Езџан Алиоски – Kurir.mk

Миоски и Алиоски го пропуштаат утрешниот дуел со Азербејџан

Ивана Ефремовски — Sat, 19 Nov 2022 12:48:02 +0000

Македонската фудбалска репрезентација во ослабен состав ќе го одигра последниот натпревар за оваа календарска година, против Азербејџан утре со почеток во 14 часот на Националната арена „Тодор Проески“ во Скопје. Во македонските редови за утрешниот натпревар ќе недостасуваат повредениот Бојан Миовски, како и Езџан Алиоски, кој е ослободен од репрезентативните обврски поради семејни причини. Македонската фудбалска репрезентација е во серија од четири натпревари без победа, три порази и реми против Финска (1-1) во пријателскиот натпревар во Скопје во четвртокот, додека Азербејџан пред гостувањето во Скопје ја совлада Молдавија на гостински терен со 2-1. (МИА)

Фенер донесе конечна одлука околу иднината на Алиоски

Ристе Здравков — Wed, 16 Nov 2022 15:59:26 +0000

Езџан Алиоски летово се пресели во Фенербахче, каде ќе игра на позајмица од Ал-Ахли од Саудиска Арабија. Задоволни од досегашните настапи, челниците на турскиот гигант наводно одлучиле да целосно да го откупат нашиот интернационалец. На крајот од сезоната екипите ќе седнат на маса и ќе водат преговори околу откупната сума за македонскиот репрезентативец. Тимот од Истанбул подготвил 2,5 милиони евра за популарниот Џани. Тоа според пишувањата на турските медиуми ќе биде прифатливо и за Ал-Ахли. Алиоски досега одигра 17 натпревари за Фенер и запиша еден гол и подели две асистенции.

ВИДЕО: Алиоски емотивен и во солзи по последниот домашен меч за Ал Ахли

Ристе Здравков — Sat, 25 Jun 2022 10:38:16 +0000

Македонскиот репрезентативец Езџан Алиоски ги минува последните денови во Ал Ахли. Пред два дена неговата екипа загуби на домашен терен од Ал Раед со 1-3 и со тоа падна на место кое води во втората лига. Бидејќи е пред заминување, бекот на Ал Ахли беше емотивен по крајот на мечот, пред сè бидејќи тоа беше последен домашен меч. Алиоски беше во емотивен и во солзи го напушти теренот. Видео од Алиоски при заминувањето од теренот:

Иако се очекува да замине во Трабзонспор, нема сомнеж дека Алиоски ќе направи сè за Ал Ахли да остане во лигата. Во завршната рунда следи гостување кај немотивираниот Ал Шабаб, додека прв над цртата е Ал Батин, а тие гостуваат кај Ал Итихад кој е во битка за титулата.

Алиоски е во Истанбул и ќе седне на маса со претставници на Трабзонспор?

Ристе Здравков — Wed, 15 Jun 2022 16:19:22 +0000

По неуспешниот обид во претходниот трансфер период, екипата на Трабзонспор се надева дека ова лето ќе успее да го убеди Езџан Алиоски. Македонскиот репрезентативец замина од Лидс Јунајтед и се пресели во Саудиска Арабија. Но, наскоро би можел одново да менува играчка средина, бидејќи турскиот клуб сериозно размислува за него на левата бековска позиција. Според некои турски медиуми популарниот Џани е во Истанбул, каде ќе седне на маса со претставници на клубот. Заедно со својот менаџер и официјално ќе ги започне преговорите за евентуален трансфер во Трабзон. 30-годишникот се претстави во добро светло во Лугано, од каде доби можност да настапува во Премиер лигата под палката на Марсело Биелса во Лидс.