без притоа да помислам за каде и за кого ја пишувам песната. Веројатно тие се оние ретки моменти кога ќе се споите сами со себе и ќе оставите вашата емоција да ве понесе без да ја „осудите”, туку ја оставате да истече од вас во најискрената форма. Особено сум горд што ја имам можноста со автобиографска песна да ја претставам Македонија на Евросонг. Велат дека секој човек си носи барем една песна во себе, Here I stand е мојата песна што едвај чекам да ја запеам на сцена. Им благодарам на сите кои ме поддржуваат и веруваат во мене, истакна Гарванлиев. Песната ќе се снима во ренoмираното студио Fames во Скопје, со симфониски оркестар во живо, а придружните вокали ќе се снимаат во Чикако, од страна на поранешни членови на Детскиот Хор на Чикаго, каде и самиот Васил членуваше како дете. Борче Кузмановски во македонската јавност е познат како клавијатурист на групата Нокаут, мулти-инструменталист кој соработува со речиси сите еминентни имиња од домашната поп, рок, џез и алтернативна сцена. Ангажиран е како продуцент и инженер на звук со портфолио кое вклучува повеќе од 500 музички дела за филм, театар, радио драма, промо видеа, трејлери, а соработува со домашни и странски корпорации за музика и семплови. Давор Јордановски во Канада веќе дваесет години гради успешна кариера како изведувач, композитор и продуцент, во свои и проекти со други истакнати музичари. Зад себе има повеќе авторски албуми, а полето на делување му е прилично широко, од поп и џез музика, преку филмска и класична, па се до амбиентална, R&B и современа музика. Неговата работа како композитор, аранжер и продуцент вклучува компании како: Sony/ BMG, Westar Music, Sound Ideas, MDScoring. -И годинава одлучивме да го употребиме јавниот повик, испраќајки отворена покана до домашните и авторите надвор од земјата да се вклучат во селекцијата на евровизиската песна, како еден од начините да добиеме што пошироко понуда на песни, бидејќи никогаш не знаете кој ја има „вистинската“ песна. Задоволни сме од одзивот на авторите и од квалитетот на преслушаните демо и финални снимки, а тим од музички уредници од Македонската Телевизија и од Македонското Радио се согласи дека „Here I stand“, најмногу им прилега на вокалните способности и уметнички афинитети на Васил. Имајќи ја предвид големината на настанот, за одбраната песна се подготвува комплетен аудио-визуелен концепт, со кој се надевам дека сите ќе се гордееме, изјави шефот на делегацијата Мери Попова. Песната „Here I stand“ со видео запис ќе биде промовирана на почетокот на месец март. Македонскиот претставник Васил Гарванлиев веќе ја сними и евровизиската разгледница, годинава во виртуелно студио во МТВ. Со цел да се избегне патување, организаторите на Евровизија осмислија креативни видео разгледници, во кои секој од учесниците ќе се појави на различни локации во Холандија преку холограм. На три месеци до Евровизија, организатирите се одлучија на реалистичен пристап, фокусирајќи се во моментов на реализација на сценариото Б, според кое Евровизија ќе се организира според усвоени протоколи за заштита од ковид 19, што подразбира настан со присуство на делегациите во Ротердам, но со примена на социјална дистанца, чести тестирања во арената, редуциран капацитет на публика, кој може да се движи од 0% до 80%, во зависнот од моменталната состојба и пропишаните закони на локалните власти. За непречено одвивање на шоуто и во услови на неопходни промени во последен момент, секоја национална телевизија мора да обезбеди претходно снимен настап од својот претставник, кој евентуално ќе се искористи во зависнот од потребите на даденото сценарио.

евровизиска песна – Kurir.mk

ВИДЕО:Боите на бугарското знаме во видеоспотот на македонската евровизиска песна – јавноста со бурни реакции

Слушнете ја песната што ќе ја претставува Македонија на Евровизија

Избрана македонската евровизиска песна